رواد: هذا الطبع بية مااحبة ابد دائما شكاك واحس ماكو احد ممكن يسويلي خير بدون مقابل وهالة هم حسيتها خافت من ريام لان شكلهة من نوع اذا رادت شي تحصلة وبالحقيقة مناقصهة شي مال وجمال وعز واناقة اكيد بس تاشر بااصبعهة .....قاطع افكاري السلبية الباب جان يندك انهدينا والله من الشغل نظفنا الصالة وكلنا نبات هنا همزين الجو حلو والمكان ماعلي شمس جتي الخدامة تصيحنا عمود العشا واحنا مستحين طلعنا وراهة وفوتتنة لغرفة الطعام وجان الاكل صدك يشهي واحنة واكعين من الجوع والله لوهيج العزيمة والا فلا جان ابو ريام كاعد وبعدنا ممصدكين احنا كاعدين ويا بس علي مجان متحمس لان ميحب الاغاني القديمة .... كعدنا وريام مجانت موجودة يمكن ابوهة ميقبل وكالنا تفضلو لان الخدامة كلتله ريام رح تتاخر شوي بلشنا اكل ورا شوي جتي ريام وجانت لابسة تيشرت اسود وبنطرون اسود وجتي تتمشى من راس الممر عطرهة ينشم ..كلنا توقفنا استحينة منتظرناهة ...اشرت للخدامة ..روحي تتيانا نامي خطية تعبتي ..
اني اغسلهم ماشي...
ريام :مرحبا ...شكلكم تعبانين وجوعانين خطية طبعا نسيت اني عالريوك.
توقفنا عن الاكل استحينا...
ريام:هاي شنو استحيتو متاكلون انتو لازم تتعلمون ع طبعي مو كل شوي اوضحلكم .انتو من اليوم اخواني بالبيت وزملائي بالدوام لاتستحون ولاتضيعون تعبي من العصر احضرلكن العشا...
ضحك علي بضحكة عالية لا لاتشاقين مستحيل...
ابو ريام:صار ٣سنين من توفت زوجتي الله يرحمهة مااكل غير من ايد ريام اكلهة لايعلا علي.
نفسها بالاكل يخبل.....
تسلملي بابا ربي يخليك الي...
رواد:يعني انتي تعرفين طبخين..
ريام: ليش لا شمعنى يعني..
رواد من شفتج كلت هاي بيضة متعرف طك .بس الظاهر غلطان ..
ريام :هواي تغلط بنظراتك رواد..
ليس كل مايلمع ذهبا.والحياة مو مظاهر.لازم الواحد ينطي فرصة نفسة عمود يصدر احكام عالناس
رواد:حسيتهة حقدت علية بسبب حجي سمعتة وردت الطف الجو..
رواد:يابة اسف تسلم ايدك والله ولخاطرك رح اخلي علي وعمر يغسلون المواعين شنو رايج بهالترضية...
ريام:ههههه.لا لا مسمعت اقوى منهة .علي...عمر ع طول هو هيج الله يعينكم.ههههه...
علي :قصدة هو وحدة رح يغسلهم لان اخلي يمسح الشقة واللة.
ريام :ههههههه. لا يمعودين كافي اني اغسلهم بس لاتتعاركون..
رواد هاي الحلقة مجانت لابستهة شو هسة شفتهة حطت الحلقة .
ابو ريام : من وفاة ام ريام ومشفت ضحكتهة ابد ..الظاهر هذولة الولد رح يسوون صوت بالبيت .خلصنا الاكل وكامت ريام تلملم المواعين واحنا طبعا ساعدناها ومقبلت اكثر بالعادة بالشقة او بالقسم نتقاسم الشغل علي وعمر اندمجو بسرعة بس ظليت اني كاعد واسمع لعمو ابو ريام وهو يحجيلي عن حياتة ومشوارة وحجالي عن والدة اجوي الولد كعدو وريام جتي حطت الجاي وكعدت يم والدها وتسمعلة واحنا هم كعدنا نسمع.
ابو ريام :ديرتنة ديرة ناس فقرة واهلي جانو طاكين بيهة وابوية يومية يودي ويجيب لما وصلت ثالث متوسط قبل الطلاب جانو يتاخرون بالدراسة سجلونا بالمولاية عمود نتعلم القراية لحد هسة اذكر من جان يكول واحنا رد ورا (بيت زبربر بيت وبيت)هاي طبعا طريقة المولاية قبل عمود الي يحفظ القران يحفظة ويا الحركات مااكللكم معناها دوخون المهم الملا من سمع صوتي كلي صوتك حلو الا تكوم تقرا بالجامع وصرت الافضلية الي الا ولة المولة جان لازم عصا ويكتل بالجهال خ واختي اكبر مني وساهرة الصغيرة جانت عيونها كبار عسلية وشعرهة اسود وطويل .حيل. قطعة من الجنة واختي بسعاد هي تهتم بينة واني صرت فد دورة مشهور بالولاية ويجون عمود يسمعون صوتي .واني اقرا بس اني مجان اتجاهي هذا جنت احب اغني جنت اسمع جدي وهو يدندن مواويل لجديتي جان حيييل يحبهة حب اول ماكو منة بعد .
