السلام عليكم وقصه ليوم بعنوان على الوعد باقين
للكاتبه ام البنات
الاخ الي يدخلني محاكم ويتهمني بزور هذا مو اخويه...هاي العباره كالها ابويه وجان الها اثر بحياتي.....
اني ميس شكل ناعمه جسمي حيل مرتب وعيوني بنيه شعري اسود طويل مغطي ضهري لوني حنطيه فاتح احجيلكم من البدايه كلشي
احنه عائله متكونه من ام واب 3بنات ولد واحد عدنه اختي الجبيره مزوجه اني الصغيره بين البنات اخوي خاطب بنت خالتي عن حب
ابويه عده 2اخوان واخت وحده
اذكر من توفه جدي جان عمري تقريب 9سنين او عشره بوكتها جنت رابع ابتدائي صار صياح وبجي ولطم والبيت متروس ناس وهوسه امي لبستنه اسود اني وخواتي
وره متوفه جدي صارت مشاكل بين عمي الوسط ابراهيم وبين ابويه جدي قبل لايموت كتب واحد من المحلات باسم ابويه لان عمامي حالتهم خير من الله املاك وبيوت ممعتازين بس ابويه جان ضرفه تعبان راتب الحكومه وهذا المحلا سجله باسمه حتى يعينه لان بس هو محتاج بيهم وره متوفه جدي كعدو يقسمون الورث بينهم عمي ابراهيم كلب الدنيا من عرف المحل باسم ابويه يكله انت مزور الاوراق انت جذاب وصار صياح ومضاوب بينهم وصلت للمحاكم والدي خله محامي وكامو يرحون ويرجعون من المحكمه لحد ما ثبت الحق وي ابويه لان الاوراق سليمه والدي طلع من المحكمه رجع كللهم و لعمي الجبير وعمتي سماهر الاخ الي يدخل اخو محكمه ويتهمه بزور من اليوم هذا لا اخويه ولا اعرفه انسو عدي اخ وهنان بعد نكطعت العلاقه بينه للابد مرت سنين واحنه لانعرفهم ولانشوفهم بس امي من اصير فاتحه مناسبه اشوف مرت عمي تكول امي حبابه كولش وخوش بنيه
عمتي سماهر بقت وي بيبتي لان هيه ارمله وعدها ولد اسمه مهند بقت اداري امها لحد ماماتت وره جدي ب3سنوات تقريب بقت عمتي كاعده بيت جدي هيه وابنها وعمامي وابويه يمرون عليها يسالون وابويه ميروح اذا ميتاكد بتلفون عمي ابراهيم مموجود حتى لا يلتقي بي
عمي ابراهيم عده 2بنات و2ولد
بقينه احنه اطفالهم محد يعرف الثاني بسبب القطع الي صار بعلاقتهم صارو اغراب اذا نشوفهم بشارع منعرفهم
مشت الحياة وكل واحد التها بهمه وبدراسته اني جنت موته نفسي احب الصيدله تمنيت لو بس ادخل صيدله حيل عاجبني بس معدلي رغم التعب مساعدني على هذا الشي دخلت هندسه مدني وبيومه جانت عمتي سماهر عدنه
سماهر....ميوسه تدرين ابن عمج ابراهيم حسن وياج بنفس الجامعه اذا تردين شي هو موجود وياج
ميس....عزززززه عمه فدوه لعينج اسكتي اا ابويه يسمعج تكوليها عزه علينه
سماهر....هسه هو شمدري بعدين كلت اكلج خاف تحتاجين شي هناكه احد يضوجج يمج ابن عمج
ميس.....لا اجيبلي لغاوي فدوه عمه اسكتي اني لا اعرفهم ولا اعرف حتى شكلهم شلونه خليني هيج بعيده عن المشاكل احسن
بده الدوام واني فرحانه مثل باقي الطلاب الي ويايه اول سنه كليه احسها هاي مكافئة للتعب والسهر بس جان المنتضر من التعب اضعاف😢
بجامعه تعرفت على بنات ثنين كولش حبابات صارت طبتي وطلعتي وياهم الولد ماعدي اختلاط بيهم ابد ماريد مشاكل والجامعه مجتمع اذا وكفتي وي ولد حتى لو ماعدج شي تطلع عليج حجايه فبقيت بعيده
استمر الدوام اول شهرين بين امتحانات ودراسه
ميس....اني دخت والله الماده صعبه
نور....اني هم وهذا الدكتور اسألته صعبه
ميس....الله يستر منه
حسن.....بين متمتحن ميس خلي اعرفكم بنفسي اسمي حسن ابن عم ميس شكلي طويل واسمر لحيه وشوارب عدي عيوني لونها اصفر فاتح ورموشي كولش طوال شكلي حلو حسب ميكولون طبيعتي ثكيل ما احب الهوسه والضحك والعلاقات اني قسم كهرباء مرحله ثالثه
ميس مشايفها قبل لان جنه صغار اذكرها صغيره من اخر مره شفتها اكيد متغيره اجتني عمتي سماهر تحجيلي على ميس
سماهر....حسن ميس بت عمك حسين نقبلت وياك بجامعه عينك عليها
حسن.....صدك؟؟ياقسم
سماهر....هندسه مدني ....هاي فقيره واخاف عليها عينك عليها
حسن.....صدك جذب عمه بعيوني انتي تدرين اني مراضي على الكطع الي بينه وبينهم ولا راضي على المشكله بس جنه صغار منكدر ندخل وهسه المسافه بينهم كبرت كولش ماريد نصير احنه مثلهم
سماهر.....لعنت الله على بليس الدخل بينهم وفرقهم
حسن.....لايضل بالج باجر امر الها ....
