ريام :بدخلة رواء للبيت صار عندي صديقة ويوم عن يوم احس انها قريبة مني وبدينا نتشارك بكل شي تقريبا والحمدلله خلال سنتين صار عندي بدل الاخ ثلاثة وصار عندي صديقة .وكانو عاىلتنا بدت تكبر واحلى شي انو عمر انعجب برواء حيل وهي جانت شخصية قوية يعني ذبحتها على قبلة وكالتله عمر تريدني اخطبني ..وعمر هم وبعد عناء طويل حصل ع شغل بقناة العراقية وفتح الموضوع ويا علي وطبعا فرحة علي جانت متوصف ووافق علي طبعا بعد موافقة ابو علي ووالدتة ورواء هم بديت اشوف حبهم الي يكبر يوم عن يوم تلفونات حبيات اني معشت هذا الشعور بيوم الي ردت ابلش بالحب ابوية زوجني رواد و شفت جنونة على اصولة بس ورا هذا الجنون حب وحنان عمري محسيتهم وشخصيتة القوية جان احلى مابي وسط هاي الشدة والغيرة حب جبير وحنان...
ريام :جنت دا احضر العشا وصدك جان بالي ابجي وملكيت حجة الا واني اثرم بصل ودموعي تنزل محسيت الا ايد انمدت على ايدي وحاوطتني عيونك مو للبجي عيونك بس الي اني فهمتي غسلي وجهج اني رح اثرملج يا اني خبرة بالمطبخ كل شغلة جان ايدة وياي بيهة حتة اذا غمضت عيني لكيتة بيهة تقريبا استقر يمي ...والصبح يوصلني للكلية ويروح شغلة ومن يكمل يرجع ياخذني ونرجع سوا تقريبا كل شي سوا ..بيوم من الايام خابر ابن خال رواد وطلب منة يسافر ويا ...
ريام:هذا منو رواد ؟رواد:هذا ابن خالي رح يروح لاايران ويريدني اروح وياع عطلة نص السنة ..
ريام:يعني وحدكم تروحون ليش شبيهة ايران عمود تروحون...
رواد:اول مرة احسك تسالين هواي خير سالمين ريام هو شغل وكالي تعاي وبكل الاحوال اني مموجود يمك رح انزل لااهلي بعد شلة داعي هالحجي ....
ريام :اول مرة احس مامرتاحة سفرة رواد مو خالية .....
اول محولت غراضة لغرفة ابوية اتذكر ذاك اليوم ...
جنت اعدل ملابس رواد واحس انسدت الباب واجة رواد ورايا ها ريوم واخيرا كلبج حن علية صار سنة انتظر هاللحظة تعالي ...
ريام:رواد هاي شبيك ...رواد :ريام انتي مرتي ..ومتمنعة مني تعرفين جكد احبج لاتبتعدين وخليج قريبة وخلينا نكمل حياتنا انتي تحبيني اني حاس بيج واني مشاعري تجاهج تعرفيهة ليش منشيل هذا الحاجز ونصير زوج وزوجة.
ريام :مااعرف ليش كل ميتقرب خطوة ابتعد عنة خايفة مستحية مااعرف شنو هالشعور رواء جانت تسولفلي على اشياء بينها وبين عمر وهم بعدهم مخطوبين واني حيل استحي كل نااغمض عيني اتخيل ...منظر مااحبة واهرب منة دائما والي يكبر هذا الخوف داخلي رواد وشخصيتة كل شوي لون ومستوى ماانكر اني احبة بس نفس الوقت خايفة منة .واهلة هم داىما داخلي اكول ليش ميبلغ والدة ووالدتة ميحجي بيهة ابد كل الي اعرفة عندة اخ واحد .وميحب يحجي بي مخاوفي جانت انو جان يهددني صح اتفقنا ماكو خيانة بس ممكن يزوج زواج (م .م)وهو رجال من حقة وهذا وحدة احسة اهانة لذاتي ...جان زواج عمر ثاني ايام عطلة نصف السنة وعمر عزمنا بيتهم .طبعا بيت اهل عمر مو بعيدين هواي عن بيت جدي رواد كال اول يوم روح بيت جدك ونتعرف على غالب وجان كلة ثقة عكسي جنت حاسة بالخوف اول مفتت لمنطقة اهل بيت جدي حسيت شي قابض على صدري وخفت من غالب اكيد يكرهني ويكره ابوية اكيد مشاف منة شي .اول مدكيت الباب طلعتلي مرة ب٥٥ يمكن اواكبر بس حسيتهة بعدهة قوية وع حجي ابوية عمتي بسعاد جانت حيل حنينة حضنتني وكالتلي اكيد انتي ريام ...اشرتلهة باابتسامة اي عمة هذا اني ..يمة فدوة لروحك حبيبتي ياغالية يابنت الغالي سلمت على رواد وبوستة وكالتنة تفضلو اكيد تعبانين ....
غالب جان الة طنة ورنة بالمنطقة مااعرف ليش تخيلت هواي تخيلات حسيتة شديد حسيتة ممكن يااذيني يسجني اول مسمعت عمتي فتحت الباب وسمعت صوت جهور ...هلة يووم شونج ...
هلا يمة الله يساعدك..
غالب:اجوي ؟
بسعاد:اي يمة جوي وكاعدين ...
ريام يمكن قطرة دم بذاك الوقت مظلت بجسمي ..جنت خايفة منة وخايفة على رواد بنفس الوقت اول مدخل رواد تقدم علي وسلم بكل ثقة اني ظليت كاعدة ومجمدة بمكاني ...اخر مرة وهي المرة الوحيدة شفتة يوم دخل علينة وكاللهة لاامي اني ابن ثائر سنين واني كارهتة ومحملتة ذنب انفصال امي وابوية ...وسط هاي الزحمة سمعتة ...وانتي يابنت بوي ماسلمين عل اخيج...
ريام : طبعا .طبعا مديت ايدي اسلم علي اخذني بحضنة وكالة هلا بيج نور البيت بجيتج ياخيتي .اول مرة احس بالامان من يوم توفى ابوية وعرفت ان الاخ والي وخيمة فوك راس خواتة ...
بارك لي ع زواجي ولو جان زعلان علية لان مكتلة يمكن ابوية نظرتة جانت نفس نظرتي بس ع كولة ابوية هذا حليب بسعاد صافي ونظيف مابي حقد وكراهية...
للقصة بقية....
أنت تقرأ
جنون رجل شرقي
Romanceقصة حب ترتسم بين صديقين ويحتد الصراع بسبب العادات والقيود التي يفرضها المجتمع الشرقي تجعل بطلة القصة في حيرة بين القبول والرفض لهذا العشق الذي تراه قيدا..
