*الحقيقه 4*
*ف القسم*
عبدالواحد:- علي عاين اتحصل علي موقع البيت الكان بمشيه حاتم من محمود .. واول ما تتحصل عليه كلم وحده مكافحة المخدرات عشان البيت دا شكلو وكر عديل
علي:- حاضر سعادتك
عبدالواحد:-واحتمال الزول البنفتش عنو ينقبض مع الناس البتكون هناك
علي:- ان شاء الله
عبدالواحد:-اها لسه الحساب م انفتح
علي:- زولنا شغال فيه حاليا وشويه وبفتحو
عبدالواحد:- طيب كويس
*ف منزل احمد*
يرن تلفون احمد
احمد يصحي من النوم ويعاين للتلفون بي نص عين ومجرد ما يشوف الاسم يقوم سريع ويرد
احمد:- مؤؤؤيد وييينك من امس قلقتنا عليك
مؤيد:- م تخاف بس كنت محتاج اقعد مع نفسي شويه
احمد:-م وصلتك رسالتي وان اخوك حاتم برئ
مؤيد:- ي داب شفتها لان التلفون كان قافل.. بس انت بتقول كدا ع اي اساس اذا حاتم اعترف بي نفسو
احمد:- مؤيد حاتم دا اخووك انت بتصدق فيه حاجه زي دي...
مؤيد:- م انا ماا قاادر اصدق 😭 بس بعد سمعت الكلام منو بقيت م اعارف اعمل شنو
احمد:- عاين اكرم امس جا القسم واتصرف ف الموضوع دا واثبت للظابط ان حاتم م ممكن يكون قتل حمزه .. ودوائر الشك بقت ف زول تاني بس مجهول للان وبفتشو عنو
مؤيد:- طييب وحااتم فكوهو يعني..
احمد:- لالا لان معترف بالقضيه م بقدرو يفكو الا يصلو للقاتل الحقيقي والا حاتم يغير اقوالو
مؤيد:-معناتوانا لازم امشي القسم واتكلم مع حاتم تاني... لازم يوريني هو بعمل كدا لي شنو
احمد:-طيب كلم اكرم لان هو كمان قال حيمشي الليله القسم
مؤيد:- طيب تمام يلاسلام
احمد:-سلام
يمسك مؤيد التلفون ويتصل علي اكرم
اكرم:- ويييين ي زووول.. انت كويس؟
مؤيد:- كويس م تخاف ...
اكرم:- طيب مشيت وين امس
مؤيد:- مع نفسي بس
اكرم:- م تقلقنا عليك تاني ... ومش احمد كلمك ان حاتم برئ
مؤيد:- اي كنت بتكلم معاه قبل شوية ووراني كل الحصل... وقلت لازم امشي القسم عشان اشوف حيحصل لي حاتم شنوو .. لان للان ناس البيت م عارفين حاجه عن الحصل و م عايز اكلمهم حاليا
اكرم:- ايوه احسن حاجه م نكلمهم لحدي م نشوف طريقه ونطلع بيها حاتم من المصيبه الوقع فيها دي
مؤيد:- اي ان شاء الله... خلاص انا اسي حامشي ع القسم ونتلاقي هناك
اكرم:- خلاص ان شاء الله
*ف القسم*
علي:- سعادتك دي الرسمه الاتحصل عليها الرسام من الوصف ومحمود اكد ان الرسمه نفس ملامح الزول العايزنو
عبدالواحد:- خلاص الرسمه دي اخد منها صورة واديها لي ناس مكافحة المخدرات الحيقتحمو الوكر علشان يقدرو يتعرفو ع الشخص دا ويسلمو لينا ...
علي:- حاضر سعادتك
عبدالواحد:- وكمان نشوف عائلة حمزه اذا حيتعرف عليه زول... طبعا م عدا حاتم لان اساسا بيعرفو بس م مؤهل عشان نسألو
علي:- ايوه فعلا سعادتك...
عبدالواحد:- طيب والدردشات طلعت
علي:- فتحت بس بينسخ فيهم وبعد خمسه دقايق حأجيبهم ليك
عبدالواحد:- طيب كويس جدا... اسي امش نفذ القلتو ليك
علي:- حاضر سعادتك
عبدالواحد يتصل علي مؤيد
عبدالواحد:- سلام عليكم
مؤيد:- وعليكم السلام سعادتك
عبدالواحد:- عايزك ف القسم حالا
مؤيد:- انا اساسا جاي ع القسم وقربت شويه واكون معاك
عبدالواحد:- طيب تمام.. سلام
مؤيد:- سلام
وقبل مؤيد يصل للقسم .. وصلت نسخة الدردشات لي عبدالواحد
علي:- سعادتك دي النسخة من الدردشات وفعلا طلعت اخر دردشه ليه كانت مع العاشق المجنون ...
عبدالواحد مسك النسخه وبدا يقرأ ف المحادثه الكانت بين حمزه والعاشق المجنون وكان مضمونه كالاتي ....
العاشق المجنون:- سلام عليكم
حمزه:- وعليكم السلام
العاشق المجنون:-كيفك ي حمزه
حمزه:- تمام الحمدلله وانت كيفك
العاشق المجنون:- باااحسن حال الحمدلله
حمزه:-انت صديق حاتم صح
العاشق المجنون:- م مجرد صداقه هو صديقي العزيز
حمزه:-بس م حصل شفناك معاه ولا هو حكي عنك
العاشق المجنون:- ايوه لان صداقتنا بدت قبل وقت قصير جدا
حمزه:- وطيب كيف تكون صداقة قوية
العاشق المجنون:- لان مشتركين ف حاجه واحده حاجه قوية بتجمعنا الاتنين.. عشق لينا الاتنين..
حمزه:- اللي هوو شنوو؟؟
الحاجه القويه البتجمع حاتم بي العاشق المجنون شنو ؟؟
ورده فعل حمزه كانت كيف؟؟
يتبع....
