جنون رجل شرقي

الجزء السابع

ريام: هاي المحاضرة بدت لعد وين هالة. ممبينة هاي مخبلة كل عقلهة تزعل من رواد وهو عايف كدامة والي ورا عمودهة.
بس من ايده الي يشوفة نافش ريشة بالبيت ميعرفة هو نفسة الي حاير يدورهة خل ادك عليهة .....
هاي شنو يدك مشغول خاف رواد ..قطعت افكاري دخلت الاستاذة ...طولت المحاضرة ٤٥دقيقة مجتي هالة.. هاي شبيهة اليوم... هم دك ومتشيلة خل اروح اشرب شي ...
دخت والله من المحاضرة .. اجة محمد ولد لزكة ويانا كوة فارض روحة ويعرف مااكلبة ...
محمد :لك عيني شطالع اليوم تخبل شنو هالجمال وشنو هالرقة ..ابتسمت ..شكرا الك محمد كلك ذوق...
محمد :تعاي خل اعزمك ..لا شكرا مااريد تسلم ..امشي خ نكعد بالكافتيريا ...
ريام :محمد كتلك شكرا بعدين مو رايحة كافتيريا رايحة للحمام....
محمد:شتعدلين يمعودة انتي من الله معدلة سبحان الي خلقج ...
ريام :محمد ..خصم الحجي ماافيدك وبعد لاتلح عيب اسمعك حجي ميعجبك ..
محمد:كليلي ليش اني شناقصني عمود تكولين لا..
ريام:مناقصك شي بس اني مو عاجبني يااخي رجاءا لاتلح واخذت كتبي وهو بعدة يحجي ويمشي واسوي روحي مسامعتة فتت للحمام يلا خلصت ...اوووف ياربي شنو من لزكة انت شفت هالة تحجي بالتلفون ومندمجة كلت زين لعد تصالحو هي ورواد مع انو ماكو داعي للزعل عدلت شعري ومكياجي وباوعت بالمراية هالة ارتبكت وسدت التلفون جتي سلمت عليه ...
هالة:هلو ريام شونج ...
ريام:هاي وينج هالة ادك عليج ماكو متردين لو مشغول زين حجيتي ويا رواد ترة كاب بارود من البارحة خطية...
هالة :يارواد ..ريام انتي شون تامنين تكعديهم بيتج ترة ذولة محافظات متعرفيهم واذا علية اني ورواد خلصنا بعد...
ريام :لج ليش ..ترة اني صوجي هم خطية انصدمو عما عدلو المشتمل ونظفوا والتهة اكيد رواد مخابرج...
هالة : شعلية اني ..اني البارحة فكرت انو رواد ميفيدني ريام بلة اذا تخرج شرح يشتغل او يسوي هو خريج فنون جميلة واهلي هم ميقبلون بي وهو محافظات...
ريام :استفزتني  كلمة محافظات.. هالة انتي هم محافظات شنو الة داعي هالحجي ...وهو شاب طموح واخلاقة عالية واهلة تعبانين علي...هالة .جانت مصدومة منو كلج محافظات ..رواد عرفتة اني...شالت جنطتهة وطلعت..
ريام :حسيت اني ارتبكت غلطة مجان لازم اغلطها ..ورواد وصاني ..لان هالة عصبية وبسرعة تنفعل..
بس الي دا احسة انو هالة عدهة لكية ثانية مو سالفة اهلي وكعدة الولد بيتنا ...يووو شعلية اني هو وياهة ينجازون عندي سفر باجر لازم ارجع للبيت خل اخابر عمر واشوفة ..اذا يكدر يرجعني...
واذا  لا اخذ تكسي وارجع احضر جنطتي .واسافر ..صدك مكلت للولد ..بس حجي هالة وابوية وحدة خاااف..لامستحيل احساسي ميخيب مع هذا خل اشوف عمر ..
دك التلفون ...طوط ..طوط..طوط
ماكو رد ..
رجعت مرة ثانية ..هم نفس الشي كلت هاف محاضرة بس الساعة هسة ب١١ماكو هم .خل ادك ع علي...هم نفس الشي خل ادز مسج بس هم ميسووهة يسوولي رفض بالقليل يلا البارحة اني عرفتهم بس حاسة دهر مو يوم ..يومين جنت اراقب هالة من يجيهة رواد وبعدين اصدقاءة مجان عندي اصدقاء وحتة موجودين لزكات والله امثال محمد ..ميفهم لو احجي منا لباجر ...
