طبعا عالوعد رجعنا ريام خطية حضرت الغدا واني رحت زينت لحيتي ورجعنا جمعتنا سوا وضحكنا وسوالف كانو جان عدنة ميت الحمدلله رجعنا نداوم سوا بس موصلنا لكليتهم بعد صارت هي تجينة طبعا اخابرهة واروح اجيبهة وصرنا نطلع ونسولف ونتشارك اراءنا جنا بالاحرى داىما نتعارك واحنا كاعدين نتناقش وعلي وعمر كاعدين يتفرجون علينة وحتة علي خطية ايس منة مكام يذب حجي ..بهالفترة حبيت اشتغل مسرح وريام جانت حيل تحب تحضر هاي المسرحيات طبعا احنا هذا الوقت وصلنا تقريبا لنهاية شهر الرابع ويا حفلات التخرج بالنسبة الي قررت اعيد السنة مااريد انجح حسيت تقدمت هواي ع ريام .ومااريد اعوفهة وعلي خامس مو مال وحدة خطية ولو هو كال اختة رح تجي بس هم مااريد انجح جان اكو تجهيزات بجامعة ريام وجانو ناوين يقدمون عرض مسرحي منظمتة وزارة الثقافة ورح يحضر الوكيل للعرض وريام اقترحت ع العميد تنظم الحفل هي وزملاءهة وبعض طلاب فنون جميلة وبعد عناء وافق .اول مفاتحتني بالموضوع خفت ..خفت اشوف هالة وترجع ذكرياتي بس ريام اصرت عليه .
ريام:رواد هي هاي الفرصة الي انتة محتاجهة وكيل وزارة الثقافة رح يحضر يعني اذا عجبهم العرض رح تصعد فوك هنا عرفت اصرار ريام جان لمصلحتي طبعا اتفقنا مجموعة من طلابنا وعدد من طلاب كلية ريام نحضر للعرض بقة شنو العرض رح سوي والسيناريو وهم ريام كالتلي نحضرة سوا ونوزع الشخصيات ..ظلينا نفكر شنو العرض الي لازم نقدمة..وبالنهاية اتفقنا عالسيناريو طبعا انتو عرفتو السيناريو كتبتة عني طبعا الطابع جان شوية بي لمحة سياسية لهذا تعبنا بي وريام ساعدتني هواي بي .
القصة جانت تحجي عن شاب عندة طموح وحبة الاول جان الممثلة بنية وهو تعب عليهة لما كبرت وبعدين اقتلعت جذورها ودمرت كل بنيانة وبااشواكها غرزتها بجسم البطل .هنا تدخل شخصية ثانية .وتشوف الدمار الي صار وتبدي توكف البطل ع رجلي وتبني ويا لحد ميوكف وينتج ثمار وبعدهة يخيم عالبطلة ويحميها من الشمس والمطر ...جان العمل اكثر من راىع ...
ريام: دااشوف التمثيل كلش ركيك اصلا عبالك حافظين حجي وجاي يكولو طبعا بحكم العادات اللمس والعناق عدنا ممنوعة او الممثلين يجبجبون منها .لهذا تعبنا ريد نوصل الفكرة .
الممثلين ....
ممثل ١:انتي حبي ومملكتي بدونك انتي كنت بقايا رجل ومعك اكتملت انسانيتي ..هل اقول اني احبكي ام اكتفي بلمساتي ونظراتي
ريام :اوكفوا لحظة ...
التمثيل لازم يوصل للكل وصوتك يصير واحد وواثق مو تشاور روحك وكانك حافظ محفوظة لازم تحس بكل كلمة تكولها...فهمت
المخرج: رواد منو هاي البنية ..
رواد :ليش ؟
المخرج:شنو رايك هي سوو الدور بدل البطلة جايبيهة ولان انت وياها كاتبين سيناريو رح يوصل للناس ..وهذا الاهم من الصبح ريد نخلص مشهد ممخلصين..
رواد: مستحيل اخليهة تمثل ويا ولد ....
المخرج :رواد شكل البنية تخصك ..
