سماره: بهالفتره بدا منذر يعلمني ... سياقه ... لان مقبل اتعلم على ايد مدرب ...ووقت الحصص اغلبها هو ميكدر يتواجد ويايه لذلك قرر هو يعلمني العصر ... بداخل المجمع بعدين بدينا نطلع بين الافرع ... الى ان اتعلمت ... بفتره الي جنت بيها بالسادس ... بحكم ملتهيه دراسه ... قليل التقي باهل منذر ...
ورؤى ولدت التهت بأبنها وخاله التهت وياها ... جنت خلصانه
من الحجي والتدخلات ... لكن بدت تصير مشاكل بيني بين منذر بسبب القبول ... مقبل .... اداوم طب بالمحافظه الي طلع بيها قبولي .... واني جنت بالاول مصره .... ادخل طب ....
بقى فتره زعلان مني ...
سماره: منذر اني تعبت حتى احصل هالكليه .... وانت معارض
منذر:انت تشوفيها راهمه اداومين ... خارج بغداد ...
سماره: شكو بيها لخاطري وافق
منذر: لا ما اوافق ... الي عندي گلته وانت بعد بكيفج اذا تكدرين تعوفيني ... ونبقى كل واحد بمكان .... روحي قدمي اوراقج ...
سماره: منذر هو فرض رأي ... ولازم اني اقبل بي بالغصب
منذر : ما اغصبج على شي گتلج فكري ... وشوفيها ترهم
سماره: انت اول واحد فرح من طلعلي طب
منذر: صح فرحت... ورفعتي راسي كدام اهلي ولو مطلعة طب ببغداد ما اعترض ...
سماره: بس اني اريد طب ...
منذر: سوي الي تريدي .... لترجعيلي ....
سماره: عافني وراح للهول سد الباب .... لليل دكيت عليه الباب
تعال تعشا
منذر : ما اشتهي .....
سماره: ترى ميصير انت تزعل ... على شي انت تريده ومتفكر بيه
منذر : سدي الموضوع ... سوي الي تريدي ...تصبحين على خير
سماره : ثاني يوم راح للدوام حتى مكعدني اسويله ريوك .... ورجع من الدوام ... محجيت ويا شي ... دخلت للمطبخ اصب الغدا
رحت اصيحه لگيته نايم .... رحت كعدته ... منذر كوم تغدا
منذر: اكلت ...انت تغدي وعوفيني انام
سماره: ضجت من تصرفاته ... منذر كافي هالاسلوب ....
انت تگلي سوي الي تردي ... وانت دتتبع ويايه اسلوب ...
تريد تجبرني ... اسوي الي تريده ... گام من الفراش ... بدل ملابسه وطلع .... عصبني ... بداخلي گلت خلص خلي يزعل وبعدين يرضا....
بقينا على هالحال اسبوع يجي من الدوام ... لو ينام لو يدخل للهول يقفل الباب عليه لو يروح يم علي ....العصر لو يطلع ويجي
بالليل
طگت روحي ... دخلت عليه للغرفه باليل ... لگيته متمدد ويسمع
عبد الحليم ... مغمض عينه
انت مقتنع بوضعك ... عايفني وحدي طول اليوم ... وحتى من موجود بالبيت ... كأنه مموجود ...
منذر: لا والله ما مقتنع ... ومصدوم بيج ....
سماره: بعدني محجيت شي ... اخذ مخدته ... وطلع ... نام بالهول ... بيومها قفلت ادخل طب ...
وبقيت الليل كله ابچي ... لان احس نفسي تايهه بلياه ...
وهو هم ... مبتعد عني ...
ورا كم يوم ...سمعته يحجي بالتلفون ويا اهله ... افتهمت ديگلوله
شو مدتمرون ... گلهم ملتهي بشغله ... ان شاء الله باجر امرلكم ... من اودي سماره لبيت جدها ....
بقى يسولف وياهم ...
من خلص ... رحتله
باجر من توديني لبيت جدي ... ابقى يمهم ... حتى نطلع الصبح اني وجدو اروح للتربيه
منذر: براحتج ... مر من يمي ... راح للغرفه بدل و طلع ... جنت محتصره ... محبوسه بالبيت .... طلعت كعدت بالبلكون ... جنت كلش مقهوره منه ...
