*الحقيقة 3*
اكرم:- داا منووو الزول دا الانت مخوفك للدرجة دي؟؟
حاتم:- اكرم اسمع كلامي وامشي عليك الله قلت ليكم انا القتلتو م تحققو في الموضوع كتير
اكرم:- انا متأكد انت مخبي حاجاات كتيره و م عايز تحكيها.. ومتاكد كمان م انت القتلت حمزه ...واتأكدت من ردة فعلك ان الزووول الاحنا بنفتش فيه دا هو القتل حمزه... واكيييد حنلقاه وحنطلعك من هنا ما تخاف.. انت لسه تحت تأثير المخدرات وشكلو استغل فيك الحاجه دي عشان تعترف بالجريمة وانا اسي م حاتكلم معاك كتير لمن تتصلح حالتك وترجع لي وعيك حتي برجع اتكلم معاك...
مشي اكرم وخلا حاتم تائه يفكر و م فاهم حاجه وحاسي نفسو ملخبط و م طبيعي ودا كلوو من اثر المخدرات البشربها
اما عبدالواحد فبدا يفكر اكتر في القضيه وحسي بيها انها بدت تتعقد اكتر
عبدالواحد:- علي القضيه اتعقدت اكتر بالصوره دي...
علي:- اي فعلا... حاتم البخليه يعترف بي قضيه هو م ارتكبها شنو؟؟.. و دا منو الزول ال م قادرين نعرف عنو حاجه دا... والدافع ورا قتل حمزه شنو وشكلو مسالم مع الناس كلها؟؟ دي كلها اسئله محتاجين نجاوب عليها عشان القضيه تتحل
عبدالواحد:- طيب نحنا نخت التلاته اسئله دي ونحاااول نفتش عن اجوبتها... اول حاجه حااتم هوو اكتر زوول ممكن يقودنا لي مفتاح القضية دي بس هو م متعاون معانا وبردد بس كلمتين ان هو القتلو...
علي:- والزول ال م عارفين عنو حاجه ... مجرد ان الرسام يخلص الرسمه حنكون عرفنا علي الاقل شكلو..
عبدالواحد:- انت عارف انا محتاج اراجع ملف القضيه تاني والتحقيقات الحصلت احتمال في حاجه فاتت علي او احنا م اديناها الاهميه اللازمه وتكون مهمة...
علي:- طيب اتفضل دا ملف القضيه
بدا عبدالواحد يرااجع ملف القضيه من اول وجديد..وراجع التحقيقات كذا مره... ووقف في مكان معييين وبدا يفكر 🤔 ..
*ف منزل حمزه*
احمد:- ياا موده
موده:-اي يا احمد
احمد:- مؤيد جا البيت؟؟
موده:- لالا مش طلعتو سوا انتو
احمد:- اي بس اتفرقنا وقايلو رجع البيت و ما برد ع التلفون
مودة:- الوقت اساسا اتاخربكون جاي علي البيت
احمد:- طيب كان جا قولي ليهو احمد جا وسال عنك وقال ليك من الصبح يمرق يجيني في البيت
مودة:- طيب تمام
في المواعيد دي جات ميساء طالعه
احمد:- ميووستي