نرجع الميس الي طلعت مصخمه بالمتحان🌚
ميس.....دخلنه الامتحان وطلعنه مزفتين وصايره اعصاب .....تره هذا مو حجي هي هاي هم اسأله
نور.....احس الدكتور طلع كل قوته ويانه
ميس....عبالك ينتقم ...حسبي الله ونعم الوكيل
حسن...سلام عليكم
نور ميس....وعليكم السلام
حسن....حضرتج ميس حسين
ميس....اي تفضل بس خازرته
حسن....اذا مصير زحمه عليج عدي كلمه وياج
ميس....روح بابا روح
حسن....هاي شبيج
ميس.......رحمه لا اهلك هاي السوالف مال مصارحات وحب ما حب مالي بيها جايه ادرس هنانه لاتحرج نفسك
حسن...يمه من بنيه لسانها شطوله هدت عليه....
خزرتها.على كيفج يابه اني حسن ابن عمج ابراهيم عمه سماهر وصتني امرلج خاف تحتاجين شي
ميس.....يمه لو اذبحوني متلكون بيه نقطت دم من الفشله متت مستحه ياكاع نشكي وبلعيني
نور.....دومج مصخمتها ....اني اترخص
ميس.....اني اسفه كولش والله معصبه لان الماده صعبه والاستاذ جايب اسأله مالها وجود
حسن....اكدر افتهم من كلامج ممجاوبه😒
ميس....اا والله ممجاوبه 😔
حسن...البارحه عمتي وصتني عليج اي شي تحتاجينه اني يمج
ميس.....تسلم متقصر انت ياقسم
حسن....كهرباء
ميس...يوم تخرجك ان شاءالله
حسن....تسلمين....عمي شلونه امج اخوتج
ميس....الحمد الله زينين على الله
حسن....يارب دومكم بخير....الصراحه هواي اتمنه اجيكم واشوف عمي بس اخاف لايفشلني .....اني ميعجبني ولا راضي الكطع الي صار بينهم
ميس....محد راضي هاي سوالف الشيطان
حسن...الله يهديهم ...المهم احنه مالنه علاقه بيهم اي شي تحتاجينه اني موجود لاتحسبين حساب لكلشي
ميس....تسلم متقصر
حسن...سجلي رقمي يمج خاف تحتاجيني
ميس.....تبادلنه بالارقام وبقينه نسولف تقريب نص ساعه وراح بقه كل يومين يمر يسأل عليه
حسن...احجي وي ميس وسرحت بعيونها ونزاكتها الله يستر عليها شكد حلوه
نور....لج ميس هذا ابن عمج والله صاك
ميس....هو بس صاك خرب غير عيونه تموت ادوخ تسطر 😢
نور....شسالفه جنج رحتي زايد
ميس....يسويها الحظ....بقه حسن يروح ويجي عليه كمت احس اتجاه مشاعر حلوه افرح من اشوف وانتضره يجي واذا مااجه اخابره كمنه نتواصل بتلفون وبرسائل
حسن....من ادخل للجامعه احس اريد بس اشوف ميس وما اكدر اروح يوميه خاف احرجها ازعجها صفنت على نفسي صاير افكر بيها هواي انتضر تلفونها او رساله منها اي شي منها يفرحني احس بشوفتها ترتاح عيوني كمت اتحجج باي شي بس حتى اشوفها
ميس....اخاف لامشاعري تبين لان من اشوفه يتخربط كل وضعي احاول اسيطر على نفسي حتى لايبين عليه وانفضح
