Garnet Academy: School of Elites

Chapter 40

Chapter 40

Best Friend

"T-talaga, Dad?" nanginginig ang kamay ko habang hawak iyong cellphone.

Gising na si Kuya! Oh my God! My Kuya!

"Yes, anak. Gumising na siya and he's very stable now." balita ni Daddy.

Tumulo ang luha ko sa konpirmasyong iyon. My heart will burst out of happiness! Gising na ang Kuya at magbabalik na siya!

"Pwede ko ba makausap si Kuya, Dad?" tanong ko.

Nakita ko ang pag-iba ng ekspresyon ni Kairon habang nakikinig sa akin. He looks so curious and worried and cute.

"Pinagpahinga ko muna ang Kuya mo. Gusto na ngang bumangon agad. Sabi ko'y i-relax muna niya ang sarili niya at ngayon lang siya nagkamalay." ani Daddy.

"Okay, Dad..." I trailed off. "Tawagan mo po agad ako pag pwede na makausap si Kuya ha?"

I really want to hear Kuya's voice assuring his alright!

"I'll call you, my princess. Don't worry." ani Daddy.

Pabalik na kami ni Kairon sa Garnet Academy ngayon. Naikwento ko rin sa kanya ang napag-usapan namin ni Dad.

"So... Kuya Beau is coming back soon." aniya habang nagmamaneho.

Napangiti ako sa pagbanggit niya ng 'Kuya'.

"Yup! Are you nervous?" pambubuyo ko.

He laughed a bit. "U-huh... Your Kuya and I have a bad blood, if it isn't obvious."

Natawa rin ako sa sinabi niya. "I know! Pareho kasi kayong nag-aangasan."

"Magpapakabait na ako. Mahirap na." ani Kai.

I punched his arm. "Magugustuhan ka no'n."

Tumango siya. "Oo... Pagkatapos ko sigurong linisin ang kotse niya, ang kwarto niya. Baka nga hilingin pa no'n na maging servitoare niya 'ko para lang payagan tayong mag-date, eh."

Mas lalo akong natawa roon. "Hindi naman siguro!"

"Pero kung gano'n man, okay lang. Basta para sa'yo..." aniya. "All for you. Always."

"Asus!" sabi ko at kinurot ang pisngi niya.

Talagang excited ako sa pagbabalik ni Kuya!

Nag-antay ako hanggang umaga para sa muling pagtawag ni Daddy, pero wala akong natanggap kaya naman napagdesisyunan kong itext siya.

Daddy, si Kuya?

Is he up? Let me know po kung pwede na makausap si Kuya.

Dad! How's Kuya?

Sunod-sunod ang mga text ko.

Afternoon pa ang klase namin ngayong araw. Kairon is busy for his commander duties this morning. Ako naman, pupunta ako sa Admission Office ngayon para magrequest ng bagong copy ng handbook.

Pagpasok ko sa loob ay agad akong natigil nang makita ko ang isang pamilyar na lalaki. Umawang ang aking bibig. Excitement got the best of me!

His height and masculinity is straight from the magazine. Likod pa lang ay siguradong sigurado na ako!

"Oh my gosh! Jax!" I called the guy sitting on the couch.

Mabilis itong lumingon. Batid ang gulat sa kanya pero agad din naman siyang ngumiti. "Hi, Pie..."

Nanlaki ang mga mata ko kaya mabilis akong tumakbo at umupo sa tabi niya.

"Jax! Bakit ka nandito?" tanong ko. "A-at... Umm, pwede bang Paige na lang ang itawag mo sa'kin dito?"