بقلم ام البنات
ميس....حسن تحسن وضعه وطلع
حسن... بالعيد نجي اني وعمتي نحجي وي ابوج اذا قبل اجيب ابويه هم ماريد احطه بموقف محلو
ميس.....الله كريم ....
اجه العيد واجه حسن وعمتي واني اطكطك من الخوف
حسن.....ايامك سعيده عمي كل عام وانت بخير
الاب.....اسعد الله ايامك
ميس.....ابويه يحجي من وره خشمه اول مدخلو اشرلي ما ادخل حتى عمتي مسلمت عليها بقيت بره اصنط ...
سماهر.....خويه هاي ايام عيد ومباركه خلينه نفرح ....ذوله شنو ذنبهم حتى حرام علينه والله
الاب.....هذا الموضوع انسد والي عدي كلته
حسن......عمي انت انسان صايم ومصلي واني من لحمك ودمك اطيني عيب بيه ترفض مكمل وكونت نفسي وحتى بيتها وحد والي تريد واي شرط او طلب اني حاضر بي
الاب.....اسمع ابني وحطها ترجيه باذنك ماعدي الك مره لو اصبها ذهب
سماهر.....ميصير هيج بس هدي اعصابك
الاب....الي عدي كلته وميس خطوبتها سبوع الجاي جماعه جوي عليها واطيتها
حسن....عمي انت شتحجي
سماهر......لا مو هيج الحجي ميصير
الاب.....بنتي وبكيفي مالكم دخل بينه
حسن......وحق الله ميس متصير لغيري اموتها واموت نفسي
ميس.....وره الباب اسمع الحجي عبالك حلم لا مو حلم كابوس بقيت اضرب وجهي اريد اصحه شنو خطوبتي اني ما انخطب لغير حسن مستحيل ....محسيت على شي بس كمت اسمع اصوات وهوسه وناس فوكايه افتح عيني اشوف مغوش
حسن......دا احجي وي عمي وسمعنه طب قويه وفرح اصيح ميس ميس ركضنه لكينه ميس مغمي عليها واكعه ومضروب راسها بطبله ومشكوك حاجبها اني ركضت شلتها وركضت للمستشفى وكلهم ويايه لحد مصحت ميس
الدكتور....طلعو خلي افحصها
حسن......طلعنه
الاب......كله منك شسويت بيها جانت ورده بس تضحك ضحكت عليه ولعبت بعقلها
حسن.....اني لو انانيتكم الي دمرتنه ثنينه متفكرون بس بنفسكم
الاب......امشي اطلع منانه لا بارك الله بيك وبا ابوك
سماهر......كافي بس بيا حال احنه
الاب.....هذوله عالم ماوراهم بس الاذيه وشلعان الكلب
حسن.....سكتت لان بديت افقد وعيب عمي لازم احترمه
الدكتور......راسها خيطناه وصاير عدها هبوط حاد بضغط وفقر دم واصل لل 6 وهذا كولش هواي لازم ترتاح وتتغذه وعلاج نطيها تلتزم بي والاكل لازم يكون صحي
سماهر.....دخلت على ميس اني وامها نحجي وياها مجاوب بس دموعها تنزل شويه وطلعناها بقيت بايته يمها وحسن راح وكل شويه يتصل عليه يطمن عليها
حسن.....متت من شفتها ذبلانه سوده عليه ميوستي وجها اصفر ياروحي بيه ولا بيج ...عمتي تكول كلشي متحجي صار يومين بايته يمها وكلشي متحجي
الاب.....سماهر تحجين وي ميس متواعد وي الناس يجون يشوفونها باجر
سماهر......خويه متشوف البنيه شصاير بيها مو وكتها
الاب....لا وكتها .....لا عبالهم يمشون حجايتهم عليه الي اكوله هو الي يصير
سماهر......البنيه لا اكل ولا شرب شلون يربي راح تموت بس دموع تنزل شحجي وياها.....اذا تريد انت احجي وياها
الاب....وخري اني احجي وياها.....سمعي بنتي اني ابوج ادره بمصلحتج باجر الناس جايين خوش قسمه وخوش ولد ميتعيب واني قابل بي ماريدج تفلشيني باجر
سماهر.....ميس بس تبجي بدون ولا كلمه ابد من يوم الي تخربطت لليوم متحجي بس دموع تنزل حركت كلبي
ميس......طلع ابويه دزيت رساله لحسن (اني وياك مستحيل بيوم نرتبط صح كلوبنه وروحنه مربوطه سوه وصح احبك بس حبنه مصارت اله النهايه الي نتمناها .....لا احنه راح نكدر نكمل هذا الحب ونرتبط ولا احنه مريحين اهلنه والكل خسران بهذا الحب......روح وربي يسعدك ويريحك يا اطيب كلب واحن انسان عرفته لازم تعرف اني مابعتك و لا راح ابيعك ولا بيوم اقبل بحياتي رجال عيش حياتك يا ابن عمي وانساني .....الله وياك
حسن.....لا هاي اكيد تخبلت شنو هو لعب شنو اروح شنو عيش حياتك شنو روحي بيك شنو منكدر نكمل....ادك عليها مغلق دكيت على عمتي سماهر
سماهر.....ها عمه شبيك
حسن.....شنو شبيه ...هاي بت اخوج تخبلت تكلي كلشي انته بينه ربي يسعدك مالنه نصيب....
