*التحقيق 6*
ف منزل اكرم
حاتم:- خير فشنو متجمعين وعايزني انا كمان
احمد:- كدي اقعد اول شي
حاتم:-اها قعدت احكو
اكرم:- عايزين نسالك بس وتجاوبنا بي كل صراحة
حاتم:- دا يووم الاسئله العالمي ولا شنو ... المهم اسال
اكرم:- ف الايام السافر فيها حمزه دبي...انت كنت بتمشي وين
حاتم:-بقيت محقق ي عم انت ولا شنو
مؤيد:-حاتم جاوب انت خسران شنو ... لان جوابك حيساعدنا نعرف الحصل لي حمزه شنو
حاتم:- كنت بلاقي الشله ف مكان وبنقعد ...
اكرم:-طيب ف زوول سايق عربيه كان بمشي معاك للشله دي
حاتم بي تردد :-لالا جبت الكلام دا من وين بمش براي كنت
اكرم:- حاتم احكي الحقيقه انا عندي زوول شاافك كل يوم بتلاقي نفس الزول وبتمشي معاه مكان محدد
حاتم:- يعني بتراقبني مثلا... ثم انت مالك اذا ف زول معاي ولا لا..
مؤيد بي غضب قام ومسك حاتم من قميصو:- الزووول دا اخرر زووول كان مع حمزه يعني لاازم تورينا دا منو
حاتم بي حيره:- كان مع حمزه؟؟
مؤيد:-اي...ورينا سريع دا منو انت الوحيد البتعرفو
حاتم بي ارتباك زح مؤيد منو وطلع سرييع من البيت
احمد:- الزوول دا ما طبييعي
اكرم:- دا كلو من تاثير المخدرات البشربها
مؤيد:- مخدرات 😱
احمد:- لا حولا ولا قوه الا بالله .. حاتم بشرب مخدرات
اكرم:- دي الحاجه ال م ف زول بعرفها عن حاتم غيري ... وكان لازم اكلمكم عشان لاازم تطلعو من الجو ال هو عايش فيهو دا
مؤيد:- لييييه بس هو بعمل كدا.. مخدرات عدييل.. حيضيييع مننا لو استمر ف الدرب دا...وانا م مستحمل اضيع اخوي التاني كمان
احمد:- لاازم نشوف حل
اكرم:- اكيد
احمد:- يلا طيب ي مؤيد خلينا نلحقو احتمال كبير يكون مشي البيت
اكرم:- طيب انا كمان جاي معاكم
*ف منزل حمزه*
مؤيد:- مووده ي مووده
موده:-ايوه ف شنو مالك بتكورك
مؤيد:- حاتم اخوك جا هنا
موده:- لالا من طلعت الصباح تاني م شفتو... ليه ف شنو
مؤيد:- م ف حاجه خلاص...
مؤيد طلع الشارع محل احمد واكرم مستننو
مؤيد:- عاينو حاتم طلع ماف ارح نشوفو ف النادي واي مكان ممكن يكون فيه
اكرم:- طيب انتو امشو شوفوهو انا ادخل اسلم ع ناس البيت وحاج ابراهيم لي زمن منو عايز اتونس معاه
مؤيد:- خير طيب ارح ي احمد
احمد:- يلا
دخل اكرم ع ناس البيت
وسلم عليهم كلهم بس الزول العيونو كانت بتفتش فوقو م لقاه
بعد تم السلام وقعد نادي مودة
اكرم:- موده وين ميساء م شايفها
موده:- راقده جوه ف غرفة حمزه
اكرم بي زعل:- طيب ممكن تقولي ليها اكرم عايز يتكلم معاك ... مستنيها بره انا
موده:- طيب
موده:- ميسوو حبيبه
ميساء:- ايوا
موده:- عايني اكرم صاحب حمزه قاعد ليك بره وقال عايز يتكلم معاك
ميساء:- مالو عايز شنو
موده:- م عارفه اطلعي شوفيه
طلعت ميساء لي اكرم
اكرم بي حزن:- كيفك ي ميساء
ميساء:- تمام الحمدلله .. انت كيفك
اكرم:- الحمدلله... عايز اتكلم معاك ممكن
ميساء:- اتفضل
اكرم:- م هنا ... غيري ملابسك وخلينا نطلع
ميساء:- وين؟؟
اكرم:- انتي بس غيري وارح... انا استاذنت خالتو خديجة وسمحت لي اسوقك
ميساء:- بس م عندي نفس اطلع
اكرم:- اسمعي كلامي وقومي انا مستنيك بره
ميساء:- خير
.
.
يرن تلفون مؤيد
مؤيد:-سلام عليكم سعادتك
عبدالواحد:- وعليكم السلام
مؤيد:-اها ان شاء الله خير
عبد الواحد:- احب ابلغكم ان القاتل جا وسلم نفسو للشرطه واعترف بي القضيه
مؤيد:- القاتل سلم نفسوو وبراه
عبدالواحد:- اي ...بس لازم تجو القسم حالا عشان تشوفو
مؤيد:- اكيد ف الطريق
احمد:- ف شنو ي مؤيد
مؤيد:- القاتل سلم نفسو للشرطه ي احمد... واخيرا حيتعاقب الزوول القتل حمزه
احمد:-نفسي اشووف الزوول ال م عندو رحمه دا
مؤيد:- ارح ارح الظابط مستنينا
احمد:- يلا
يا تري القاتل السلم نفسو منو؟؟
يتبع...
