بقلم ام البنات
سماهر.....حسن عمه كوم صارت دنيا غروب ميصير
حسن.....اي كايم
سماهر.....غسل صحصح اكلك لكمه شنو صايم من جيت لحد هسه
حسن.....كلشي ما اشتهي بس اريد جاي ......كمت غسلت وبدلت
سماهر.....اكلك شي ميصير جاي بدون كلشي
حسن....ما اشتهي من اريد اكل....عفتها وطلعت ادخن بالكراج
سماهر.....هاي شنو من شوكت ادخن
حسن.....مصار هواي
سماهر.....شبيك ابني شو احس غير عن كل مره مو جديده عليك هاي المشكله بس انت هالمره غير
حسن....كعدت وجريت نفس بحصره اااااخ تعبت عمه تعبت
سماهر......اسم الله عليك من الاخ شيوجعك
حسن.....اشرت على كلبي وعقلي هذني موتني كلشي بيه مكسور وتعبان بس عقلي راح ينشل من التفكير وكلبي تعبان من كلشي
سماهر.....انت متعارك وي ميس
حسن......لا ممتعارك بس هيه باعت كلشي
سماهر.....شنو .....ميس تحبك مستحيل تبيع حبك
حسن.....لا عمه صار المستحيل وباعت باوعت بعينها كتلها تكلي كلشي بينه انته وكل واحد بطريق لان تعبت من المشاكل تكول ما اتحمل بعد
سماهر.....هيه هيج كالت
حسن......تكول عوفني تعبت انعل ابو هيج حب ماشفت منه بس الاذيه
سماهر......حبيبي انت تدري بيها دتمر بضروف صعبه وابوها شلون يضغط عليها وهيه بنيه لا حول ولا قوه انت على الاقل تكدر تعبر عن نفسك تحجي الي بداخلك تكدر تواجه ابوك هيه متكدر غير بس تكتم بكلبها اكيد تتعب وتضعف بس مستحيل تبيع حبك اني اعرفها زين
حسن.....اني هم جنت اعرفها بس الضاهر جنت اقشمر نفسي
سماهر.......دذب الجكاره وكوم اكلك لكمه
حسن......من اجوع اني اكل خليني هنانه الهوى طيب واني مختنك
سماهر ......براحتك.......مهند وينك ذب التلفون واطلع يم حسن شويه سولف وياه حاجي
مهند.....شحجي وياه اذا همه اخوتج مجفصين بطنه منو يتحمل هيج
سماهر.....وهاي الرعنه مكملتها عليه
مهند......والله شلعو كلبنه شوكت تفرج مشكلتهم ونرتاح
سماهر.....حسوي عشه واصيحكم بلكي ياكله لكمه .....
مهند.....ماشي ......ها ولك شو كاعد هنا
حسن....مختنك شويه
مهند.....هاي شنو كبرنه وكمنه نشرب جكايره
حسن.....نجب معايزك
مهند.....هونها خويه هونها وتهون
حسن.......ىوالله ياخويه عوجه بعوجه بس شلعان كلب
مهند......كل واحد همه شكل
حسن.....شبيك تتلفت .....هيه مو خطيبتك متروح اشوفها
مهند......ابوهاا ميقبل البارحه جنت عدهم ميقبل يوميه😏
حسن.....اشتعلت ابهاتهم والله موتونه
مهند......والله طكت روحي صار كومه من خطبت واريده بس تفض ماكو
حسن.....شبعدلك
مهند......كومه بعدلي اجهز كاعد اشتغل والم بالفلوس والله كريم
حسن.....شتحتاج اني موجود عاد واحد بينه يفرح
مهند.....اا ان شاءالله ثنينه نفرح.....بس تدري هاي حوبتي شورت بيك
حسن.....ليش
مهند.....لعد بس تحرك كلبي الكيك حاضنها واني خاطب اذا اريد اكعد وياها جيش يدخل يكعد يمنه
حسن.....هههههه خربحظك
مهند.....منى محترك دمي منى انت تحضن ومن بت خالي بدي املخكم ثنينكم
حسن.....ضلعي ابو الغيره
مهند.....والله اطيح حظك بعد اذا شفتك متقرب الها متخلص مني
حسن....بلاغيرتك هسه رحم لا اهلك لان هيه ناشفه عليه من كل جه
مهند.....تفرج ان شاءالله تفرج
حسن.....هههههههههه اكثر كلمه سمعتها بهاي السنتين هيه تفرج
مهند.....ههههههههه وهم اكلك تفرج
سماهر......خلص العشه تعالو
مهند.......يالله اذا متكوم عمتك متطيني عشه واني باجر ورايه طريق لازم انام من وكت
سماهر.....حسن لا اضل تلعب بالاكل اكل
حسن......شبعت الحمد الله
سماهر.....الي ياكل يشبع انت كلشي مكلت
حسن.....دايمه .....اني حطلع اودي فلوس السلفه لولد صديقي واجي ...
سماهر.....بكلبي باجر اروح اطيح حظها هاي ام لسان
ثاني يوم
ميس......هلو عمه شلونج
سماهر....شلونج اخبارج
ميس.....الحمد الله
سماهر......من يكومون تعاي اريدج بشغله
ميس.....اي عمه ......راحو ورجعت يمها شكو عمه شصاير
سماهر......وج انتي شمصخمه شحاجيه وي حسن
ميس......هيج احسن خلي يشوف حياته
سماهر.....يا حيات هاي تعاي شوفي الولد غادي عوده ويشرب جكاير وصارله يومين متعارك وي ابوه وعايف البيت وانتي تتعيقلين براسه شنوصغيره واعلمج
ميس.....شلونه صحته
سماهر.....والله مو زين لا اكل ولا شرب وبس صفنات لو طالع لو نايم ويشرب جكاير بزعان ومتاذي حيل من حجيج
ميس.....شسوي عمه والله تعبت مجاي تنحل
سماهر....وهسه من سويتي هيج نحلت
ميس....كمت ابجي نقهرت حيل على حسن وعلى وضعنه حسيت بالي سويته جرحته حيل وهو خشم ميتنازل واني بعد اتعس شلون تنحل عمه شسوي
سماهر.....كومي امشي ويايه باتي يمي
ميس.....واهلي شكلهم
سماهر....عوفيها عليه
ميس.....ماشي.....شويه اجتي امي وابويه طب وكعدو يسولفون
سماهر......ميوسه متجين ويايه اريد اغسل الزوالي ما اكدر وحدي
ميس.....ما ادري شوفي امي
الام.....روحي وي عمتج قابل شكو خطيه ماعدها احد
ميس.....اني طرت لميت كم شغله الي ونزلت اريد بس اوصل للبيت واشوفه سلمت على اهلي وطلعت والطريق كله عمتي تحجي
سماهر.....الولد تعبان كولش ارحمو شويه تردون تموتونه من كل جها اضغطون عليه كافي ميصيرهيج
ميس.....والله اني هم تعبت شسوي مو بيدي
سماهر......هسه اكيد هو راح يبقه مطنكر حاولي ترضينه انتي حتى لو ميقبل بالبدايه كافي ميتحمل بعد
ميس....والله فتهمت😔كافي هو بلا شي دا اكل بروحي وحجيج زرف كلبي
سماهر....حتى بعد متنعاد
ميس.....والله التوبه اذا اعيدها