رواد:هي صديقتي ..مااكدر اخليهة بهالموقف .اسوا شي جنت اشوف هالة يومية واحس كلبي يومية يوجعني ...وترجعلي الالامي بس وجود ريام جان كافي ويا كانها حاميتي اني مصد ضد الريح ..كيفت لمن المخرج اقترح اني وياها نمثل هيج رح اكدر اكللهة مشاعري حتى لو تمثيل من ارجع احجي وياها بس هاي هالة شدتحجي وياها شكلها مضايقة ..اروح بس خفت بقيت انتظر ..
ريام :ها هالة شجابك مو ع اساس متحبين الفن والمسرح شلي جابج .
هالة:ريام كل عقلج رواد رح يصير براسة خير رواد جبيرة يشخبط شخبوطتين على ورقة ميفيدك صدكي ...
ريام :بيوم جيت ادخل اصالحكم كتيلي حياتي الخاصة وهسة اكلك هاي حياتي الخاصة وانتي مدخلج ..
هالة :عبالج رح يكدر ينساني تحلمين اني رح ابقة اول واخر حب بحياتة انداريت عليهة صح انتي اول حي بس كل اول الة تالي وانتي عفتي الخيط من اول ورواد رح يظل يصعد يصعد لما يعد ميشوفك ....باي
رواد:خفت اسالها جكلتلج ..ها حبيبتي شو مو على بعضك ..رواد شنو هذا الحجي ..جديد .لان انتي حبيبتي من اليوم واني حبيبج .
ريام:رواد بلا بياخة شنو هذا حجيك ...رواد المخرج عرض انتي تمثلين البطلة واني رح امثل البطل
ريام:صدك رح تاخذ دور البطولة انت جيد .بس اني مستحيل اشترك انسى مااكدر ..مااعرف
رواد :تنسين واني كدامك ..
ريام :لاتباوعلي بهاي النظرة ...
رواد وشبيهة هاي النظرة ...
ريام :خالة انطيني ربع والله جوعان....
رواد:هههههه .هسة اني مجدي
ريام : احلى مجدي والله رواد رح ارجع للبيت ناخذ راي الوالد وارجعلك خبر بس اذاخرب العرض معلية فهمت انت المسوول...
رواد يلة لعد نطلع سوا ...
ريام :مو عندك شغل ..
رواد بعصبية :ماااعندي شغل اني فهمي طبعا رجعنا للبيت واخذنا راي اصدقاءنا.
وابوية طبعا..
ريام :ماطولكم كاعدين خل اكللكم اليوم جاني عرض امثل ويا رواد..
علي :صدك ..وشرح تمثلون بلة ..
ريام : باع القصة بيهة لمحة سياسية بين مايحبة الانسان وبين مامكتوبلة..
علي :يعني شون؟
ريام : يعني قصة صديقين واحد منهم جان يحب وحدة وعافتة تدخل صديقتة تلم جروحة وتعلي بنيانة ...فهمت رح تجون وتشوفون ..
علي... عمر:جانو يباوعون ع رواد جنهم يريدون يكتلو ...
ريام "يلة رواد اشوفك الصبح باجر ورانا تمرين..
رواد :تصبحين على خير ..
ريام:وانت من اهل الخير..باي
انقضو علية علي وعمر ..من كل عقلك انت تحبهة ...
رواد:شبيكم..ليش مااحبهة ..
عمر: شرح تكول لاابوك رح تخطب منو بت منو من غير اخر اكتشاف ابوهة اهلة متبرين منه وامهة لبنانية فكر رواد ولاتجرحهة للبنية متستاهل وكفتها ويانا تسوى الدنيا ومابيهة..
ريام :نسيت اوراق السيناريو رجعت اخذهم وسمعت حجي الولد ..صح مو اول مرة اسمع بس لان كالو انقهرت ورجعت للبيت وثاني يوم طلعت تكسي حتة مااشوفهم كلنو ابوية مجرم وامي طالعة عن الطريق بس هو هذا مجتمعنا مجتمع شرقي وبس...
أنت تقرأ
جنون رجل شرقي
Romanceقصة حب ترتسم بين صديقين ويحتد الصراع بسبب العادات والقيود التي يفرضها المجتمع الشرقي تجعل بطلة القصة في حيرة بين القبول والرفض لهذا العشق الذي تراه قيدا..
