Garnet Academy: School of Elites

Chapter 2

Chapter 2

Flamma Boy

Bumalik na ako sa main hall dahil baka naroon na iyong magto-tour sa akin. Buti na lang at mayroong jacket sa bag ko. Sinuot ko iyon para matakpan iyong mantsa ng kape.

Pagpasok ay panay ang linga ko nang biglang may kumalabit sa aking likuran.

"Hi! Are you the new scholar?" tanong sa akin no'ng babae. Her hair is just above her shoulders, her eyes are chinky and her lips are pink.

Agad akong tumango.

"I'm Lia Chen. Terra." aniya at sabay na inilahad ang kanyang kanang kamay.

Kung ganoon ay isa siyang Terra. Ang ikalawa sa pinaka mataas na rank.

"I'm Paige Manuel..." Inabot ko ang kamay niya. Saglit pa akong nag-alangan na sabihin ang Casa ko kaya lang agad ko ring naisip na oo nga pala alam niyang scholar ako. "Aeries."

Tumango siya.

"Hi, Paige! I'll be your campus tour guide. Ako kasi ang na-elect as the First year Representative." aniya.

Kumunot naman ang aking noo. "Na-elect? Nagkaroon na agad ng botohan? 'Di ba ngayon pa lang ang unang araw ng pasok?"

"Ah, eh, hindi naman kasi pinagbobotohan iyon. Ang management ng school mismo ang namimili sa kung sino ang uupo sa Student Council. Most of the time, they are basing on the student's rank. By Casa tapos by status." saad nito.

Tumango na lamang ako at sumunod na sa kanya nang magsimula siyang maglakad.

Ganito pala sa eskuwelahan na ito. Mukhang lahat ay binabase sa ranggo.

"So, ito ang main hall. Kaunting lakad ay naroon na ang opisina ni Ms. Montecillo, ang head mistress. Sa tabi noon ay ang faculty. Nandoon ang mga guro madalas." sabi ni Lia. Tumango lamang ako. "Sa kabila ay ang library. The library here is majestic. It's every book lovers dream. Malaki at puno ng mga libro. You can go there to study or if you have free time."

"Mahilig akong magbasa. I'll probably be there." sabi ko rito.

Ngumiti si Lia. "Sa taas ay puro classrooms na. You'll see it tomorrow. Nasa COR mo rin ang schedule mo at kung saan ang room. Hindi ka maliligaw."

Lumabas kami sa main hall.

"So, ito ang labas ng campus. Hanggang dito lang tayo. Bawal tayo lumabas sa gate." anito.

Sumakay si Lia sa isang parang golf cart.

"Sakay ka, Paige." aniya.

Siya ang nagpatakbo noon. Ako naman ay nasa gilid lamang niya at patingin tingin sa magandang view.

Huminto kami sa isang napalaking building na parang isang mall.

"That's the GA Mall. Since hindi tayo allowed lumabas, diyan tayo pwedeng maglibang tuwing weekends o pag-uwian na. Kumpleto ang GA Mall. Pwede kang mamili ng damit, pagkain, school supplies, at kung anu-ano pa. May restaurants, hubs, bookstores, at sinehan."

Halos malaglag ang panga ko sa sinabi ni Lia. Mall talaga ito! What the hell?! Ngayon lang ako nakakita ng mall sa loob ng school campus!

Pinaandar ulit ni Lia ang cart. Ilang minuto rin ang aming tinagal dahil sa lawak.

"As you can see, sobrang malawak ang Garnet Academy. Mayroong gym, pool, at park. Kaya there's no reason for us to go outside. Maliban na lang pag na home sick tayo." saad nito.