بقلم ام البنات
ميس.....يالله حسن كوم تاخرنه
حسن....اي كايم ...كملتو
ميس....بس البس الربطه ......ذبنه حسن بسوك ونزلنه اني وعمتي اختاريت نفنوف ابيض ربع ردان وكصير فوك الركب صدره حفر وربع ردان كولش نازك وحلو
حسن....الووو ها حبي وينج كملتو
ميس.....اي كملنه تعال
حسن......شاخذتي
ميس.....ما اكلك
حسن.....لازم مشخلع
ميس.....ها لا مو كولش
حسن.....لا هاي هيه مبين مو مشخلع...اريد اشوفه
ميس.....لا اااا ابد لاتحاول خلي مفاجئه بيوم الخطوبه شوفه
حسن.....ميس والله العظيم اذا مشغلع اموتج
سماهر.....تالي نبقه واكفين بشارع والناس تباوع علينه وانتو تتعاركون
حسن....صعدو.. اخاف اكلكم امشو نتعشه خاف اكو ناس جبانه متقبل 😏
ميس....ههههههههه يابه اعزمنه شكد جلف
حسن.....اي جلف اخاف على جيبي😏
ميس....ههههههه يالله نتعشه بعد وكت
سماهر.....يالله بس منطول خاف ابوج يحجي
حسن......استغفر الله ....نداريت على ميس والله ابوج اسمع طاريه اكثر منج مسويلي رعب
ميس.....لاتحجي عليه
حسن.....محاجي شي 😑
ميس.....رحنه تعشينه كعدنه مكان حلو وبي حديقه تعشينه ورجعنه
يوم الخطوبه...
ميس.....رحت للصالون سويت شعري ومكياج ورتبت نفسي للعصر جوي طبو النسوان بصاله والرياجيل بالاستقبال شويه واجه اخويه كال قرو الفاتحه كامو يهلهلون
حسن.....قرو الفاتحه وسمعت الهلاهل كلبي طار ممصدك هاي النه ...جبت ويايه سيد يكطع النه مهر استغل كل فرصه خاف يقلب علينه عمي
ميس....شويه وكالو راح نكطع مهر اخذوني للغرفه وخلو عليه شال وعلى رجلي هم دخل حسن كعد بصفي حجه السيد وكلته امري ودموعي كام تنزل
حسن....شكد احبها وروحي متعلق بيها بساعة مكطعو مهر النه حسيت شي غريب حسيت صارت مرتي عبالك الموضوع اختلف احساسي غير شي صار حسيت بحنيه وحب اكبر اتجاها حسيت ملكتها وحققت تعب السنين حسيت بيها تبجي خلص السيد وكام وهيه تبجي.....كافي حبيبي بس عيب منى العالم
ميس....اي....سكتت كمت ذبيت الشال وخرت الشال الي على رجليه وكفت يباركولي
حسن.....لا يالله لج هاي شلابسه
ميس.....شبيك شلابسه
حسن.....ارحمي العبد الفقير متكليلي شنو قصتج تردين تحركين اعصابي
ميس.....لعد اني غشيمه من مشوفته الك
حسن.....اني الج صرتي مرتي بعد متحلفلج اني بسيطه
ميس......بعد بيت عمتي ما اعتبه
حسن....موهوه بكيفج
سماهر.....شبيكم تبسبسون جنكم ديوجه
ميس.....لا عمه ماكو شي بس ابن اخوج مشاعره معوقه يتغزل بعصبيه
حسن.....لا عمه بت اخوج ابد ماعدها الاحساس شايلينه منها
ميس.......تمت الخطوبه الحمد الله بدون اي مشاكل وحددنه موعد النيشان وبدينه نجهز
حسن....ما اوصيج عود هم بدله مخلعه
ميس.....حبيبي محد اكو بس انت
حسن.....هيه هاي المشكله اني موجود😑
ميس.....حبي هونها هيه مره بالعمر ماريد اخلي شي بنفسي
حسن....اي قشمريني
ميس.....ههههههه حشاك حبيبي
ميس.....اليوم عيد ميلاد حسن خابرني
حسن.....مشتاقلج تجين نطلع نروح لبيت عمتي
ميس......لا خليها غير يوم ما اكدر مو من اولها طبه وطلعه
حسن......اوووو نخطبنه ومخلصت
ميس......شويه واخابرك حبي.....سديته وضحكت عليه هذا ميدري اليوم عيد ميلاده ناسي خلي اخابر عمتي اشوف خاف مهند بالبيت
سماهر......ها حبيبتي شلونج
ميس.....زينه الحمد الله ...اكولج عمه مهند وين
سماهر.....موجود ليش
ميس.....مو اليوم عيد ميلاد حسن اريد اسويله مفاجئه
سماهر......شلون مهند هنانه تجين عادي لو ال طالع
ميس.....لا عمه تدرين بحسن ميقبل واني استحي منه دبريها انتي فدوه
سماهر.....دصبري شويه واخابرج.....
