مثل متعرفون ... المجموعات الطبيه تحتاج دراسه ... واني بهالفتره تخربط وضعي ... بين
ارجع من الدوام يادوب الحك اشتغل ... واكعد ادرس واداري رجلي ... لكن اكو ايام .. تصير بيها امتحانات ... مجنت الحگ
وجنت اقصر بأمو ر البيت والشغل ... حتى ما اقصر على رجلي .. لان هو من الاشخاص الي يحب اهتمام... ويريدني
قريبه عليه ... صح مجان يساعدني لان ميعرف يسوي شي ...
لكن مجان يتعبني ولا يتذمر من يدخل ويلگاني ممكمله شغلي ...
او مقصره .. بشي يخص البيت بالعكس ... جان من يشوفني ارجع تعبانه من الدوام ... وادخل على المطبخ ... يگلي سوي اي شي بسيط ...لتعبين نفسج ... ومرات اطبخ بليل من يصير عندي وقت .... لغدا ثاني يوم ... ومرات هو يجيب اكل وياه .....
المهم... عنده اني ممقصره وياه ويصيرلي وقت ... اكعد وياه
صارت علاقتنا مثل الاصدقاء ....
نطلع لدوامنا الصبح ونرجع تقريبا نفس الوقت ... والاغلب الگاه قبلي واصل .... ينتظرني حتى نكعد سوا فتره الغدا ... وبعدها هو ينام واني اكعد اشتغل ... وادرس ... يكعد العصر يمي ...يتفرج تلفزيون الصاله مفتوحه على مكان احنه مخلين بي ميز طعام وبوفيه ووبظهره المطبخ وكدامه بلكونه ... اني اكعد على الميز ادرس ومرات هو يكعد بالبلكونه يقرا جريده لو كتاب لو يسمع اغاني ... بين ما اخلص واروح اكعد ويا ...
واحد يحجي للثاني عن يومه .. او مشاكله ...
سماره: ها حبيبي ... راح اسوي جاي واجيك ... رحت حضرت
صينيه ورجعت كعدت بصفه
جنت احاول اشاقي ... وادلل عليه ... حتى ما اخلي يمل من روتين كعدتنا ...
منذر ... دا احس نفسي مقصره وياك ... وويا البيت ... بس والله مدا الحك ... ودا احاول اسوي الي اكدر عليه
منذر: ادري حبيبتي ... ان شاء الله تخلصين ... وترجع تترتب
حياتنا ...
مرات من اشوفج تقرين اتذكر ايام الجامعه ... احس بيج ...
لان اني ... من دخلت هندسه ... جنت مكضيها سخته ... عبالي الكليه دراستها كلاوات گضيتها سفرات وونسه واضرب محاضرات بعدين
نكرصت رسبت سنه اولى ... وراها ...شفت جماعتي ... صعدوا سنه ثانيه ... انقهرت ... شديت حيلي ... واخذتها جديات ...
طلعت من العشره الاوائل ... صف رابع ...
سماره: ان شاء الله اطلع اني هم من الاوائل ... مثلك
منذر: على هالقرايه اطلعين ...
سماره: منذر ليش مخلصت ماجستير ..
منذر: ما ادري مجانت بالي ومباشرهً تعينت.. والتهيت ...
من تكملين ان شاء الله نكمل سوا ماجستير ..حتى اغار منج واكعد اقرا ... وياج
سماره: ان شاء الله .... كل ما اشوف نور .. احب اصير مثلها استاذه ... منذر نور ورده ... شخصيتها كلش تشبهك ... من احجي وياها ... مرات اتخيلها انتَ.... اندمج وياها بالسوالف..
اريد اسألك شي بس ادري بي شخصي
نور علاقتها بخاله مو مثل رؤى ورنا ....
منذر: والله ما ادري بس نور ... من قبل شخصيتها قويه ...
واتذكر دائما هي وامي ... جان بينهم مشاكل ... ممتراهمين
متقبل احد يفرض عليها شي ... ترى هي هم جابت معدل اعلى من الصيدله ... بس قدمت بالانسيابيه صيدله اول شي ... وبعدين البقيه ... واتذكر امي مقبلت عليها ... وراها تقدملها ولد
كرايب امي ... وهي موافقت ..لان جان رجلها .. متقدم بنفس الوكت ... واختارته ... وامي مقبلت ... لان جان بعده بداية حياته ...هم صيدلاني ... وصارت مشاكل ... وامي رفضتهم
وهو بقى يدز عليها ناس لحد ما ابويه وخالد ... وافقوا ....
