Mga Tulang Likha ni Miss Makata

"Tala"

Tama nga ba aking hinala
Husto nga ba aking inakala
Pangarap ko nga ba'y ito na
Maging isang maningning na tala

Nakakatawang isipin
No'ng ako ay isa pa lamang paslit
Hindi ko kailanman akalain
Na ako'y mangangarap maging isang bituin

Sa aking paghakbang
Maraming bagay akong nalaman
Sa bawat hakbang katumbas ay sugat
Sugat na kalauna'y magiging pilat

Ang aking minimithi
Ang aking ninanais
Ang aking ibig makamit
Lahat iyon ay tila ba hangin

Imposibleng makita't mahawakan
Hirap makamit at matanaw
Isang tala na hanggang tingin na lamang
Kailanma'y di makakamtan

Dito na nga ba nagtatapos ang lahat
Sana aking mata ay mamulat
Sa katotohanang huwad
At sa kasinungalang nais makalimutan