رواد: حسيتة وهو كاعد يوصف اختة... ريام جانت حلوة وشعرهة اسود صح هي ع طول لافتة بس عندي احساس شايلة ليل مو شعر بس هي مجلبة بهالبوكلة وداىما تلبس الوان غامقة تظيف الها جمال فوك جمال .هذا حسي الفني وتقديري للجمال مو اعجاب ولد ببنية .
اي رواد ..رواد..اشرت ريام ايديهة كدامي دتنبهني ...
رواد :نعم ..نعم ...ريام : تندل العود وينة بغرفتك كتلك.
رواد :بعدني مفتحتهة والله ع باجر .
ريام :خلص اطيني المفتاح اجيبة ..
رواد:شنوووو؟
رواد :حسيتهة صعبة بنية طب بشقة مال ولد عيب احسهة .بس رجعت ياعيب هذا بيتهم وهم ماعدهم عيب مدت ايدهة طلعت من جيبي وكفت طلعتة اطيتهيا
علي:اجي وياك الطرمة خلفية .ضوة ماكو خاف تخافين.
ابو ريام:ضحك كال ريام بمية رجال متخاف ابد .رواد ظليت مركز بيهة .صدك نظراتها قوية وسبعة احسها متخاف .
رواد:اكعد اني رايح وياها نسيت موبايلي بالشقة.اروح اجيبة واجيب العود .
ابقي ريام ماشي دقايق واجي.
عمر :عمي ريد نشكرك هواي على وكفتك ويانا.
ابو ريام:ابني انتو من يوم جيتو صرتو ولدي وعزوتي.
ريام دك موبايلهة تغيرت تعابير وجههة طلعت برة واخذت تلفونة ابوهة اشرلهة .هزت راسهة كانو تكول اي.
رواد:طلعت لكيت ريام كاعده وجانت تحجي بالتلفون وشكلها فرحانة وشكرا حبيبي تعال وجيب سلامتك وياك .اني زينة الحمدلله جوني هم زين يبوسك اكيد انت والي وياك ههههه.
رواد :عرفت نظرتي بيهة متخيب مكبلة ويا واحد هيج اشكال متتفوت وجانت فاتحة شعرهةوتحرك بي .مثل متخيلتة اسود وطويل والاحلىبي لمعة تشد اول محستني وراهة سدت تلفون وسكتت جوني لان ظل ينبح لمن شافني .وظلت ثابتة محسيتهة ارتبكت ولا خافت . هاا رواد شو واكف بابا ينتظرك....
رواد؛ ردت انطيجيا وارجع انام تعبان..
ريام: انت ع طول هيج ..
رواد:شنو .نظرتك للعالم بسلبية وكلهم اكيد داخلهم عكس ظاهرهم واني متاكدة ...
رواد:ريام ..شكلج غلطانة هالمرة اني مدخلني.. منو اني حتة ادخل اليوم تعرفنة .
ريام ؛ اوكي ماشي ..رووح
اخذت العود مني بقوة ودخلت وكعدت تعزف علي وجان عزفها حيل حلو .نسيت اني رايح انام وجانت تغني اغنية قديمة وجان ابوهة وياهةجان مقطع من وحدة من اغاني ام كلثوم رجعوني عنيك لاايامي الي راحو ..علموني اندم على الماضي وجراحو الي شفتو قبل مشوفك عينية.عمري ضايع يحسبوه زاي عليه .الي شفتو .الييي شفتو .قبل مشوفك عنية عمري ضايع يحسبوه ازاي علية....بس صوتها جان وحدة فد شي اكثر من رائع..
سحرتني امراة.اريد اوصل للجزء السيئ بيهة ومااعرف ليش هيج أني ...اني هو الشخص السي مو هي...
للقصة بقية ...
أنت تقرأ
جنون رجل شرقي
Любовные романыقصة حب ترتسم بين صديقين ويحتد الصراع بسبب العادات والقيود التي يفرضها المجتمع الشرقي تجعل بطلة القصة في حيرة بين القبول والرفض لهذا العشق الذي تراه قيدا..
