سماره :بقى يومين ميتصل ... بس يدك دكه ... من يرجع من دوامه الى ان ينام ... حاولت اكثر من مره اتصل عليه ... لان وترني ... لكن بعدين اصفن ويا نفسي اعرف هذا مرض ... وموبيده
ثالث يوم طلعت من الدوام لگيته كاعد بالسياره گبال المدرسه
بالاول عبالي جاي يراقبني ... سويت نفسي ما شفته ...مشيت سمعت صاح اسمي التفتت... اجى يمي عاكد حاجبه ...
منذر : شلونج ... امشي اوصلج
سماره: الحمد لله ... مشيت ويا ركبت السياره ...
منذر: يومين متشيلين تلفون تسألين
سماره: التفتت عليه ليش هو منو الي المفروض يسأل ... شفته مبتسم
منذر: انتِ تسألين على رجلج ...
سماره: بقيت ساكته .... وصلنا للبيت
منذر: حبيبتي نزلي بجامتي
سماره: التفتت عليه .. غمزلي ... نزلت البجاما ... نزلت قبله
دخلنا تلگتني بيبيتي ....ها بيبي اجيتوا ... روحي بدلي ..
اني اصب
سماره: ليش طبختي وما انتظرتيني لحد ما ارجع
منذر: اني جبت الاكل ...
البيبيه: فوت بيبي بدل ملابسك بغرفتنا
سماره: دليته غرفة بيبيتي .... صعدت بدلت ونزلت ... لگيته كاعد بالهول ... يضحك ويا جدي
منذر: ها اجيب الميز
سماره: يله ... اجى ورايه ... يتمضحك ويذب حجي
منذر : ترى اني زعلان ودا انتظر تصالحيني ...
سماره: اني ممزعلتك انت زعلتني
منذر: زين واحد يصالح الاخ
سماره: اني ما اصالح احد ممزعلته ... ودي الميز
منذر : لعد ورا الغدا اروح ....
سماره: الصدك ضجت لا اريده يبقى ... بديت احبه واتعلق بي بس بنفس الوقت ما اكدر اتساهل وياه بأمور ... حتى ليتمادى اكثر ويايه ...
خلصنا الغدا راح غسل وصاحني
سماره : نعم
منذر: اريد افوت ابدل ملابسي
سماره: صالحني حتى اكدر اچلب بيك تبقى
منذر : ابتسمت تريدين ابقى ... انتِ أتصالحيني
سماره: جدو منذر يريد يروح
الجد: لا ماكو گلي ابقى لليل
منذر : من ينام جدو اصالحج ... حتى العصر نطلع اشتري قاط وانتِ شوفي بدله ... على الاكثر الخميس الجاي المهر باجر ااكد حجز القاعه
سماره: كعدنا بالهول ويا بيبي وجدو ...
منذر: سموره وين مادة الرياضيات الي ردتي اشرحها
سماره: عرفته كذاب يريد نكعد وحدنا .... رحت جبت الكتب
ودخلنا للصاله ...گتله منذر بعد لتضوجني ... انت شكاك
منذر: مو شكاك بس اخاف عليج
سماره: من شنو تخاف اذا حجيت بالتلفون اكثر من ساعه
انت شكاك
منذر: لج بابا اني لو اشك بيج ما اخذج ... گولي اغار عليج بيها مجال ... هاي مو بيدي
سماره: حباب بطل ولتخلي هالشغله تغثني وتصير مشاكل بيناتنا
منذر : ابتسمت دحولي الحباب وگولي حبيبي ... جدو اليوم شعنده مصحصح على حظي
سماره: تربعت على القنفه گباله ... تربع مثلي ...
منذر: اموت عليج وعلى سوالفج وحركاتج ...
سماره : ضحكت انت شسوي تسوي مثلي ... منذر خلي نلعب
دومنه
منذر: يله روحي جيبيها ... بلكت جدج ينام ...
سماره: هههه.... بقى جدي كاعد هو وبيبي يتفرجون تلفزيون
لحد ما... دنطلع
صعدت ابدل ... ونزلت ممخليه مكياج ... اصلا انساه .. ولابسه جينز وقميص
منذر : ها سمور خلصتي
سماره: خلصت يله ... طلعنا ابد ما ضوجني ولا شفته قيدني
مخلي ايدي بأيده ونفتر المكان الي اريد اروحه يوديني ... ومن يعجبه شي يلح عليه افوت اقيسه ... من يطلع حلو واني مقتنعه بي ياخذه ... حسيت مثل ما الشك شغله سلبيه عنده شغلات ايجابيه .. منها ميفرض عليه شي ويحاول يرضيني ...حتى من
دياخذ القاط .. بقى يسألني حلو ... وياخذ رأيي ....
اخر شي هو اختار قاط رصاصي واني اختاريت بدله وردي
رجعنا للبيت ... وصلني لجوه ... جدي چلب بي ... ابقى بات
يمنا باجر عطله ...
منذر: لعد خلي اتصل بالبيت انطيهم خبر
سماره: بصوت ناصي منذر ... عفيه طلع حجه للبيته گول جدي مريض او عطلت السياره
منذر: ليش شكو
سماره: اخاف يحجون اهلك من يسمعون تبات يمنا ... المفروص انت متوافق وتبقى
منذر: سماره ترى انتِ كلش تهتميت لحجي فلان وعلان واذا بتت
يمكم ماعدكم احد بالبيت واني مثل ابنهم وانتِ مرتي ...لاعيب ولاحرام
سماره: يله بكيفك بس لتبقى تعصب من كل كلمه احجيها وياك بهالموضوع
منذر: اتصلت باهلي وگتلهم كدامها .. عطلت السياره راح ابات
سديت التلفون .... ها هيج ارتاحيتي
سماره: اي ارتاحيت لان راح تبقى ويايه اروح اسوي شاميه
واجيك وانت روح غير ملابسك ... اليوم يطلع فلم السهره ...
