عمر :قبل جنا روح يم علي هسة وين نروح واليوم كله كضينا برة وماكو فايدة اليوم وين نبات بالشارع .
علي: منا لااسبوع اذا محصلنا مكان بالقسم او لكينا شقة ااجل هالسنة شسوي بعد هاي كتبة رب العالمين اكلك لعد وين رواد العاشق الولهان عايفنة وكاعد يفرفر ويا حبيبتة والله متستاهل بس هو مجلب بيهة خل ادك علي بلكي عندة حل يطلعنة من هالورطة.
رواد:هلو هلو(هالة) حبيبتي شلونك والله مشتاقلك موت مااعرف شون العطلة خلصت وتحملت كل شوي اريد اكمز للفلوجة بس اخاف انعلس.هالة: ع طاري الفلوجة حبي رواد هاي صديقتي ريام متعرف اني من الفلوجة ومحد يعرف بالكلية كلت اكلك عمود تنتبه تعرف الضرووف.
ريام وبهدوء: صباح الخير هالة نظرة الى رواد صباح الخير
هالة :ريام حبي اعرفك بزميلنا رواد مرحلة رابعة.
رواد هاي صديقتي ريام .
رواد.ريام :اهلا بيك .اهلا بيكي
ريام خليني احزر لهجتك تكول انت من وحدة مناطق ديالى مو .مو
رواد :تعجبت ع شغلتين بهالبنية الاولى حيل جريئة وتاخذ عالواحد بساع والثانية تكدر تتفرس الواحد وتطلعة. حتة لو مدفون جوا شخصيتة الف مرة وهذا الشي مموجود او منقرض عند البنات.
رواد:ههههه.زين عرفتيني اني من مندلي ...
ريام :اهلا وسهلا بيك بيت جدي ببلدروز يعني قريبين شوي عليكم ..لحظات صارت هالة برة القوس .هاي البنية ابد مو سهلة والله اذا شافهة علي الا يكوش عليهة.
هالة:شوكت تخلصون جلسة تعارفكم ..ورانا محاضرات ...ريام هههه. اسفةوالله صار هواي مسامعة احد من مندلي...
ريام:فرصة سعيدة رواد....
رواد:اني الاسعد اكيد....
رواد :هالة كم محاضرة عندك اليوم انتظرك لو اروح لكليتي .ريام.ليش مو ويانا بالجامعة .هالة.لا كلية فنون جميلة بسخرية...
ريام.امممم.اوكي همست بااذن هالة مين تعرفي زميل لعد ...هالة ويايا بالخط ..ماشي يلا خ روووح باي .باي.
رواد:من جنت صغير جانت هوايتي الرسم ويمكن هذا اكبر شي حبيتة وردت اكون رسام واليوم مثل كل الرسامين بالعالم الي دائما تلفت نظرهم منظرجميل ملامح مثيرة .جانت ريام تتصف بيهة طويلة رشيقة بس مو درجة الضعف بشرتهة حلوة حنطية وملامحهة مرسومة رسم وبشرتهة صافية واحلي شي بيهة شعرهة جانت طبيعية بالرغم كونها سافرة وشكلها حلو بسيط اضافة الى اسلوبهة الي ميحسسك بالملل وتحس داخلها شخصية عنيفة وقوية فكرت ارسمها شكلها حلو بس اخاف هالة تزعل وتكلي خو ارسمني اني هالة حلوة وناسكة قصيرة الطول ملامحها حلوة .بس احس هواي تصنع داخلها اضافة انو هي خايفة من صديقاتها لاياخذون عليهة نظرة بنت المحافظات وحتة احسهة مو مقتنعة بية كحبيب وزوج مستقبلي بس اني احبها حيل ومتمسك بيها وان شاء الله الايام الجاية تتغير واني وياها قاطع صفنتي .اصدقاءي.. ها ولك ماتستحي خايب عاف دراستك وكاعد هنا شتاني انت صويحبتك القزمة من تأت اتهمت زود وينك تلفونك مقفل والجامعة كل مندخللهة نترزل من الاستعلامات يكولولي شعدكم هنا جايين كلياتكم هناك ..نظل نركض وراك ابو الشقة اطانة كارت احمر.... برة
رواد:لابربك ...وعلي لاانسة علي اني وعلاوي رحنالة كال اعذروني قبل البيت بس رياجيل وامي هسة اكو جنة وبنت عمي هم موجودة والله اعذروني شباب وخطية ماقصر تكرمعت رجليه ويانا ومالكينة امشي روووح ندور بغير مكان انتظرو خ تجي هالة كتلها انتظرك ...علي :خرب بالحظ دمشي وخابرهة .رواد :لك مو كلت هسة دكيت مغلق التلفون بالبيت مامشحون...
مااتحرك لما تجي...
عمر.علي: امرنا لاالله خ نخسرك ريوك ..
رواد:تريكت اني وهالة اسف ياجماعة.