سماهر.....شوكت دزتلك
حسن....هسه ...باعي عمه هاي تصحه على روحها لا والله اجي اصحيها براشدي شنو هو لعب كل هذا الي شفته وهسه انهي كلشي
سماهر....حسن عوف البنيه بحالها الي بيها مكفيها زين منها وحجت وياك من هذاك اليوم لليوم محاجيه شي واني عايفه بيتي وكاعده يمها ...ارحمها مكافي ابوها والي سوى
حسن....شسوه
سماهر....ما سوه بس كلله اني اعرف بمصلحتج اني اطيتج وخلاص باجر يجون يشوفونج لاتفشليني وهيه بس دموع راح تموت
حسن.......شنووووو شنو شنو بكيفكم تتصرفون والله الدنيا احركها عليكم والله اكلب الدنيا ميس الي ومصير الغيري كليله لا اخوج مو بكيفك مو صغار احنه بس نحترمكم منكدر نجاوزكم
سماهر.....انت صرت عصبي وكمت تخربط اسكت واحنه نشوف شنسوي بس خلي هاي اليومين تعدي لا يصير شي بالبنيه
حسن.....سديته واني اكل بروحي بدي الزم ميس اموتها كتل تخبلت تكلي كلشي انته
ميس.....سديته من حسن ودخلت للحمام ولزمت بطل المنضف اجيت اشربه وانتحر باخر لحضه صفنت شدا اسوي اني شلون اافكر هيج اعوذ بالله من الشيطان الرجيم استغفر الله كعدت بالكاع ابجي واردد استغفر الله استغفر الله توضيت وطلعت اصلي واستغفر ربي على هذا التفكير بلحضت ضعف جان خسرت الدنيا والاخره استغفر الله ربي واتوب اليك ....لا اله الا انت سبحانك اني كنت من الظالمين كمت ما ارتاح ال من اردد هاي العباره حتى من رحت انام بقيت ارددها
ثاني يوم
ميس....اجوي الناس واني احس دا انزع بروح بدلت ونزلت كاعده ودموعي تجري حتى همه انتبهو
سماهر.....سوده عليه راح تموت اباوع عليه عبالك بغير عالم بس دموع تجري لحد موكعت
ميس.....محسيت بنفسي ال يكعدون بيه ...صحيت وامي وعمتي يبجون فوك راسي
سماهر....خلي ناخذها مستشفى
ميس.....اشرت الهم لا
فرح.....خليها هنانه ترتاح
ميس....لليل صعدت لغرفتي نمت بيها تلفوني مذبوب ومغلق من يوم الي دزيت بيها رساله لحسن وسديته نمت كعدت ب8 الصبح عطشانه نزلت اشرب ماي سمعت امي تتعارك ويه ابويه
الاب......محد يدخل اني اعرف اصرف
الام.....اي عرفة تتصرف بنتي اجت تموت حرام عليك البنيه خلصانه هيه عايزه ضعف باع شباقي منها بس هيكل والولد خوش ولد ليش هيج اسوي الدنيا مو بس النه حرام عليك هدي واسمعني لا باجر عكبه نعض اصابعنه ندم انت شعليك بيهم هيه تزوج ابنه وانت واخوك اصرفو مثل الغربه مالك علاقه بيه على الخطبه ويكفي هو راح يجي لبابك يخطب بتك منك شتريد بعد .....لا تستعجل واحكم عليهم وياكلون ذنب مالهم بي حتى الله ميرضاها
انت صايم ومصلي وتعرف الله ليش اشيل ذنبهم اسمعها مني وافق بتي راح تروح من ايدي ما اتحمل والله صار اسبوع لكمه مداخله بحلكها وكلمه محاجيه بس دموع حتى عيونها نعمت من البجي اذا احنه اهلها منحس بيها لعد منو يحس لايروح يوزها الشيطان وسوي بروحها شي