بقت امي فتره متحجي وياها...
سماره: منذر الباب دتندك
طلع منذر .... فتح الباب دخلوا علي ورؤى وجايبه ابنها ...
رؤى: هلو شلونكم ... جايين نتعشا وياكم ...
سماره: هلابيكم ... هسه اسوي العشا...
علي: سماره ... لتعبين نفسج ... هالقاسمه الله
منذر: انتوا اتجفتون ... وهل قاسمه الله ....تعال اكعد ...
علي : لك انت متعلمت من مرتك ... الاخلاق
منذر: هي راح تتعلم ... مني تفشلكم من تجون چفت ...
رؤى: والله اني جايه بيت اخويه شوكت ميعجبني اجي
هذا الكلام موجه لعلي بس
سماره: منذر ضحك گلها لا والله اني لو عليه ما افتحلكم الباب بس ام البيت متقبل ... ارجعكم ...
ترخصت منهم اخذت كتبي وديتها ... اجى منذر ورايه
منذر: عندج شغلات تسويها لو انزل للاسواق اجيب شي
سماره: لا عندي ... منذر عيب تحجي وياهم هيج ... اخاف يزعلون
منذر: ابد مو وكتهم اني انتظر تخلصين تتفرغيلي ...
سماره: من يروحون ابقى وياك .. لزمت خده ..كرصته ... ضحك
منذر: راح اطلع اطردهم
سماره: ضحكت والله انت تسويها ... لا قلبي عيب يله خلي نروح يمهم ... طلعنا ... دخلت للمطبخ اجتي رؤى
رؤى: سماره ...ماكو شي ...
سماره: مثل شنو
رؤى : حمل
سماره: لا مأجلين الموضوع
رؤى: وخطيه منذر شنو ذنبه ... بعد كم شهر يدخل ال٣٠
شوكت يصير عنده جهال
سماره: هو ميريد هسه ...
روئ: اي طبعا لان يشوفج ملتهيه ومتلحگين بيتج تنطفي كم مره
دخلتلج لگيت المطبخكم... مهوس
سماره: مو انتي تجين بأوقات لو هستونا مخلصين غدا لو دا اسوي غدا لو دا ادرس . والصدك مد الحگ .. ( بداخلي اعرفها تتقصد تجي بهيج اوقات بحجج سخيفه مجرد تدخل كم دقيقه وتطلع )
رؤى: سماره... اخاف مديصير عندج ... وتتحججين بمنذر
مو اتذكر جان عندج داء القطط
سماره: تعالجت منه الحمد لله
رؤى: اي لعد سوي طفل ... مو خطيه رجلج.. ميستاهل تفرحي بطل بس تفكرين بنفسج ودراستج وهاملته
سماره: بقت تنگ براسي .... لو بيدي اعيط بوجهه كافي شگد حجيتي بشي ميخصج ... بس لزمت نفسي واحس كلامها ..
يقبض قلبي ... وكل كلمه وگلتلي امي ... ترى مقابله بوضعكم
متحملت .... گتلها رؤى هذا الموضوع خاص بيني وبين رجلي ...
مو من حق احد يدخل بي ...
يوم الي يريد طفل راح نسوي ان شاء الله ... وكلشي بيد الله
اذا كاتبلنا واذا لا
شفتها انصدمت لان جاوبتها
رؤى: لا هالموضوع مو خاص بيكم امي حقها تفرح بجهال منذر .. انت خو متريدين تمشي كلشي بمزاجج
مكافي اخويه ممقصر وياج وين لاگيه هيج رجال تعالي شوفي
اني شمتحمله من علي ... وشسوي ... ميغزر بعينه
وانتِ.. تفكرين بس بنفسج وممريحه منذر ... وهو يباوع لحلگج
سماره: فقدت ... يباوع لحلگي لان اني شايلته بالصلوات ...ومقصره ويا نفسي وبيتي وممقصره وياه ... ومشاغله بالي عنه بأمور متعنيني ...
ولا ادخل بخصوصيه احد ...همي بيتي ورجلي وكلمته عندي
متصير اثنين ..
رؤى: على گيفج عيني .. اني لان احب اخويه انقهر عليه
اروح اكعد يمه احسن ... متسويلي مشكله
سماره: طلعت وانتبهت على نفسي ... هاي اول مره افقد واجاوب
اتذكرت حجايه همسه ... (يجي يوم وتجاوبين لان يطلعن الواحد من طوره) صدك طلعتني من طوري استغفر الله يا ربي