ميس.....نص ساعه وخابرتني عمتي
سماهر.....مهند راح يروح يشوف خطيبته ومناكه يطلعون يفترون ويتعسون يتاخر تعاي خلي واحد من اخوتج يجيبج
ميس.....اي هسه اجي وهم اسوي الكيكه يمج
سماهر.....اي زين تعاي
ميس......كملت وطلعت حضرت الكيكه بيت عمتي خليتها بالفرن ورتبت المكان واخذتله هديه ساعه كولش
حلوه وقميص ماوي ......عمتي جابتلي شموع ونفاخ كعدت رتبت الميز شموع وجكليت وسويت ترايفل وعصاير وخليت كم نفاخه بالكاع انفخ وعمتي تضحك عليه......عمه الله يخليج عوفيني اطلع قهري كملت
سبحت وشسورت ولبست نفنوف كصير منفوش من جوه ومخصر من فوك لون ماروني وردانه كيمونه وكعب ومكياج سموكي طلعت وعمتي كامت تهلهل
سماهر....كلللووووش صلوات صلوات
ميس.....عمه شكو عدنه عرس
سماهر.....شوكت ازوجكم واخلص خلصتو كلبي
ميس.....رحت للكيكه طلعتها وخابرت علي وينك
علي.....مختنك كلش راح اطلع وي جماعتي متواعد وياهم
ميس.....لا تعال اني اجيت بيت عمتي متخربطه واجيت وي ابويه
حسن.....شبيه ؟؟؟؟
ميس.....ما ادري شويه تعبانه
حسن......وعمي هسه موجود
ميس.....لا جابلها علاج وراح بقيت بليل اروح اني
حسن.....اوكي ربع ساعه ويمكم اني محتاجين شي
ميس....لا سلامتك....شويه سمعنه صوت الباب طفيت الاضويه وراحت عمتي تفتحت الباب
حسن.....بست عمتي من راسها ها عمه سلامتج الغاليه شبيج
سماهر.....هههههههه فوت جوه فوت
ميس......فات بقه صافن الشموع والنفاخات والكيك واني بقه صافن وضحك
حسن....شكد بشهر اليوم
ميس.....معليك بالاشهر ولا الايام المهم احنه سوه بسته من خده
حسن.....نداريت على عمتي باستني وبستها من راسها هاي الانسانه شما اسوي ما اجازيها عمري كله
ميس....تمنه امنيه وطفي الشموع
حسن.....ليش اني عدي غير امنيه وحده اريدج يمي العمر كله
ميس......دمعت عيوني
حسن.....ماريد تبجي اش اش خلينه فرحانين
ميس....اباوع عليه كل شويه يباوع عليه ويبتسم ميكدر يحجي عمتي كاعده ....بكلبي اليوم ال اطلعك من الضوجه الي انت بيها فتحت اغنيه وعليته وكمت اتمايل كدامه اركص وهو يمسح العرك ويرجع ليوره وعمتي ميته ضحك شويه وكامت اسوي العشه عمتي
حسن....تعاي وج شمسويه اليوم اشتعل عمي
ميس.....خلي البسك هديتك ...لبسته الساعه كولش حبها والقميص كولش عجبه
حسن.....تحرك بكلبي تتمايل واني جد جدي مسموط جريتها تعاي كعدتها بحضني شطالعه اليوم
ميس.....حبيببي شعدي غيرك اذا مو الك البس واسوي لعد المن
حسن....اشتعلو جدي مشعول وهيه بحضني اسولف ولا جنها كيكه طالعه بعدها تحجي بستها
ميس.....كوه وخرته حسن عمتي عيب لاتجي
حسن.....لج يا عمتي مرتي انتي صرتي معليه باحد....ورجعت قربتها وبستها حسيتها اجاوبت ويايه غير عن كل مره
ميس.....جريت نفسي منه كوه لان بديت احس بيه تغير واني ما اكدرله
حسن.....بربج ركصي بعد شويه
ميس....والله خاف تجي عمتي عيب
حسن....خررررب هم كالت عيب
ميس......كمت فتحت اغنيه وكمت اتمايل على كيف واروح واجي يمه وهو عيونه تريد تطلع
صارت ب8 عمه اني حروح اخابر اخويه يجي خاف يجي مهند عيب هيج
حسن.....اني اوصلج
ميس.....ميدرون بيك انت جاي هنانه خاف يحجي بابا
حسن......اوصلج للباب وعمتي ويانه ولو صرتي مرتي بعد ماعدهم حجه بس ميخالف
سماهر.....خلي اكمل العشه واسويلكم لفات ونروح
ميس.....رجعنه للصاله نسولف حسن.....شبيك اليوم ضايج
حسن.....مابيه
ميس......لا بيك ....اذا الي متسولف الي لعد المن
حسن.....اريد نزوج من وكت اخاف من المشاكل واني مناقصني شي البيت وراح يكمل وضيفه عدي وراتبي زين وسياره
ميس......حبيبي لاتستعجل واني ورايه السنه اكملها وانت وراك تكمل بناء وتأثثه
حسن.....وج العمر يركض بينه ماريد اضيع بعد ايام من عمري بعيد عنج
