*الحقيقة 2*
*ف المطعم*
اكرم:- ميساء جاني مشوار مستعجل ... ارح اوصلك ف طريقي وبعد داك امشي
ميساء:- ان شاء الله خير بس
اكرم:- ادعي يكون خير بس
ميساء:- ان شاء الله
وصل اكرم ميساء للبيت وبعد داك دور سريييع ومشي لي احمد
اكرم:- احمد اها عرفت مؤيد مشي وين
احمد:- لالا وقفل تلفونو كمان 😰
اكرم:- ربنا يجيب العواقب سليمه
احمد:- امين
اكرم:- عايز اقول ليك انت مصدق ان حاتم ممكن يقتل حمزه
احمد:- انا م مصدق بس بعد شفتو اعترف بقيت ملخبط عديل... وزي م قال الضابط هو زول بشرب مخدرات يعني ممكن تحت تاثير المخدرات يعمل اي حاجه
اكرم:- لالا انا م مصدق واستحاله اصدق ان حاتم يعملا... ولاازم اتكلم معاه عشان افهم الحاصل شنو...
احمد:- ان شاء الله تقدر تخليه يتجاوب معاك
اكرم:- ان شاء الله بس اسي داخل اتكلم مع الضابط
احمد:- طيب وانا بحااول اعرف مؤيد مشي وين
اكرم:- طيب تمام
*ف القسم*
اكرم:- سلام عليكم سعادتك
عبدالواحد:-وعليكم السلام اكرم اتفضل
اكرم:- انا جاي اتكلم معاك ف موضوع حاتم دا
عبدالواحد:- اتفضل
اكرم:- انا متاكد ي سعادتك ان حاتم م هو القتل حمزه
عبدالواحد:- والبخليك متاكد شنو
اكرم:- لان م بيعملا والله
عبدالواحد:- كلامك دا م كفايه عشان انا اصدق ان م عملا... وغير كدا هو اعترف بالقضيه
اكرم:- انا متاكد ف سر ورا القضيه دي نحنا لسه م اتوصلنا ليه
عبدالواحد:- انت شكلك عندك حاجه بتخليك متاكد من البتقولو دا ...
اكرم:- والله بس قعدت فكرت ف الموضوع بي منطقية ولقيتو م جاي...
عبدالواحد:- كدي قول العندك
اكرم:- شوف ي سعادتك انا مش قلت ليك كان ف زول مراقب حاتم لحدي يوم الاختفاء هو كان مراقبو
عبدالواحد:- ايوا بس لمن سالتك قلت م ف حاجه مهمة قالا ليك
اكرم:-فعلا م كان ف حاجه ليها علاقه بالقضيه... والقالو لي ان بيلاقي زول معين ويمشي بيت كدا بكون فيه كذا شخص وبيتلاقو وبيشربو بنقو ... بس لان الكلام دا م كان عندو علاقه بالموضوع انا م جبت ليك سيرتو
