*الحقيقة 1*
*ف القسم*
علي:-سعادتك مؤيد واحمد واقفين بره
عبدالواحد:- خليهم يتفضلو يدخلو
علي:- حاضر سعادتك
.مؤيد واحمد:- سلام عليكم
عبد الواحد:- وعليكم السلام .. اتفضلو
مؤيد:- اها عايزين نشوف القاتل دا منو الشاال مننا حمزه واغلي زول عندنا
عبدالواحد:- حاوريكم ليه بس بالاول لاازم تهدو لان القاتل ما زول غريب منكم
مؤيد:- قصدك منوو يعني
عبدالواحد:- للاسف الزول الجا وسلم نفسو بكون اخوك حااتم
مؤيد:- 😱شنووو حااااتم كيييف يعني .... انت فاهم نفسك بتقول ف شنو.. يعني عاايز تقول ان اخوي قتل اخوي التاني لاااا لااا
احمد:- لالا استحاااله حااتم يعملها
عبدالواحد:- والله هو ال جا وسلم نفسو للشرطه واعترف بالجريمة .. وانا اساسا كنت شاكي فيه... وكفاية ان بشرب مخدرات يعني ممكن يعمل اي حااجه تحت تاثير المخدرات
مؤيد:- لااااا م ممكن ...يعني اسي امشي اقوول لي امي . ان ولدك حاتم هو القتل حمزه... اقول ليها ان بدل تتحرقي ع وااحد حتتحرقي عليهم الاتنين 😭
احمد:- سعاادتك وييين هو عايزين نقابلو ...
عبدالواحد:- جدا... تعالو معاي
*ف مطعم*
اكرم وميساء قاعدين ف طاولة ف المطعم
ميساء:- اكرم للان انت م قلت لي عايزني ف شنو
اكرم:-عايزك تغيري جو بس ..وم تحبسي نفسك كدا..
ميساء:-بس انا م عندي نفس للطلعات دي
اكرم:- ميساء عاايني انا وانتي اكتر اتنين كانو بيعرفو حمزه وقريبين ليهو... وانا متاكد حمزه م كان حيرضي الانتي بتعمليه في نفسك ...وكدا حتعزبيييهو... وانتي اكيد م عايزاه يتعذب....
ميساء:- اعمل شنوو لكن انا م قااادره والله اتعايش مع الحصل... م قادره اصدق ان حمزه خلاص فارقنا كلنا 😭
اكرم:- م ف زوول فينا قادر يصدق ي ميسااء.. بس حمزه مكاانو ف القلب وعمرو م حيتنسي .. بس لاازم الزول يواصل حياتو... دي سنة الحياة... وربنا سبحانه وتعالي بيسالك من نفسك الانتي مهملاها دي...انتي م شايفة نفسك بقيتي كيف... ظاهر عليك المرض والتعب
ميساء:-اعمل شنو يعني يا اكرم عشان اواصل حياتي... واواصل حياتي من غير حمزه كيف
اكرم:- حمزه خليه ف قلبك ادعي ليه اتصدقي ليه واقري ليه قران... بس م تهملي نفسك... اكلي كويس اتونسي مع الناس البتحبك و ال م بتقدر تشوفك ف الحاله دي.. اطلعي مع صحباتك اكيد اشتااقو لي ونستك وضحكتك... م تقتلي نفسك وانتي عاايشه .. لان حرام الانتي بتعمليهو ف نفسك دا... وكل م تحسي نفسك اشتقتي لي حمزه امسكي صوورتو وابكي حرقتك عليهو
ميساء:- 😭😭 ان شاء الله حاحاول اني ارجع زي زمان.
*ف الزنزانة*
حاتم جالس وظااهر عليه حزييين شديييد ومنزل راسو لي تحت بس
شويه ويصل العقيد ومعاه مؤيد واحمد.. ومن مؤيد يشوفو يجي جاري عليه ويمسكو
مؤيد:- حاااتم الكلااام دا صاااح عليك الله قووول م انت العملتها ... انت اخوي بعرفك استحاله تعملها.
وحااتم سااكت م برد
مؤيد:- حاااتم رد علي ياااخ.. قووول م انت العملتها... كييف تعترف بي جريمه انت م عملتها...كيف تخلي امي تتحرق حرقتين بدل واحده
حاتم بي حزن:- مؤيد ابعد مني ... الظابط قال ليك انا اعترفت وخلاص يعني صدق الحصل...
بعد مؤيد سمع الكلام دا مسك حاتم وضربو بوكس ع وشو
مؤيد:-ياااا خسااارة... انت بي كل سهووولة بتقول لي انك قتلت اخووك ..كيييف طاوعك قلبك تقتل حمزه ... حمزه ياااا حااتم اخوونا التعب كل حيااتو عشان يربينا .. حمزه الوقف قراايتو عشان يشتغل ويقرينا نحنا... حمزه ال من صغير مسك مسؤولية البيت كلوو ع راسو و ما كان بخلينا نحتاج لي حاجة... كان بعاملنا زي اولادو م اخوااانو... وانت بي كل سهوله بتقوول لي انك قتلتو😭....
حاتم:😭 مؤيد عليك الله امشي خليني
هنا مؤيد بدا ينهار بالجد من الكلام السمعو لان م مصدق الحصل ...
احمد:- مؤيد خلينا نطلع م اظن الكلام معاه ينفع
عبدالواحد:- ايوا احسن.. ولسه ف اجراءات حتتعمل وبعدو حيتعرض حاتم للمحكمة
هنا مؤيد طلع سريع ومشااعرو ملخبطه زعلان وغضبان ومقهور ومتضايق و الدنياا بقت ليهو سودااء ..طلع سريييع و ركب عربيتو واتحرك....
احمد حاول يلحقو بس م قدر... طواالي طلع تلفونو واتصل ع اكرم
*ف المطعم*
اكرم جوالو يتصل
اكرم:- سلام
احمد:- اكرم انت ويين الدنيا جااطت بي هنا
اكرم بي خلعة:- قووول بسم الله ف شنوو ياا زول
حكي احمد كل الحصل لي اكرم
اكرم:-لالا استحاااله ياا اكرم حاتم ما بيعملا
احمد:-اكرم بقول ليك هو اعترف بالجريمه .. ومؤيد اسي طلع منهاار و م عاارفو مشي ويييين
اكرم:-انت وييين بجييك اسي
احمد:- قداام القسم ... عليك الله تعال سريع نشوف حنتصرف ف الموضوع دا كيف
اكرم:-طيب تمام
هل حاتم هو فعلا القااتل؟؟
وحيحصل شنو بعد كدا؟؟
يتبع....
