حسن.....كامت من تمشي ميس بالجامعه امشي وراها خاف احد يضوجها خاف احد يتحارش مره انتبهت اكو ولد وين متروح عينه عليه دمي فار وصرت اعصاب رحت وكفت يمها حتى يفك منها
ميس....حسن شلونك ماكو صار يومين
حسن....موجود بس ملتهي انتي شلونج اخبارج
ميس....والله الحمد الله تمام
حسن....دتقرين لنص السنه لو اسختين ...احجي وياها وعيني على الولد اخزر بي
ميس.....اي والله دا اقره هاي اليومين ما اداوم بيها اكعد اكمل دراسه
حسن....ضجت من كلتلي ما اداوم ......
ليش خاف تفوتج محاضرات
ميس.....انتبهت وجه نكلب من كتله ما اداوم..... حسن تريدني اداوم؟!
حسن....هااا لا اي ما ادري بكيفج اني عليج خاف تفتوج محاضرات مهمه
ميس.....والله حيرني مره احسه يحبني ومره احسه لا 😔
حسن.....يالله مكملتي محاضرات
ميس....بلي دننتضر الخط يجي
حسن.....يالله امشي ننتضره
ميس.....رحنه ننتضر الخط تاخر علينه وحسن بقه ينتضر ويانه متنه من البرد باارده
حسن.....اباوع عليها ترجف من البرد ....شبيج
ميس.....مابيه بس بردانه
حسن.....تعاي اكعدي بسيارتي لحد ميجي
ميس....لا بلكي هسه يجي
حسن....دا اكولج صعدي لاتعاندين قابل اني غريب
ميس.....صعدت لان شفته عصبي كعدنه بقينه ساكتين شويه
حسن....دفيتي؟
ميس...اي هسه احسن...هوى شويه قوي وبي بروده تكص
حسن.....وانتي مابيج لحمه ادفيج
ميس....شنو قصدك معص عصه 😡
حسن....اني مكلت معص عصه بس ضعيفه وناعمه تبردين
ميس.....يسموني رشيقه😒
حسن.....شلون اني بلسانج شطوله
ميس....عاجبني لساني
حسن....اداهرها وبكلبي اضحك على سوالفها احب دهرتها وضحكتها وسالفتها بقيت ادعي الخط يتاخر اريد اكعد وياها اكثر وكت
ميس.....يشلع كلبي بس يداهر والله اله خلك....بس والله عليه عيون يمه تموت😍 بس لا صدك كمت احبه 😔
حسن....وين صفنتي
ميس....ها لا مصفنت بس تعبانه
حسن....بس لا تمرضتي
ميس....يمكن لان بده راسي يوجعني ....اي اجه الخط مالتي
حسن.....نزلت ونزلت وياها حجيت وي ابو الخط لا يتاخر عليهم بعد وهم حتى يفتهم بت عمي لا ياخذ عنها فكره مو حلوه ......رجعت صعدت بسياره وعطرها حسيت بي موجود حركت ورحت للبيت اتغديت وصعدت لغرفتي اتمددت وكل فكري بيها وبضحكتها وعيونها وخدودها كلشي بيها يعجبني حتى عنادها بس لا حبيتها .....كارثه😔 ووووو خليها على الله وهيه تنحل
ميس....رجعت متغديت مالي خلك نمت كعدت العصر مقبطه فد مره فلاونزه بقيت نايمه اجتني رساله على الفايبر
حسن....ام لسان شلونج
ميس....فلاونزه😢
حسن....من عنادج لو ابقه عليج تتجمدين
ميس.....اسكت راسي حينفجر وعيوني فد مره مغوشه
حسن....شربي فلائوت ونامي
ميس....جنت نايمه بس احس بعدني مسطوره حشرب وارجع انام
حسن....اوكي روحي وطمنيني عليج عود
ميس....ان شاءالله ....رحت شربت دوه وامي خلتلي اكل اكلت شويه وصعدت نمت فزيت ساعه 11ونص لكيت التلفون محترك رسائل ومكالمات من حسن خابرته
حسن....وين جنتي ضل بالي
ميس....شبيك حارك التلفون مو تدري مريضه
حسن....لعد ليش ضل بالي ....وهسه شلون صرتي
ميس....الحمد الله احسن
حسن.....باجر اداومين ؟
ميس....ليش تريد اداوم
حسن.....حتى لاتفتوج دراسه حرامات
ميس.....حسيت بي مشتاقلي تمنيت لو بس يكلي تعاي اريد اشوفج مشتاقلج مرات احسه يحبني ومرات لا اني احبه وتعلقت بي حيل شلون اذا طلع ميحبني .....حسن اني حروح تعبانه كولش
حسن...ماشي تصبحين على خير
ميس.....كعدت الصبح زينه وشبعانه نوم بدلت وخابرت الخط ورحت للدوام
حسن....شكد ارتاحيت من شفتها نزلت وي الخط مالتها رحت عليها ....الحمد الله على السلامه
ميس...الله يسلمك .....تقريب اليوم كله بقينه سوه لان ماعدي محاضرات بس حسيته محتاج يشوفني رغم هو مكلي ....
