بقلم ام البنات
سماهر......كتلك معاجبتني تعبانه كولش الي مرت بي مو شويه
حسن.......من يوم الرساله تلفونها مسدود
سماهر......اي حتى فرح مابيها تفرح من التعب الي شافته
حسن.......خابريها عمه احجي وياها
سماهر.....متخابرها انت
حسن.....تلفونها مغلق وانتي تحجين وياها احسن ماريد احجي اني
سماهر......تعال لا يصير بيك شي .....الو هلو فروح شلونج عمه ميس شلون صارت
فرح.....والله عمه متمدده نفس وضعها
سماهر....اطيني احجي وياها
ميس... ها عمه
سماهر.....شلون صرتي
ميس.....الحمد الله سبحت شويه ارتاحيت وكاعده جوه يم اهلي
حسن......كوه اطلع الحجايه منها تعبانه متت قهر كلبي احترك بدي هسه اروح الها
سماهر......دروحي اكلي المعلاك يوميه يجيبه ابوج ومتاكلين
ميس......تلعب نفسي ماريد اكل خلي بلكي لليل اكل
سماهر.....يالله اروح بعدين اخابرج
حسن.....شنو هو بكيفها متاكل شلون هيج يعوفونها بكيفها
سماهر.......عوفها عمه هي تاكل .....
حسن......اني رايح
سماهر....وين
حسن.......ناذر ازور موسى الكاظم اول ما اسمع الموافقه
سماهر......الله وياك اندعيلنه
حسن.....صعدت بسياره واني ممصدك حتى محسيت بطريق .....وصلت للامام اول مدخلت دموعي كامت تنزل حسيت مو دموع تنزل حسيت حمل دينشال من على جتافي اااااااه ياتعب الشفته احمدك واشكرك ربي الف الحمد الله.....بقيت كاعد بالامام لليل ورحت للبيت اطيت خبر لا اهلي واتفقت وياهم اروح نخطبها ودزينه خبر بيد عمتي بالموعد ورحنه
سماهر......حسن كلش خايفه من خوالك من يشاوفون
حسن....عساهم تمالخو خلي اخذ ميس وخلي شيسوون خلي يسوون شعلو اجدادنه شعل
سماهر......هههههههههه اني هم اشتعلت صفحتي شعل من وراكم
ميس.....اليوم يجون يتفقون على كلشي حتى اصير الخطوبه كلبي راح يوكف مدري فرح مدري خوف .....لبست النفنوف الي اشترته عمتي الي الماروني ورتبت شعري ومكياج بسيط
حسن.....سلام عليكم
ابو حسن....سلام عليكم
الو ميس.....وعليكم تفضلو
حسن......السلام ماكو اثكل منه وخايف لا ابويه يحجي شي يخلي عمي يقلب علينه.....كعدنه وامي ومرت عمي وعمتي يسولفون ويضحكون واحنه نكش ذبان 😑ابويه وعمي ساكتين .....احم احم دغيت ابويه
ابو حسن......احنه اجينه بوموضوع عدكم خبر بي جايين نخطب بتكم لا ابنه حسن والي تردون احنه حاضرين
ابو ميس......اني شروطي واضحه وكلتها وصلتكم لو لا
حسن......من رخصتك يابه.....عمي اني طلعت مشتمل من بيت اهلي كاعد ابني بيه مبقه شي ويكمل ان شاءالله مسألت شهر شهرين وميس دراستها تكملها براحتها هيه بقت الها سنه اخير واي شرط اطلبون اني حاظر
ميس......اسمعهم شيحجون واحس رجليه اطك وحده بثانيه من الخوف ....
ام حسن......لعد مشفنه العروس اصدكين سماهر اخر مره شفتها جانت صغيره كولش بالابتدائيه
سماهر......هسه اصيحها وشوفيها.....ميس ميوسه عمه تعاي حبيبتي
ميس......دخلت سلمت عليهم بوستهم وكعدت استحيت اسلم على حسن
حسن......من دخلت اخذت كلبي وياها بعيوني احله ملكه متلحكها بس سوده عليه مبين عليها التعب ضعفانه ....اني اعلمج مسلم عليه بسيط ميس 😡
ميس.....كعدو اتفقو وحجو واني حتى مشلت راسي ابد واذا شلت راسي الكي حسن معصب ...يمه منك ابو خشم اليابس اني اعلمك ابو البوس
حسن......كاعده ولاتباوع اباوع عليها وبكلبي اكول يمه بزونتي فدوه اروحلج واخيراً حصيرين مرتي والله ممصدك
ميس......اتفقو على كلشي وحدد موع الخطوبه واتفقو نبقه مخطوبين لحد ما يكمل حسن بناء واني اكمل دراسه يعني كم شهر
حسن......رجعت واني طاير من الفرحه اريد بس الا يام تمشي ويجي يوم الخطبه ميس ابد مخابرتها ولا هيه خابرتني
وره يومين
حسن.....عمه هاي بت اخوج ولا خابرت ولا سالت
سماهر......تعالي يمي بات اليوم مهند عده شغل تعال نسولف بموضوع الخطوبه
حسن......تنفتح نفسيتي من اسمع الخطوبه ....اي اجي بليل
سماهر.....يالله انتضرك باي.......رجعت خابرت ميس خلي اخوج يذبج عليه حسن راح يجي ومهند ماكو اصالحو فضوها خطوبتكم بعد يومين
ميس.....خابري امي كليلها واني راح احضر نفسي
سماهر......اي زين راح اكولها حتى باجر اخذج للسوك تاخذين شي للخطوبه
ميس......اوكي.....سديته من عمتي وحضرت شغلاتي وسبحت وامي كلت لا اخوي وصلني وصلت حسن ماكو شويه وسمعنه صوت سيارته
سماهر.....روحي للغرفه ميدري بيج
حسن......شلونج عمه هاج هذا صمون حار
سماهر......عاشت ايدك جوعان
حسن......بكيفج.....اكول عمه مخابرتي ميس اليوم
سماهر......بلي جنت احجي وياها
حسن.......ممممم بالعافيه عليج .....شخبارها
سماهر......الحمد الله زينه فرحانه .....اشرت لميس تعاي
ميس.....اباوع من بعيد حسن يحجي وي عمتي ومطيني ضهره عمتي اشرتلي تعاي رحت ......
