قتيل الحب

الجزء 22

*الحقيقة 6*

مؤيد:-طيب احكي لي ي حاتم عشان نلقي حل

حاتم:- طيب يا مؤيد حاحكي ليك لان انا لمن جيت واعترفت بالقضية دي م كنت ف وعي الكامل ولازم بعد دا اوريك الانا بعرفو عشان اساعد ف القضيه دي

مؤيد:- طيب احكي انا سامعك

حاتم:- الحصل اتعرفت عن طريق الصدفه عن واحد اسمو ايمن وبقي يلاقيني كتير وبدا يتقرب مني ويصادقني وانا كمان صادقتو وجا يوم قال لي عازمك بارد وفعلا جابو لي وشربتو بي كل حسن نية... واليوم داك اتصرفت بي صورة م طبيعية و م كنت واعي ع نفسي... والحاجه دي اتكررت معاي كذا مره وبعد ركزت ف البحصل لي لقيت ان كل م انا اشرب حاجه من ايمن بحصل لي كدا... وبقي يظهر علي علامات الادمان ... وبقيت انا البمشي اقول ليه جيب لي اي حاجه اشربها وبعد داك هو صارحني وقال لي ان كان بخت لي حبوب في البارد ويجيبو لي عشان بس ابقي مدمن... سألتو لييييه عمل فيني كدا .. قال لي عندو هدف وعايز يصل ليه بس... ولمن سالتو عن الهدف شنو ابا يوريني... بس من الايام ديك بقيت كل م تجيني الحاله امشي ليه عشان يديني حاجه اشربها... وهو كان مبسوط وهو بشوفني بدمر ف نفسي...

مؤيد:- حسبي الله ونعم الوكيل فيه ياخ.. اها كمل

حاتم:- المهم علامات الادمان بدت تظهر علي وبكوون م واعي للانا بعملو ... وحمزه كم مرة اتكلم معاي وسالني عن الحاصل بس م قدرت احكي ليه الحصل معاي لان حيزعل كتير للحاله الانا وصلت ليها... المهم بقيت بلاقي ايمن شبه يومي ف بيت كدا بس عشان يديني اي حاجه تريحني

مؤيد:- طيب الظابط قال ان لقي مكالمة من حمزه ليك ف سجل الاتصالات...

حاتم:-صدقني يا مؤيد انا ما اتكلمت مع حمزه ف الوقت دا.. ولمن الظابط قال لي الكلام دا انا برضو استغربت لكن اتزكرت طوالي ان الوقت داك كنتا ف نفس البيت ومعاي ايمن و م كنت واعي لي نفسي ولا بتزكر حصل لي شنو بالظبط او اذا اتكلمت مع حمزه ولا لا... بس تلفوني كان مع ايمن

مؤيد:- طيب ولمن كلمناك ان ايمن هو اخر شخص كان مع حمزه قبل ينقتل ليه ردة فعلك كانت كده وطلعت من غير ما تحكي اي حاجه عنو ... والحصل شنو خلاك تعترف بالجريمه

حاتم:- انا ما كنت عارف للوقت داك ان ايمن دا بعرف حمزه اخوي... ولمن انتو قلتو لي الكلااام دا انا انزعجت شديييد وكنت عااايز اعرف ايمن كان بعمل شنو مع حمزه ... و ما قدرت احكي ليكم لان م كان فيني شجاعه اوريكم اني بقيت زوول مدمن ... وبعد طلعت منكم مشييت بي كل سررعه افتش عن ايمن عشاان اسالو عن الحصل... وكنت بحاول اتصل بيه بلقي رقمو مغلق... ومشيت ليه في نفس البيت داك م لقيتو...و في المواعيد دي هو اتصل علي من رقم غريب ولمن سالتو قال لي اجيهو ف مكان كدا ف الكلاكلة ...وطواالي مشيت عليه... ولقيت المكان شبه مهجوور م فيه زول وقريب للبحر .. المهم لمن لاقيتو دار بينا الحوار دا

حاتم:- ايييمن 😡

ايمن:- اهدا ي باشا مالك

حاتم:- انا عرفت انك اخر زوول لاقيت حمزه يعني كنت بتعرفووو..

ايمن:- اها ويعني ف شنو

حاااتم:- كييف يعني في شنووو.. حمزه انقتل وانت اول متهم ف القضيه دي لانك اخر زول كنت معاه...

ايمن:- يعني عايز تقول اني قتلتو 😳

حاتم:-انا عايزك بس تحكي لي الحصل شنوو

ايمن:-عايز الحقيقة انت

حاتم:- اي لازم تحكي لي والا حاكلم الظابط انك اخر زول كنت مع حمزه وهو بيعرف يحقق معاك بي طريقتو

ايمن:- بتهدد في منو انت 😏 شكلك ما بتعرفني لسه ي معلم...انا حاحكي ليك الحصل لان عايز احكي ليك م عشان خايف منك...

حاتم:- طيب احكي

.

.

.

.

.

*في مكتب عبدالواحد*

اكرم:- سلام عليكم سعادتك

عبدالواحد:-وعليكم السلام اكرم اتفضل

اكرم:- اها في جديد في القضية

عبدالواحد:- والله اتحصلنا ع معلومات بسيطه بعد فتحنا حساب حمزه... ولقينا ان حصلت محادثه بين حمزه والعاشق المجنون والفهمنا من المحادثه ان العاشق المجنون دا اسمو ايمن وصديق حاتم ... واتواعد مع حمزه ع اساس يلاقيه بعد يصل الخرطوم.. واعطاه رقمو.. وفعلا لقينا نفس الرقم في سجل الاتصالات ...

اكرم:- يعني ممكن ايمن يكون هو نفس الشخص الحكي عنو محمود وقال ان شافو مع حمزه ومع حاتم

عبدالواحد:- احتمال كبير كمان

اكرم:- طيب عشان تجيبو معلومات عن الزول دا م في غييير حاتم ممكن يفيدكم

عبدالواحد:- انا كمان قلت كدا..وحاستجوبو تاني... بس حاليا بيحاول معاه مؤيد عشان يحكي الحقيقة ال هو بعرفها..

اكرم:- ان شاء الله يقدر يقنعو ان يحكي الحقيقه

.

.

*في الزنزانة*

يكمل حاتم قصته

حاتم:-طيب احكي

ايمن:- الحصل ان اخووك رسل لي ف الفيس وكان عاايز يعرف انن المغيرك شنوو.. وانا قلت ليه لو عايز تعرف لاقيني

حاتم:- وكنت عااايز تحكي ليه الحصل لي ليييه

ايمن:- ههههه انت للان م قاادر تعرف ان انا عملت فيك دا كلوو عشان ادمر اخوك بس ما اكتر.. والبعرفو عنو ان بحب اخواانو شدييد واكتر من نفسو... عشان كدا قلت حاكسرو لمن اوصل ليه خبرك بي نفسي واشوفو وهو متضايق

هنا حاتم ضرب ايمن بوكس بعد ملامح وشو اتحولت لي غضب شدييد

حاتم:-دااا كلوو حقد ف قلبك واتجاااه حمزه... ياااخ دااا اكتر زوول طيب ف الدنيا.. عمل ليك شنوو بس عشان تحقد عليه كدا؟؟

سبب الحقد في قلب ايمن شنو؟؟

وهل حيطلع هو القاتل؟؟

يتبع....