ومشتاقه اكعد وياه ونسولف مثل قبل ... مشتاقه لاهتمامه بيه
بقيت ابچي وما اعرف الي اني رايدته ... ولا شنو اختار ...
حسيت بي من رجع ... بس بقيت كاعده بالبلكونه وحدي ...
لان اعرف لو حينام لو يكعد وحده ....
ورا شويه دخل للمطبخ ... وطلع ... شويه ورجع مد راسه من باب البلكونه شافني كاعده ... دخل ... عرفت جان يدور عليه ...
ورا نص ساعة ... اجى
منذر: تعالي يمي
سماره: شتريد ..
منذر: اريد مرتي ... باجر اروح اني اكمل شغلة التقديم ...
سماره: وراح تبقى زعلان
منذر: لا ميفيد الزعل ...أ فتهمت عندج عادي تعوفيني ... كل هالايام ... قنعت تكدرين اداومين وتعوفيني ...
سماره: حسيت بي مقهور وتعبان .... حسيت على نفسي شكد
اني انانيه ودا افكر بشي ونسيت اني اصلا ما اكدر بلياه
مرت عشر ايام ويوميه اشوفه ... ومتحملت لان بعيد عني وميحجي ويايه ... شلون اريد اداوم بمكان بعيد ... وما اشوفه
نزلت دموعي ...
منذر: سماره لتعبيني ... باجر اروح اقدملج ... شكو هالدموع
سماره : منذر اشتاقيتلك .... وصدك ما اكدر بلياك
منذر: لا سماره كدرتي ... وعلمتيني ابقى وحدي ... واني هم
ما اريد افرض عليج شي تبقين العمر كله تعاتبيني عليه
سماره: انقهرت من كلامه لان حسيته مقهور اكثر من عندي ..
وشايل بقلبه عليه ...
منذر : راح انتظرج بالهول ....
سماره : طلع حسيت نفسي اختنگت واشهك ... من كلامه
دخلت للمطبخ ... اغسل وجهي ... لگيته ورايه ... جرني عليه
منذر: لا ماكو دوام بعيد عني ...انت صوجج علمتيني عليج تعلمت افوت للبيت تتلگيني ... تعلمت على صوتج وكلامج...
تعلمت كل اموري واحتياجاتي ... حاضره تعلمت ..انام وبصفي مرتي ...تعلمت حتى من اطلع انتِ ويايه ... تعلمت من اضوج
وانغث الگى احد احجي وياه وارتاح ... يجوز اني ما الي تأثير عليج مثل ما انت ِ مأثره عليه ... اني دخلت للبيت وملگيتج كدامي متحملت بقيت ادور بالغرف ... ومن شفتج بالبلكونه يله ارتاحيت
سماره : حضنته
منذر :تريدين اتحمل ما اشوفج ايام .... اذا انتِ عندج الطب اهم مني
دا اكلج من هسه ماكو طب ... واليوم سألتلج على طب الاسنان ... تنقبلين جامعه بغداد ...
سماره: لا ما اريد طب ... اقدم اسنان ...
منذر: ياريت حاجيه هالحجي قبل ما اجي عليج جان صدكته ...
بس اعرف لان فهمتي ما اقبل ... حجيتي هيج
سماره: لا والله انت عندي اهم ... بس مجنت اعرف ...الي اريده ... منذر انت تعرف اني ماعندي كذب وتمثيل ... ولو
الطب اهم جان بقيت الح عليه واعرف بالنهايه راح تقبل ..
بس اني هم ما اكدر بلياك ... انت ويايه بنفس المكان وتعبتني لان وحسيتك بعيد عني ( زعلان) ...
