*راس الخيط*
حاتم:-دااا كلوو حقد ف قلبك واتجاااه حمزه... ياااخ دااا اكتر زوول طيب ف الدنيا.. عمل ليك شنوو بس عشان تحقد عليه كدا؟؟
ايمن:- هو السبب ف اي حاجه حصلت معاي... اتحطمت بي سببو ... وكاان لاازم اضوقو من نفس الكاس الضوقني ليه...بس ماا كنت عاايز اقتلو
حاااتم:-😡 يعني انت القتلتو..
ايمن:- بس انت السبب ف ان اخوك ماات... اخووك جا لحدي عندي بي سببك. واتشااكل معاي بي سببك
حاتم:- لا انا م السبب 😭
ايمن:-انت السبب... انت السمحت لي اصل لي اخوك.. بي سببك انت اتوفي... انا م كنت عايز اقتلو.. انت السبب فاهم....
حاتم:-انا السبب ف ان حمزه يمووت😭؟ .. يعني انا القتلتو؟؟
و ف المواعيد دي شربني حاجه بالغصب وبعد شربتو بقيت م فاهم حاجه و م بردد غير جملتين..انا السبب وانا القتلت حمزه...
و م كنت وااعي لي اي حااجه حصلت لي وجيت واعترفت كييف بالقضيه م عارف.. بس دا كلووو من تخطيطو... هو خطط لي اي حاجة.
مؤيد:-حسبي الله ونعم الوكيل... طيب لازم تحكي الكلام دا للظابط عشان يحاول يصل للاسمو ايمن دا...
حاتم:- اي حاحكي اي حااجه... لازم ينقبض الزول دا..
*ف مكتب عبدالواحد*
دخل مؤيد ع المكتب
مؤيد:- سعادتك
عبدالواحد:- اتفضل
مؤيد:- حاتم مستعد يحكي الحصل كلوو ممكن تستجوبو حتعرف حاجات كتيره عن الحصل...
عبدالواحد:- طيب حاجيبو عشان استجوبو... وانت واكرم ممكن تنتظرو بره...
بدا عبد الواحد يستجوب حاتم و ف الوقت دا حكي مؤيد لي اكرم كل الحصل وكل العرفو من حاتم...
اكرم:- يااخ اصلو م ممكن زووول يكوون حقووود للدرجة دي... ليه بس... يعني حمزه عمل ليه شنوو
مؤيد:- والله انا زااتي م عاارف هو حاقد كدا ليه والسر شنو البخليه يصل مرحلة يقتل حمزه...
اكرم:- ربنا يرحمك ي حمزه... ان شاء الله يتقبض عليه ويتحااكم عشان م ف زوول تااني يفكر يقتل روووح لاي سبب من الاسباب
مؤيد:- ان شاء الله ي رب... اسي الظابط وصل لي رسم لي شكلو... واذا قدرنا ننشر الصورة اكييد حنعرف كل المعلومات الاحنا عايزنها عنو...
اكرم:- اكيد
مؤيد:- بس انت عاارف انا وشو مألوف بالنسبه لي وجبيل حاولت اتزكر م اتوصلت لي حااجه... وحاجتهد عشان اتزكر انا شفتو ويين....
*ف داخل المكتب*
عبدالواحد:- طيب يا حااتم كويس انك حكيت كل حااجه عنو ... بس انت كان ظااهر عليك خايف منو بالاول وكنت بتمنع الناس انها تصل ليه
حاتم:- دا كلوو اثر الحاجه الشربني ليها ي سعادتك .. بتخليني احكي حاجات انا اساسا م فاهمها و م عاارف بقولا ليه
عبدالواحد:- المهم اسي احنا وصلنا لي شكلو وحاوريك الرسمه عشان تاكد لينا اذا هو ولا لا
لمن شااف حاتم الصورة
حاتم:- ايوواا هو زااتو ي سعااادتك...
عبدالواحد:-طيب ورينا اي معلوماات انت بتعرفها عنو.. يعني مثلا رقم تلفونو ساكن وين وكدا
حاتم:- رقم تلفونو مغلق وبفتحو لمن يكون عايز يتصل علي.. لكن م حصل وراني هو ساكن وين ... يعني م بعرف عنو اي حااجه ممكن تفيدك غير الكلام القلتو ليك... بس يا سعادتك عندي احساس ان الزول دا مجنون م طبيعي والله
عبدالواحد:- اصلا عمايلو دي م عمايل زول عاقل...
حاتم:- طيب ي سعادتك انا بقدر اطلع الليله من الحبس
عبدالواحد:- ايوه بتقدر تطلع بس ف شوية اجراءات كدا بتتعمل وبتقدر تطلع بعد دا ...
حاتم:- الحمدلله... وان شاء الله تقدرو تصلو لي الاسمو ايمن دا
ف الوقت دا مؤيد كان بحاول يتزكر ان شااف الزول دا وين ... وفجااة اتزكرو
مؤيد:- اكرم اتزكرت اتزكرت اخييرا
اكرم:- اها شفتو وين احكي
مؤيد:- شفتوو زمان شديد زمن الجامعه... انا وميساء كنا بنقرا ف نفس الجامعه يلا الزول دا شفتو معاها زي مرتين كدا واظنو كان ف نفس كليتها ...
اكرم:- كمان بعرف ميسااء؟؟
مؤيد:- م عارف غايتو شفتو معاها قبل كدا يعني بتكون بتعرفو
اكرم:- خلاص حاتصل عليها اخليها تجي وانت كلم الظابط بالحاجه دي
مؤيد:- خلاص طيب
اتصل اكرم علي ميساء وطلب منها تجي القسم لان عرفو الزول القتل حمزه وهي من سمعت الخبر دا لبست سريع وجات القسم
ومؤيد دخل ع مكتب عبدالواحد وكلمو بالحاجه الاتزكرا... وبقو كلهم منتظرين ميساء عشان تجي وتحكي الحاجه البتعرفا عن ايمن
وكلها دقائق وجات ميساء داخلة
ميساء:- السلام عليكم
عبدالواحد:- وعليكم السلام اتفضلي
اكرم:- اقعدي ي ميساء عشان الظابط عندو معاك كلام
ميساء:- طيب تمام
عبدالواحد:- طيب ي ميساء حصلت احداث كتيير ف القضيه دي عشان نقدر نصل للقاتل ... و ف الاخر اتحصلنا ع رسم لي شكل القاتل... ولمن مؤيد شاف الرسم قال ان الزول دا كان معاك ف كليتك لان شافو معاك قبل كدا ف الجامعه
ميساء:- 😳 كدي وريني الرسم اشوفو
اول من ميساء عاينت للرسم نططت عيونها بي خلعة😳 عبدالله
عبدالواحد:- عبدالله منو
عبدالله منوو؟؟
وعلاقتو شنوو بي ميساء؟
يتبع...