حسن.......عمه شوفيها خاف محتاجه شي للخطوبه
سماهر......لاتخاف باجر اخذها للسوك
حسن.......لعد جان اجت باتت يمج اليوم وترحون باجر سوه
سماهر......ها ما ادري كتلها كالت اجي بعدين غيرت كالت ما اجي
حسن......خاف سمعت بيه هنانه وما اجت
ميس......ليش اكدر ما اجي
حسن......سمعت صوت ميس ورايه معقوله نداريت.....نسيت كل الزعل والتعب والقهر والاذيه وكلشي من شفتها جيتت بحضني اوووووف منج موتيني
ميس......بس اندار ركضت حضنته وكمت ابجي وعمتي تبجي علينه
حسن......اش اش حبيبي كافي لاتبجي خلصت كلشي خلص ربج فرجها
ميس.......ابجي واشهك مشتاقتله حييل وتعبانه وبعده تعبني اكثر
حسن.....كافي حبيبي كافي انسي كلشي فات
سماهر......كافي تعاي ساعديني بالعشه مو تتحججين
ميس.....اي عمه جايه
حسن......هسه اجي
سماهر.......وين
حسن.....هنانه براس الشارع........رحت شويت معلاك ورجعت
ميس.....مو هذا اكل مسويته عمتي
حسن.....هذا الج حبيبي
ميس......كعدنه ناكل
حسن......اكلي بعد
ميس......شبعت
حسن.......شبعتي شنو المعلاك كله يخلص باعي جوه عينج اسود
ميس.....دا اخذ علاج
حسن.....العلاج ميفيد وحده لازم تاكلين شي يفيدج لخاطري اكلي
ميس......اكلت كومه اكل كاافي حسن بداعتي راح اطك اختنكت
حسن.....يالله اسامحج هسه بس كل شويه تاكلين وجبتلج زبيب هم
ميس.....صار اوامرك تتنفذ
حسن.....لازم معاجبج😒
ميس......ليش هو يصير ميعجبني
سماهر......دا احس نفسي رجل كرسي كاعده هنانه 😑
حسن......شنو اليوم متنامين
سماهر......الله واكبر عليه ساعه9 من هسه تريد تنومني
حسن......لا عليج اني بس احنه دنحجي نكليزي انتي كلشي مبت عفين بالنكليسي
ميس........ههههههههههههه اكوم اسوي جاي احسلي سويت جاي وشربنه وغسلت مواعين وحسن يمي يسولف
حسن.......شعايزج للخطوبه
ميس.....باجر اروح وي عمتي واكمل شغلاتي...انت شراح تلبس
حسن.....اخذت قاط كحلي
ميس....بالعافيه حبي.......بقينه كاعدين لل12شربت الدوه ورحت انام
حسن.....دزيتلها رساله كاعده.....
ميس.....اي داغفي ليش
حسن......تعاي يمي
ميس.......ما اكدر دايخه كولش وعيب من عمتي
حسن.....تعاي وتمددي على القنف كبالي
ميس.......بعد هذيج المره كمت اخاف.....لا حباب ما اكدر باجر نشاوف
حسن.......اني الج😡
ميس......نمت ثاني يوم كعدنه الصبح هو رايح خابرته حبيبي شوكت طلعت محسيت عليك
حسن.....ليش انتي شوكت حاسه بيه
ميس.....يا شبيك
حسن......اكلج تعاي البارحه متجين مو بسيطه
ميس......غير تعبانه
حسن.......لا مو علمود هاي احجي الصدك
ميس......الصدك كمت اخاف منك
حسن......وج شماخذ منج هيه بوسه .....هين مبقه شي وتصيرين مرتي اريد اشوف شلون تكسرين حجايتي ومتجين من اكلج
ميس.....ههههههههه الله كريم بهذاك الوكت تريكت
حسن.......همزين ذكرتيني انتي حتى ريوك ممريكتني لا هاي هيه استفاد
ميس.....ههههههههه والله من ورره الادويه مسطوره
حسن......حسبو حسابي على الغده واني اوديكم للسوك
ميس......اوكي ......سوينه غده وحضرنه كلشي اجه حسن ب2ونص تغدينه وشربنه جاي وراحت عمتي تنام واني اغسل مواعين كملت شفت حسن ماكو اسحبت على كيف مشيت اروح لغرفت عمتي اذا شافني ميفك مني وصلت للصاله جان يجرني
حسن.....تعااااي وين رايحه
ميس......شبيك حسن لاتكعد عمتي وخر
حسن.....ما اوخر تعاي يمي كعدي بين ما اغفه
ميس.....اكعد على القنفه
حسن.....ميخالف
ميس......كعدت على القنفه شو هذا اجه كعد يمي هااا شو هنانه
حسن......شعليج بيه وين اكعد اكعد
ميس......اعرف بي مراح يعوفني .....شتريد
حسن....بوسه😁
ميس......والله موتتني شكد تحب البوس
حسن.......لان احبج يول شبيج
ميس......بداعتي خليها وره الخطوبه ليهسه مقهوره من اخر مره حتى حرام
حسن......لخاطرج اصبر واني خلصت عمري كله صبر ادني خلي اتمدد بصفج