خل اطلع اذا شفت رواد ..اكلة طالعة فتت للكافتيريا ..باوعت يمين يسار ماكو احد الظاهر طلع رجع لكليتة التفتت لكيت محمد اللزكة ...ها عليمن دورين علية ..
ريام :ليش شكلولك متيهة اني لو عقلي ناسيتة بالبيت دا اشوف ابو خطي وين عمود...ووكفت كلت هسة يلطش بية..اذا كتلة اريد اطلع وبالكلية محد يعرف بيتنا وين ولااي تفاصيل ...
محمد:فاتتج العركة ..ياعركة هاي
محمد :لا ..حرامات .صديقتج مكلتلج ...
ريام :ياصديقة؟
محمد: هالة تعاركت ويا الكبل مالتهة تعرفي هذا الولد بكلية فنون جميلة ...
ريام: رواد ...شصار ليش وتعاركوا...
محمد :بيني وبينج هالة ضربتة بوري وجابت كبلهة وكعدت كدامة وهو بس شافهة واستلم الهوسة وكبل اجو امن الجامعة وطلعو هو واصدقاءة اصور ودوهم للمركز ...
ريام:عفت محمد ..ورحت ركض للامن اسالهم عن الولد كال بس اخذو تعهد من الولد ومشو هو واصدقاءة .
ريام:دكيت على عمر اخذتغراضي وطلعت بوجهي لكليتهم ..ورد علية عمر..
عمر:هلو ريام...اسف مسمعت التلفون يدك...
ريام : انتو وين صارلكم شي ..كلولي بالكلية..
عمر :اكيد كلتلج صديقتج ..
ريام:لا ..بعدني مشفتهة اني دا اتمشة بااتجاه كليتكم ..عمر بس اني مااندل شي بيهة ...
عمر :ليش جيتي ..اصلا احنا جنا طالعين ودنمرلج ...
ريام :وصلت اني باب كليتكم رح افوت...واسمع بالطريق الكل ياارض احفظي ماعليكي ..
عمر :اوكفي بالاستعلامات جايج اني...
ريام:ماشي.. اسمع ابو الاستعلامات يكول.اول مرة اشوف كمر ماشي عالكاع لا وبالنص النهار ..لك هاي مين مشايفهة قبل ... ريام :ظليت ساكتة وانتظر عمر .لما اجة انصدمت اكو دم ع سترتة .
ريام:هاي شبيك ...واسمع الاستعلامات يمة هبطت عليه امدا حضي هي هم حظوظ. عمر باوع عليهم واشرلي.رحت ويا..
ريام :شنو الصار ..شبي رواد
عمر :جان بداخلي شوية شك اتجاه ريام كلت اكيد هي ورا الي صار .. بس هي جانت مصدومة متعرف شتكول...
ريام:تمشينا..وعمر يكلي شيكلج رواد امانة لاتزعلين ترة مو بوعية هو ..
ريام :ماشي ..عمر..اعرف والله..
وصلنا يم علي ورواد ورواد نزل راسة وجان شابع ضرب وكانو عيونة مدمعة دار وجهة عمود لااشوفة وشفت علي يكلة ترة البنية مو ذنبهة لاطلعهة بيهة وكانو بعيونة هواي حجي جان يريد يكولة الي وسكت ...واني ظليت ساكتة هم...لان حجي هالة جان واضح هي مو رايدتة والحجي تحجي حتة قبل لااتعرف على رواد فات للحمامات يغسل وكعدنا ننتظرة دنطلع..وعلي كعد يكلي عرفت اني كلبي حسني هاي البنية مو خوش .عمر اشر لعلي لان هالة صديقتي ...محد يحس بوجع الحب الا الي مجربة ومتعذب بي لاني افهم وجع رواد واكره خيانة هالة ..سكتت حتة لو جانت صديقتي ..تمشينا بااتجاه السيارة مدينا ايدينا سوا نفتح الباب الامامي وجريناها سوا بعدين دارجع افتح باب الورا وعينة صارت بعيوني جانت كلهة وجع .امال محطمة اكيد .
ريام:خلص رواد اكعد ليكدام اني ارجع ..رجع فتح باب خلفي وصعد وكعد وعمر اشرلي يلة اكعدي خ نطلع ..حسيت الطريق طويل والضحك والشقة  البارحة كلة طلع من عين رواد حسيتهة شمعة وانطفت وصلنا للبيت نزل ومشة بااتجاه المشتمل واشرتلهم للولد روحو ورا ..ديربالكم علي ..ظل رواد على هالحالة اسبوع حتة دوام مداوم واني مسافرت .لحد مااجة عمر وكالي هذا مفتاح المشتمل...
وللقصة بقية..