علي:من كون سم وزقنبوت ع كلبك وكلبها خايب تجيب خل اروح اني هذا العشك لحس عكلة ..رواد .لك علاوي وين رايح يمعود ابقى بروح ابوك هسة اجيبلك ريوك اكعد استريح .
عمر : ها علي راح رواد طلع ضحكتك راح رواد اعرف افلامك عمود تخلي يدفع .
علي:هههه.صوجة هو غير كمش وهاي هلهول اذا مطلعت مقطاطة مااصير علي.
عمر:انت شعليك لك القاضي راضي وبعرف ماضيها شكو انت حارك اعصابك.
علي:لك غير خوينا ونخاف علي شفت ابو مثل ناكوط الحب يدزلة لما هو شاطر بشرفي ميدبرهة .
رواد:وهذا الريوك الزين لاابن الزين..
علي: جا هذا الريوك الزين لعد خايب الموزيين شون شكلة.
عمر دااكل اكل .خ نرجع بموضوعنا شون اليوم وين رح نبات .. بالشارع اكيد اذا نبقة ع حبيات رواد...
رواد: الله يسهل شسوي لعد.....
علي:اني اذا محصلت مكان ااجل عالسنة الجاية ابوية هم محتاجني بالفرن والكلية اكمل عالسنة الجاية اول وتالي رواء السنة الجاية كلية ذيج الساعة ااجر محد يحجي وياي وعمود وياها ...
عمر:هيج تبريت بسرعة والله متصورتك هيج تبيع بسرعة...
علي:ماتسكت احسنلك حقك ماعندك حجي سلام جان عرفت كل كفخة بتوثية والله مو ايد....
رواد:ههههه.خرب حظكم اليوم نشوفلنا مكان بلكي حتة لو فندق لماتنحل امورنا.
عمر:هي مال فندق لك فلوسي رح تخلص ع الفنادق لازم نستقر عاد...
رواد : اسكتو جتي هالة ..
علي :خربيك وخرب هالة عاد لو تسوى...
عمر :لاتصير طاىفي..
علي :خاب .ماتسكت سويتها طائفية بلة هاي مو صيح من بعيد مكروهة ماتنجرع ويع..
عمر:اسكت لايزعل رواد ..
علي :لك منو هاي الي ويا القزمة هالة...
رواد:والله بس شفتها ذكرتك كلت علي الا يكوش عليهة .
علي:بربك عرفني عليهة...
رواد: اكول لهالة .
علي :خربت لعد..
هالة : هلو شباب شونكم...
عمر .علي .رواد:هلا . مراحب .علي:صخونة والله صخونة ماتنجرعين...
ريام:مرحبا..علي دغ رواد ...يلا كول للقزمة مالتك تعرفنا...
رواد:بااعتباري اعرفك ريام اقدملك عمر من بلدروز هم اكيد يعرف بيت جدك..
عمر:لا طلعنا ولد عم لعد مرحبا بيج ريام بس شكلك؟!
ريام :اعرف اني ..منولدت ههناك اهل ابوية ..واذا شافوني ميعرفوني مقطوعين عالمنطقة....من زمان.
عمر :زين نسولف ...تعرفي على علي رح يكفخني يريد يتعرف عليج... ااااخ شبيك علي يمعود ضربة ع رجلة.
ريام:اهلا وسهلا بيك علي تشرفنا ...
علي :الشرف الي اني دادا يومية اتريك يمكم...
ريام اهلا وسهلا بيك....
علي : شجابج على هالة انتي...اقصد شون صارت المعرفة..
ريام:هههه.صديقات بالشعبة غير..
رواد:هالة تعاي اريدك
هالة:ريام ..هسة اجيج ماشي ...
ريام: بعدني اضحك ع حجي علي وسمعت هالة تمشت شوية كعدت برة الكافتيريا ..وظليت ويا اصدقاء رواد حبابين وخوش ولد وظلو يسولفولي عن دراستهم .وحياتهم واهلهم ومن يا محافظة .عمر عرف بيت جدي منطقة صغيرة ناس تعرف ناس ..وعرف علاقتنا وياهم منفصلة من زمان كالي زين كلهم ناس شرانين..دك تلفون عمر وحسيتة ضاج وااشر لعلي يصيح رواد...
جتي هالة وكفو سوا ومو على بعضهم يتبسبسون ...
ريام:شبيهم رواد .والولد ..
هالة:هزت راسهة ..غير الفكر يبقة فكر ..ابو الشقة يريد يطلعهم ولفو بغداد كلهة محد يقبل يكعدهم لان شباب وعرفو فنون جميلة يخافون باعي شكلهم صدك مو راحة..لما رواد شوية جان عفتة من زمان...
ريام:لا يمعودة شكلهم حبابين بس شلم علي عليهم هو هندسة هم فنون ...
هالة :لمهم الفكر اكيد ..حبيبتي.
ريام : عندي فكرة..هالة الي هي ...ريام:تعالي .. خ روح عالولد
رواد:سكتو هاي ريام وهالة جايين .
