رواد جنت اسمع من بعيد والصوت مااختفى من بالي حيل رنان وحلو.طول الليل اتكلب بفراشي اريد اعرف منو هذا الشخص جانت تحجي ويا حتى وجههة وملامحها تغيرت ظليت افكر ويانا مو ويانا وياها بالجامعة .وبعدين كلت اني شعلية اني لاابو بنية ولاخال ولد شعلية فوك زينيتهة للبنية جان مكابل يوسف وكاعد والنكة مالتة اكثر شخص اختلف ويا بالدنيا هو والدي عمري محسيتة يشجعني .او يتقرب مني دائما يحبطني ويفرق بالاسلوب والمعاملة .ونص اختياري للكلية بس عمود اعاندة واحقق الي حلمت بي بس شايف غمامة سودة واكفة ع راسي .هاي الدنيا مو دنيتنا.ولا ممكن احلامنا تتحقق ماطول احنا بهذا البلد
..اذن الفجر وبعدني كاعد نفس الكعدة كلت اطلع اشتم هوا اختنكت جان بعد ضوا النهار مطالع تمشيت شوي سمعت صوت بجي بس بصوت ناصي تمشيت خطوات ثانية اتجيت عالحايط عمود اشوف .جانت ريام كاعدة وتبجي عالكرسي.ظليت اباوع من بعيد ورا شوي مسحت عيونهة وفتحت المي عالحديقة وفاتت .تحليلي انو هي متعاركة ويا حبيبها اكيد بس البارحة جانت طايرة من الفرحة اليوم تبجي اوي رواد انت شعليك كعدت شوي واشتتم ريحة الزرع وهو ينسكي والهدوء الي يسبق النهار والضوضاء ع كعدتي غفيت محسيت الا و عمر وعلي يكعدوني .رواد شمنومك هنا يمعود اكعد يلة .
رواد :حسيت بثقل براسي الليل كلة منمت ولمن كعدوني حسيت عبالك سديت عيني وفتحتهة ورا الحاحهم كعدت وتمشيت للمشتمل كالولي يلة اغسل وبدل والحكنا عالريوك عمو ثائر عازمنا.
رواد:شنو هالادب والاخلاق نزلت عليكم جماعة عمو. بعدين اريد اكللكم شغلة ترة ضجت اني عشا يمهم ريوك يمهم روحو مااريد اني اتريك بالكلية .اتمشيت خطوات لحكني علي ..انت شبيك شبيك من البارحة وروحك بخشمك ارحمنا يااخي مصدكنا كعدنا بمكان وارتاحينا لاتلج ويا ريام .ترة البنية كاعده ع اعصابها من وراك ولاحظ جكد مودبة هي.
رواد: ليش اني سويت وشحجيت حتة هالة كامت تحجي البارحة مو مرتاحة لهالشغلة.
علي:كول هيج المدام مقابلة وفضها .بس لااخر مرة اكلك لاتخلي مرة تتحكم بيك .ودتشوف هي شون تاثر ع اخلاقك وتصرفاتك انت عمرك مجنت ناكر للمعروف ونازل تحلل وتشكك بالبنية ...
رواد:هذا هو صارت ريام هي المهمة واني الموزين يوم واحد غيرتكم غسلت عقولكم ليش اريد افهم ليش شمعنة احنة متعرفنة جابتنة اني مدا تدخل براسي هالشغلة اكو وحدة دخل ٣شباب بيتهة وهي هسة متعرفة عليهم لازم اكو شي بالموضوع مو تمام ولازم اعرفة هاي البنية غريبة ولاز...
عمر :اسكت لاتكمل رواد يعني جنت اكول عليك شكاك متثق بااحد بس انت تحجي حجي وتناقض روحك ..يعني احنا مو خوش منستاهل الله يوكفنا مرة واحنا بديرة مو ديرتنا والدنيا كلهة برة مذابح .كافي رواد صدك مثل مكال علي هاي هالة مااثرة عليك وتاثيرها بدا يطفح انت مو هيج شفت على ريام خلاك تكلب هيج.
رواد : مااعرف حاس اكو شي غريب مو مرتاح الهة .
علي قاطع: لانك مو وجه نعمة متعلم عالتقطر مال يوسف يشلع كلبك لما ينطيك فلوس . رواد ..انتو متعرفون البارحة هي..
قاطعة علي مرة ثانية:واحنا شعلينة رواد ..شعلينة احنا ناس كاعدين بيتهم وبصراحة والله البنية من البارحة مشفت منهة شي مو زين ولاطلع صوتهة بس صدك انت مو وجه نعمة عمر امشي يلا روح نتريك...
