*الحقيقة 5*
حمزة:- اللي هو شنو؟؟
العاشق المجنون:- حب الخير للتانين
حمزه:- هههههه م كلنا بنحب الخير للتانين
العاشق المجنون:- لالا م كلنا ف ناس قلوبها اسودت من كترة الحقد الجواها
حمزه:- فعلا... بس عايزاسالك انت ملاحظ تغير ف حمزه الايام الفاتت دي
العاشق المجنون:- طييب مدام سالتني السؤال دا لازم احكي ليك الانا بعرفو... لاني حاولت اتصرف بس تصرفي م جاب نتيجة
حمزة:-احكي في شنوو؟؟
العاشق المجنون:- طييب ي اخ حمزه انا لاحظت نفس التغير الكان حاصل ف حاتم وقلت لازم اعرف سببو شنو وفعلا عرفت ان بيشرب بنقو مع شلة كدا
حمزة:- بنقووو😳 متاكد انت
العاشق المجنون:- اي متاكد جدا... وحاولت اتكلم معاه بس م سمع كلامي
حمزة:- لا حولا ولا قوة الا بالله.. لازم اتصرف ف الموضوع دا وسريع
العاشق المجنون:- بس لازم م تكلم زول عن الموضوع دا الا بعد تقدر تلقي ليه حل
حمزه:-اكيد... بس الحل شنو تفتكر... اذا اتكلمت معاه م حيجيب نتيجة
العاشق المجنون:- عاين انت لاقيني بس اول م تجي راجع من دبي .. عشان عندي ليك حل ان شاء الله
حمزة:-الحل شنوو؟
العاشق المجنون:- لمن تصل هنا بكلمك... دق لي ع الرقم دا بس ********09
حمزه:-طيب ان شاء الله انا اساسا راجع بكرة ... بس نسيت اسالك اسمك منو
العاشق المجنون:-ايمن
حمزه:- اتشرفنا ي ايمن
العاشق المجنون:-الشرف ليا
حمزة:- طيب عن اذنك انا حانوم بعد دا لان راجيني سفر بكرة... ومجرد اصل بتصل عليك
العاشق المجنون:- ان شاء الله سلام
حمزة:- سلام
عبد الواحد بعد خلص قراية المحادثه البين حمزه والعاشق المجنون بدا يفكر
عبدالواحد:- علي من المحاادثة دي عرفنا حاجتين ان ايمن اللي هو العاشق لاقي حمزة بعد وصل الخرطوووم ... ولو لاحظت كماان رقم تلفونو هو نفس الرقم الراابع الاحنا لقيناه م مسجل. دلاله ع ان حمزه اتصل عليه بعد وصل هنا
علي:- بس الحاجه البتشوش ي سعادتك ان الزول من كلامو ظاهر عليه عاايز يساعد حمزة وبس يعني م ممكن يكون قتلو
عبدالواحد:- والله كلوو وارد بس احنا حنعرف الحصل بعد حمزه وصل هنااا كييف؟؟
علي:- لو عرفنا الحصل القضيه كلها بتتحل
عبدالواحد:- انا بعد دا لاااازم اتكلم مع حاتم واضغط عليه عشان يقول الحقيقة ...
في الوقت دا مؤيد استأذن عشان يدخل مكتب عبدالواحد
عبدالواحد:-اتفضل
مؤيد:-سعادتك عايز اتكلم معاك بي خصوص حاتم
عبدالواحد:-طيب بس قبل كدا حأوريك الصورة الاترسمت لي اخر زول كان مع حمزه واللي شاكين ان يكون هو القتلو
مؤيد:- طيب جدا
عبدالواحد:- دي الرسمة عاين ليها كووويس واتزكر اذا شفت الزول دا قبل كدا ولا لا
مؤيد:- اممممم الزول دا زي الشفتو قبل كدا بس م متزكر شفتو وين
عبدالواحد:- حااول لازم تتزكر
بدا مؤيد يحااول ان يتزكر
مؤيد:- م قدرت اتزكر سعادتك... بس مجرد م اتزكر بكلمك طوالي ..
عبدالواحد:- خلاص جدا..وعايزك تشيل الصورة دي توريها لي كل زول ف البيت اذا بعرفو ولالا
مؤيد:-ان شاءالله.. طيببي خصوص حاتم .. حتفكو متين من الحبس؟
عبدالواحد:-والله يمؤيد م اكذب عليك حاتم موقفو ضعيف جدا لحدي الان و م بنقدر نفكو.. لان ف عين القانون هو معرف بالقضيه وخلاص... ولو م غير افادتو م حيطلع من هنا...
مؤيد:- طيب انا حاحاول اتكلم معاه واقنعو يغير افادتو ويقول الحقيقة
عبدالواحد:- طيب ممكن اسي تمشي تتكلم معاه
مؤيد:- جدا
*ف الزنزانة*
حاتم قاعد وظاهر عليه اليئس والتعب والارهاق..ف الوقت دا دخل عليه مؤيد
مؤيد:- حااتم
حاتم:- مؤيد😔
مؤيد:- الوصلك المرحلة دي شنووي حااتم...ليه بتعمل ف نفسك كدا... انت م عاارف ان كلنا بنحبك... م عارف ان حمزه م حيرضي الانت بتسوي ف نفسك دا
حاتم:-بستااهل انا ي مؤيد.. حمزه مات بي سببي انا
مؤيد:-بس م انت القتلتو
حاتم:- بس بقول ليك انا السبب
مؤيد:- احكي لي الحصل شنو والبتعرفو شنو
حاتم:- م عارف
مؤيد:- حاااتم لازم تثق فيني وتحكي انا اخووك.. م حاعمل الا الحاجه الحتفيدك وحتفيد الجميع.. ولازم كمااان الزوول القتل حمزه يتعااقب... ولا انت م عايزو يتعاقب
حااتم:- انا اكتتتر زوول بتمني اشوووفو مشنووق عدييل لان العملو فيني ما قليل وكماان يقتل حمزه اخووي
مؤيد:- عمل فيك شنووو ي حاتم؟؟
حاتم:- هو السبب ف الانا وصلت ليه دا😔
مؤيد:- طيب احكي لي ي حاتم عشان نلقي حل
الحصل لي حااتم شنوو؟.
وهل من خلال كلام حاتم حنقدر نصل للقاتل ولا لا؟؟
يتبع...