حسن....مالكي روحي بس بعيونها افرح من اشوف ضحكتها احبه اني لازم اعترف لنفسي حبيتها بس شلون راح اكولها اني احبج والمشاكل الي بينه شيحلها
ميس.....شبيك صافن عليه
حسن....لا مابيه شي كومي اوصلج للخط
ميس..... مشت الايام والتهينه بالامتحانات يخابرني حسن مره باليوم لازم يسأل عليه وبالدوام اطلع الكي ينتضرني اسلم عليه واصعد بالخط خلصت الامتحانات واجتي العطله وكمنه نتواصل اني وياه على الفايبر رسائل نسولف ومرات يخابرني نحجي شويه ويسده بس مكتله احبك ولا راح اكدر اكولها لان ادري الي بينه مستحيل
حسن.....اول مره اكره العطله ما اشوف بيها ميس مشتاقلها كولش لازم اعترف الها اني لشوكت قابل ابقه هيج اذا ابقه عليها كلشي ماكو ولا جن عدها احساس
ميس....مره برمضان دنحجي بالفايبر كلي اريد اجي
حسن.....ميس من يجي العيد اريد اجي اسلم على عمي ميس..... تعال بس ما اعرف النتيجه اجه وسلم على ابويه اول مره ابويه شايل خشمه وكوه يحجي وياها شويه وفك كامو يسولفون اني شويه ارتاحيت راد يروح امي جلبت بي مقبلت يروح ال نتعشه سوه واني طايرره ممصدكه فرحانه لان كاعد ويانه
حسن......اباوع الفرحه الي بعيون ميس نفس فرحتي
....خلصت العطله الحمد الله وداومت واتفقت امر عليها اشوفها
ميس....اجه حسن يشوفني واحس بعيونه لهفه وفرحه احس عيونه تلمع مشت الايام وحسن رايح جاي على قسمنه بحجت يشوفني واي مكان اروحله الكي كدامي عبالك يراقبني بقينه على هذا الحال وخلصت السنه والعطله كلها يسأل عليه بتلفون ورسائل بينه وخلصت العطله وداومنه اني ثاني هوه رابع اخر سنه الوضع نفس ما هوه لحد ما اجه هذا اليوم ..... جنت احجي وياه كتله حروح للخط ورحت انتضر صديقاتي واكفه وي صديقاتي واجوي ولد 2واحد منهم يعرف بنيه ويانه وهيه لسانها طويله دهريه وتشاقه بس بحسن نيه فهو الولد حجه وياها حجايه يداهرها كلهم ضحكو عليها اني ابتسمت على كيف ما اشوف ال حسن جاي عليه وعيونه تجدح وعصبي عاطه بيه انتي موكلتي راح اروح شو بعدج هنانه اني متت من المسحته شصار بيه كدامهمعلى ..الوعد..باقيين