رواد : راحو الولد وفتت اغسل اول مرة احس بخنقة هيج مو مرتاح للوضعية كلهة ..طلعت من الحمام رحت للغرفة المفروض تكون الي ..فتحت الباب داا جر جنطتي حاطهة عل رف جانت الغرفة عبارة عن رفوف ومصفطة علي الالات وادوات وعالحيطان صور واكو غراض ..بيني وبين نفسي كلت جكد يحتاج شغل لهالغرفة .ويا جرتي للجنطة وكعت علاكة داخلهة كوم صور تاففت يووووو .تعال لم عاد كعدت ع ركباتي دا اشيلهم وارجعهم شفت صور بيهة ريام وياهة ولدين وبنية وصورت البنية مشكوكة وصور ثانية ولد ظليت اباوع ع الصور هواي صور مشكككة باوعت بظهر الصورة مكتوب عليهة ريام ♡م..ومشكوك مكان الاسم للابد التاريخ جان قبل ٣سنوات وصور ثانية مكتوب عليهة ذكرى خطوبة سرمد طكيته عمود اباوع عليهة واضحك وهم مكان الاسم مشكوك وكانو بداية حرف ضاو اوظ مااعرف .اكو غموض بالموضوع مااعرف اني ليش هالتساءلات الي داخلي يمكن لان اني شخص شكاك .والشك صار عندي مثل الدم يمشي .. بس صرت متاكد انو ريام اكو او جان موجود بحياتها حب وهي بعدها عايشة بي من الحلقة ..لتلفون الليل .وبجيهة بالنهار صح هذي التساالات مو من حقي ادخل بيهة هي حياتهة بس مااعرف ليش اريد اربطهة بدخلتنة للبيت لميت الصور وحطيتهم بجنطتي لان الخدامة حسب مفهمت رح تجي تلم غراض اخو ريام والغراض تخصهم بدلت وطلعت داا كول للولد يلة عمود روح للكلية ونجيب غراضنة وبالي اطلع ادور ع مكان اتحول بي احسن من الي عايشة اني..
رحت بااتجاه البيت ..شفت ريام كاعدة وجان الجلب وياها دتنطي الاكل .وكام ينبح الجلب ..ميحبني ابد ولا مرتاحلي اكيد ابتسمت الي وكالتلي رواد دينتظروك عالريوك .صباح الخير.
رواد:صباح الخير ...مااريد ريوك شكرا ..استغربت ع وجهه ماكو اي ملامح تحسسني انو منزعجة او ضايجة .وحتة ولاعبالك هاي نفسهة البنية جنت اسمعها تبجي الصبح جان وجهه كلة ثقة حتة من مشيت وردت بس اشوف اذا تباوع عليه من دا امشي بس هي جانت ملتهية ويا الجلب مالهة وتضحك ويا ولايمهة اني واني هم حسيت بالضوجة ..ومااعرف بس تعبت من التناقض داخلي اريدها تهتم الي او مااريدها ...بس وجهه مابي قطرة اهتمام يعني مو المقصود اني... ردت اسالها عالبجي سمعتةاليوم صحتها ريااام....اندارت وتقدمت خطوات.كالتلي نعم.. رواد..
رواد:اول مباوعت بعيونهة خفت جانت جريىة وواثقة ..ظليت ساكت لحظة..وهي تنتظرني احجي حجت..قبل لااحجي..
ريام:هو انت عندك عادة تاخذ صفنة قبل لاتحجي..
رواد ..رد سريع:ريام اسف لان البارحة ضوجتك..
ريام ...ههه ليش شصار البارحة يمعود اني نسيت اصلا وماكو شي ..لزمت طرف ايدي وكالتلي الحكني والله مسوين ريوك صدك تتندم اذا مااكلتة اني ترة ااخركم عما ابدل ونطلع مشت خطوات سريعة كدامي وصعدت عالدرج واني اباوع الهة ..وصبحت عالكل هو هذا تاثيرها حتة كلمة مكدرت احجي راسا صاحني ابو ريام..يلة ابني تعال ..الحك اكلك لكمة قبل لاتطلع وصيح هاي شسمهة خ جيبلك جاي...
عمر وعلي باوعو علية بنظرة معناها اكعد..
واني هم تغير مودي فجاءة وكعدت اضحك واشاقة وياهم ونسيت الحجي يمكن لان صبحت وجه ريام ..بس جانت حيل قوية لدرجة محسستني انو ضعيفة اومقهورة بالعكس جانت مرتاحة وضحكتهة فارشة ع وجهه ..
ابو ريام:اول مرة احس بطعم الاكل بحلكي من كثر الضوجة حيطان البيت احسهة تريد تطبك عليه.امانة شباب تعالو يومية شاركونة احسن من هاي شسماتهة والله مااعرف ريام المن جابتهة . المهم خطية تحط الصفرة وشيلهة نفس الوقت ...
يلة كومو لات تااخرتو .ويا كلام عمو ..نزلت ريام ..وكالعادة علي عيونه فاتحهم ع ريام ويكول بكلبة ياكاع احفظي الي عليج ..يالله .دغة عمر ..واني ابتسمت ابتسامة بداخلي وايدي بجيبي رفعت راسي ..وباوعت بنظرة خاطفة جانت فاتحته عالنص ..ولابسة تنورة قصيرة سودة وياها قميص ابيض نص ردن واكثر شي جان وجهه طبيعي ابيض حيل وعيونها صغار ومرسومة كلشي جان حلو بيهة حسيت انو كاعد اباوع عليهة دنكت ..كتلهم يلة خ رووح نلحك عالازدحامات .....وعفتهم وطلعت.
ريام :اسمعها تضحك ويا علي بضحكة خفيفة ..يلا خ نطلع لانترزل واني ابتسم ع حجيها رحت شغلت السيارة وصعدت ليكدام ...شفتهم اجوي تجاهي .
دكت ريام عالجامة ..وجان الجو شوي بادي يكسر وشعرها طاير ع وجهه وهي توخر باايديهة اول مرة اشوف ايدهة بياض مشايف بحياتي ومصبغة صبغ احمر ضحكت ودا افتح الباب وجان ...
للقصة بقية.
أنت تقرأ
جنون رجل شرقي
Romanceقصة حب ترتسم بين صديقين ويحتد الصراع بسبب العادات والقيود التي يفرضها المجتمع الشرقي تجعل بطلة القصة في حيرة بين القبول والرفض لهذا العشق الذي تراه قيدا..