منذر: يعني متجين بعدين تكليلي انتَ جبرتني ... مقتنعه اداومين
طب اسنان
سماره: اي مقتنعه .... بس بعد لتتبع ويايه هالاسلوب ( ضحك)
منذر: شسويلج اذا انتِ ما عندج احساس ... وجبرتيني
اجي اتمسكن حتى تقتنعين وقلبج يلين عليه
سماره: انت هم عندك عادي ... بقيت ما تحجي ويايه هالايام كلها وتطلع تتونس وتغير جو واني محبوسه بالبيت ...مفكرت بيه
منذر: ردت اشوف تتحملين تبقين بعيد عني ... والله لو باقيه
على وضعج جان صدك تغيرت وياج ... ودست على قلبي
بس هالموقف بين منو يحب الثاني اكثر .....عقابا الج
سويلي عشا بعدال عشر ايام ...
سماره: ابتسمت
منذر : والله راح اطلع العشر ايام من عينج .... لان قلبي
مدنبل منج
سماره: صدك دتحجي لو دتضوجني
منذر: لا والله صدك ... وجنت ناوي باجر اوديج يم بيت جدج
ابقيج كم يوم متشوفيني ... واشوف شنو تاليها وياج ...
بس كبرت عقلي ...
سماره: ترى دتضوجني بهالحجي
منذر: لعد بس انتِ طلعتي روحي ...سوي الي ريحني ولتعاندين بعد ...
سماره: ما اعاند بس سد الموضوع ... ترى غثيتني خلي اسوي العشا
منذر: اطلبج دلال مال عشر ايام
سماره: يو هالعشره بس لا تبقى العمر كله ادك عليها
منذر: هههه سوي العشا بسرعه مشتاقلج حبيبتي
سماره: رجعنا ... مثل قبل ورجعت ... روحاتنا لبيت اهله ... ورجعت اسمع كلام من خاله ورؤى ... وما ارد ولا اجاوب ....
مرت الايام وداومت طب اسنان .... هي اسبوعين وحولت صيدله
يم نور حماتي .... حتى هو يرتاح واني هم ارتاح
من داومت طب اسنان اول ايام هو يوصلني ... ومن شاف الكليه
وكروبات بنات وولد تخبل ...
كمت اطلع من المحاضره الگاه كدامي ... ومره مرتين شفته من بعيد ... مجرد يشوفني ويا منو اوگف لو شنو دا اسوي ... ويروح بالاول مجنت احجي .. كأنه ما ادري ... بس بعدين بدا يتحجج وعصبي ... ويتذمره ... انت متغيره ... وممخليه بالج يمي ومن هالسوالف.... ويبقى يسألني ويا منو تحجين ويا منو تكعدين ... حسيت هالموضوع تعبه .... وبدا يسألني انت تحسين بفارق العمر بيناتنا ... اجاوبه لا ... حسيته متضايق من دوامي ومن الكليه ... ومن احجي بالتلفون ويا وحده يبقى كاعد بصفي الى ان اكمل ... المكالمه.... ويبقى يسألني ... اني تعبت وهو هم تعب .... الى بيوم خميس منجمعين بيت اهله ... نور سألتني شلونها طب الاسنان ... گتلها زينه ... دخل بعقلي احول صيدله
لان هي استاذه هناك ... وهو راح يرتاح ... ويبطل هالمرض
لان راح يحس اخته يمي ... واني وياها ... ...
والصدك اني محبيت طب الاسنان ... ولا ارتاحيت بيها ....دخلت الصيدله بعقلي اكثر .... سألتها كدامه اذا اريد احول ... البنيه گلتلي ... اني
اساعدج ... وقنعتني بالصيدله حلوه للبنيه ... شفته أيد الوضوع
وگلي كدامها باجر اروح ... على نور نرتب ... واتفق وياها ....
رجعنا للبيت طاير ... احواله كلها تبدلت ... كل شويه يحمسني على الصيدله... مره يگلي احلى ومره يگلي حتى من تتخرجين افتحلج صيدليه ... ومره حتى نور تفيدج وتساعدج
ومن انتِ بالكليه ميبقى بالي يمج .. اذا تحتاجين شي هي يمج
داومت صيدله كم يوم وهو يوديني ونور ترجعني ... ارتاح على الوضع ... اشترالي سياره ورا ما اخذت الرخصه.... بس گلي
متروحين بيها للكليه منا لحد متتعلمين مضبوط حتى ميبقى بالي
وداومت صيدله ... ويا نور وقوة علاقتي بيها وبدت حرب خالتي وروئ... ورنا ...
