*التحقيق 5*
*ف القسم*
حاتم:- سلام عليكم
عبدالواحد:- وعليكم السلام اتفضل
حاتم:- تسلم..
عبدالواحد:- طيب ي حاتم انا طلبتك تاني عشاان عايز ارجع اسئلك سؤال
حاتم:- اتفضل
عبدالواحد:- انت اتكلمت مع حمزه ف التلفون بعد رجع الخرطوم ولا لا
حاتم بي تردد:- لللا
هنا عبدالواحد مسك سجل الاتصال واداه لي حاتم
عبدالواحد:- كدي عااين ف السجل دا مش دا رقمك
حاتم والقلق بدا يظهر عليه:- اي
عبدالواحد:- السجل بقول ان حمزه اتصل عليك الساعة 2 بس انت نكرت الحاجه دي
حاتم:- انا م متزكر الا يكون في زول تاني رد عليه
عبدالواحد:-انت متاكد م اتكلمت معاه ... والمكالمة كانت عباره عن 10دقايق يعني استحاله يكون ف زول تاني رد
حاتم:- م عارف الرد منو وقال شنو وليه مده المكالمه عشره دقايق...المهم م انا الاتكلمت معاه
عبدالواحد:- طيب كنت وين الساعه 2
حاتم:- كنت ف النادي مع الشباب
عبدالواحد:- و م ركزت تلفونك كان مع منو
حاتم:- ما متزكر والله
عبدالواحد:- طيب ي حاتم كدا ممكن تمشي لكن خت ف بالك لو عرفتك انك بتكذبم حتشوف خير مني
حاتم:-اتاكد م بكذب
عبدالواحد:- طيب
*ف منزل اكرم*
اكرم سمع جرس الباب ومشي يفتح
مؤيد واحمد :-سلامات
اكرم:-اهلين اتفضلو
مؤيد:- وين ناس البيت
اكرم:-ما ف زول ف البيت يلا جلسو
احمد:-اها ي اكرم مؤيد قال انت عايزنا في موضوع مهم
اكرم :- اي فعلا
مؤيد:-طيب احكي سامعنك
اكرم:- طيب الموضوع من الاول ان حمزه ربنا يرحمو كان حاسس بي قلق علي حاتم لان لاحظ لي تغيرات كتييره فيهو.. وكلمني بالموضوع دا... وانا عشان اريحو من التفكير وكلت زول يراقب حاتم عشان يعرف هو بعمل ف شنو بالظبط
مؤيد:- اها وعرفت شنو
اكرم:- خليك من العرفتو م مهم اسي... المهم ان الزول الانا وكلتو دا اتصل علي قبيل الصباح عشان يوريني حاجه مهمة عن يوم اختفاء حمزه
احمد:- شنووو؟
اكرم:- قال ان شافو يوم الاختفاء زي الساعه 4 وكان راكب مع زول ف عربيه
مؤيد:- زوول ؟؟ منو يعني؟
اكرم:- يلاا الزوول دا قاال ان كماان شافو مع حااتم لمن كان مراقبو
مؤيد:- يعني الزول دا حيكوون منووو مثلا
اكرم:- يلا الزوول الوحييد ال ممكن يجاوبنا ع السؤال دا حاتم
احمد:-طيب لييه ما كلمت العقيد عبدالواحد
اكرم:- م بقدر اكلمو لان حيدخلو حاتم ف القضيه اكيد وممكن يضيع فيها
مؤيد:- كيف يعني البضيعو شنو فيها
اكرم:- في حاجات انتو م عارفنها عن حاتم واذا الظابط عرفها عنو فاكيد حيكوون هو متهم اول ف القضيه دي وانا واثق ان م عندو علاقه بيها
مؤيد:- طيب اسي الحل شنوو
اكرم:- نجيب حاتم ونتكلم معاه ويورينا الزوول الكان راكب معاه حمزه منوو؟
احمد:- طيب الموضوع ايزي نجيبو اسي كمان
اكرم:- طيب اتصلو عليهو انتو لان انا م حيرد علي
مؤيد:-طيب
حاتم:- سلام احمد
احمد:- عاين انت وين ي مان
حاتم:- كنت ف القسم واسي راجع ع البيت
احمد:- طيب عااين بالله تعال لي ف بيت اكرم
حاتم:-لييه ف شنو؟
احمد:- الموضووع مهم انت بس تعاال سريع
حاتم بي توتر:- طيب خير
حاتم مع نفسو:- اليووم دا اصلووو م شكلو حيطلع منو خير
*ف القسم*
علي:- سعادتك المخبر المراقب اكرم بقول ان احمد ومؤيد حاليا مع اكرم ف البيت
عبدالواحد:- تفتكر اجتماعهم عادي ولا ف ان ف الموضوع
علي:- ف الاوقات دي اكيد في ان ف الموضوع
عبدالواحد:- لاازم نعرف الحاصل شنو... ف كذب كتير حاصل... وخاصه من الاسمو حاتم دا
علي:- انا شاكي ان عندو علاقه كبييره بي جريمة القتل
عبدالواحد:-دا لو م كان هو القاتل
علي:- ممكن زول يقتل اخوهو
عبدالواحد:-بتحصل وكتير ..وانا لازم اخلي حاتم يعترف بالحقيقه براه
هل فعلا حاتم القاتل؟؟
يتبع....
