Mga Tulang Likha ni Miss Makata

"Limot na Tula"

Nalimot na nga ba

Ang tulang aking ginawa

Gamit ang papel at pluma

Na para lang sa 'yo sinta

Mula sa lagpas isang daang salita

Hanggang sa ilang mga tugma

At maging sa tatlong bersa

Mensahe ko ba'y iyong nakuha

Ngunit sa tagal ng panahon

Nabatid ko nang yaon

Na aking tula'y iyo nang ibinaon

Sa likod ng bawat oras at maraming taon

Bagkus sa iyong paglisan

Kasama mo'y aking talasalitaan

At ang aking salitang nais mong malaman

Sa limot na tula, mahal paalam