علي: حاير بهالة واحنة رح ننشمر بالشارع .
ريام: مرحبا شباب ..عدكم سيارة ؟!
عمر :بتردد.. اي عندي بس ليش
ريام محتاجة توصيلة ..
علي: صدك بطرانة مو صديقة هالة..
ريام : علي .لاتستعجل سمعتك..
علي :العفو منج .بس عدنا سالفة مستعجلة ولازم نحلها..
ريام :محلولة ان شاء الله بس وصلوني واني افهمكم..
علي :عمر روح وصلها للبنية واحنا روح نحلها...
ريام: اريدكم انتو ال٣ توصلوني وافهمكم ماشي.
هالة: والمحاضرات شون؟
ريام ؛ استنسخي ومن اداوم نتحاسب .
ريام :يلا رحنا..الولد ..هااا
ريام : يلا روح وصلوني .
رواد: ظلو الولد ضايجين لان ابو الشقة كالة عمر اليوم تفرغون الشقة صح ماعدنا غراض هواي بس صعبة بهاي الضرووف واحنا اغراب ومو من بغداد وماعدنا كرايب وعلي عندة بس بيت عمتة ويستحي يروح يمهم لان عمة نحس وهاي ريام ماادري ماارتاحيت الهة شكلهة حيل منفتحة وراسا دكت ميانة ويا الولد عبالك تعرفنا من زمان واول مصعدنا ركبت ليكدام صح احنا ولد بس صعدتهة ويانا مو تمام خ نشوف شتريد والله كريم...وصلنا بيتهم ...جان بيت جبير ولازم ركنين بمنطقة راقية صح بعيدة عن الكلية بس المنطقة صدك تشرح الصدر ولا عبالك بالعراق وماكو حس عالم حوالينا ..صدك مع اني ولد بس كلت هاي رح تعلسنا .
ريام: هنا ..عمر تفضلو يلا نزلو .
رواد:ظلينا صافنين واحد بوجه الثاني ننزل مننزل .لو ريام مو خوش وحدة جان هالة كلتلي هي متمشي ويا اي وحدة بس البنية تصرفاتها مااعرف شفسرهة فاتت للبيت واحنا ع كعدتنا وتحيرنا ...ننزل لو مننزل ..
شفت عمر نزل من السيارة وكال شيصير خ يصير رجعت طلعت كالتلهم يلا تفضلو...
نزلنا من السيارة والبيت من جوا بعد احلى ..حديقة جبيرة يمكن بكد بيوتنا كلها وعلي ظل فاتح حلكة وكالة هاي وين احنة بالقصر الجمهوري لكم لو متنزه الزوراء وكطع سلسلة افكارة جلب يمة لا ذيب بس صاحت عليه ريام سكت وركض عليها فتحت الباب ودخلتنا وجان عدهم خدامة حجت وياهة بالانكليزي وراحت كالتلنا اعرف انتو حايرين بشغلة السكن واني عندي الكم عرض وانتو احرار تقبلون او لا
علي:الله وايدك ..ان شاء الله خير
ريام ...
عمر :السايق مالتنا بهذلنا ..محتاجة خط بما انو انت ع طول رايح للكلية توصلني بطريقك يومية..
رواد :عندي شغلة الك وهي ابد مو متعبة ..رواد.. اامري..اريدك تهتم باابوية لاتخاف رح تتفقون ..
علي :عرفت انت كلية هندسة يعني اكيد عندك معارف رح تساعدني كم شغلة ....لحظة.ها تاتيانا ..شاورتها ..اوكي ماشي روحي من رخصتكم لحظة وارجع...
علي :سمعت شكالت تريد نشتغل عدهة هي هاي تاليتهة اني رايح ماابقة..
عمر :انتظر..كالت لحظة .علي:لك كلها بصفحة وتريد تشغلك سايق عدهة بشغلة ..قاطعة رواد:كالت البنية رايح بطريقك توصلني مو سايق جوايا..
علي:انت بالذات اسكت ..كلهة بصفحة وانت بصفحة تريدك بيبي ستر لاابوهة مدري معوق مدري مشلول لاوفوكاهة بعده يضحك ههه.
رواد:شتريد اسوي يعني خ نشوف وهي البنية مغلطت تريد تساعدنا ولو اني كصيتهة كلت هاي مو خوش خفت منهة بصراحة بس ذكرت هالة مصادق شون مجان ...ههه
علي:اعرف هاي صاحبتك لئيمة مسوي خير .
فجاة دخلت ريام وياها والدها وجانت المفاجاة...
للقصة بقية..
أنت تقرأ
جنون رجل شرقي
Romanceقصة حب ترتسم بين صديقين ويحتد الصراع بسبب العادات والقيود التي يفرضها المجتمع الشرقي تجعل بطلة القصة في حيرة بين القبول والرفض لهذا العشق الذي تراه قيدا..
