بقلم ام البنات
ميس....عفتهم وصعدت ودموعي تنزل كمت احس دموعي وبجيي صار عاده عدي
سماهر....همزين كعدتي خلي نتريك سوه
ميس.....اشرتلها لا وتمددت وغطيت نفسي مالي خلك للحجي كرهت كلشي احس حتى لو احجي ماكو فايده لساني مثل الي نعكد
سماهر.....ميس اليوم امج حاجيه وي ابوج
ميس.....بس فتحت الموضوع عمتي عفتها وكمت صعدت ما اريد اسمع اي شي عن الموضوع
حسن......احس روحي محتركه تعبان من كلشي وحشه رغم كل اهلي واصدقائي يمي بس احس وحشه اخبار ميس متسر عمتي تكول لليوم متحجي ومتاكل على الادوي ومنى كلبي محترك شلون هيج تعوفني منى حاير شلون اقنع عمي والمصيبه الي جتني الخطابه الي مو وكتهم
الاب.....صيحولي ميس خلي تجي لغرفتي
فرح.....ميس بابا يريدج.....ميس ميس اسمعيني
ميس.....اشرت اي اسمع بس اريد اوكف احس رجليه مشيلني
فرح......ابقي اني اكله متكدر.....بابا ميس متكدر تكوم وجها كولش اصفر وتعبانه حيل
الاب....اني صاعد الها .....ميس بابا بيج شي
ميس.....هزيت راسي لا
الاب.....سمعيني بنتي اني ما اقبل بالظلم وعمج ظلمني وهاني وتهمني وسواني حرامي ونصاب وانتي بنتي متقبلينها عليه ولهذا السبب اني رفضت الابن يطلع على ابو ماريد بيوم تنظلمين لو تتاذين من شخص عزيز اني مو بس مسألت انانيه وافكر بنفسي اني افكر بيج انتي اصيرين جنتهم وعدهم اني اخو ظلمني وتهمني شلون انتي شلون اامن عليج يمهم كل الي صار وحاولت امنعج بس انتي مصره عليه
ميس.......بس دموعي تنزل ما احس دا ابجي بس هن من وحدهم ينزلون الدموع
الاب.....قهرتني حيل حسيت بيها منتهيه وحسيت بيها شكد تحبه ما اكدر اعاند اكثر اخاف على بنتي لا تروح من ايدي كلشي مباقي بيها رغم خوفي عليها وعنادي خليت ايدي على جتفها...اني موافق بس لا تجين باجر عكبه تكولين اذوني
ميس......معقوله ابويه وافق ما اصدك .....بسبب الي مرينه بي مفرحت خفت من الفرحه خفت لا افرح خاف يطلع حلم.....دنحجي ودخلت عمتي سماهر
سماهر.....تتغدون
الاب.....دزي خبر للجماعه موافقين وخلي يجي ابو بس خلو بالكم مو عبالكم بهيج شغله اسوون صلح تروح الهم جنه مالهم علاقه بينه بتنه تجينه وتروح حدنه وي حسن يجون على كد الخطبه كدام الناس وبس اي موضوع ينفتح للصلح بينه اخرب كلشي وشرطي بيتها وحد وتوصليلهم حجايه ياويلهم مني بيوم اسمع احد ماذيه
سماهر......طول عمرك جبير وفاهم والسويته عين العقل عاشت ايدك وصدكني حسن كد الامان سبع ورجال وكدها واني لو ما ادري بي شنو ما اسعه بيها لان ميس بتي واعز كوم تغده وربك يكتب الي بي الخير
ميس....ابويه طلع وعمتي اجتي حضنتني كامت تبجي
سماهر.....وج ضحكي يمه ضحكي ربج فرجها كافي بجي
ميس....نمت على صدر عمتي وكمت ابجي بصوت عالي وصار هواي مباجيه هيج احس اريد افرغ الي مريت بي وشفته كمت ابجي واصيح بصوت عالي حتى اهلي سمعو ودخلو علينه عمتي اشرتلهم طلعو وطلعو بقيت ابجي بحضنها لحد ما دخت ونمت بحضنها
سماهر.....سوده عليه مردت كلبي هاي البنيه حيل تاذت بجت لحد مداخت ونامت جريت نفسي منها وطلعت اخابر هذاك المسكين وين انت
حسن....وين يعني توني طبيت من الدوام شكو
سماهر.....العصر اريدك تجيني للبيت عدي شغله وياك بعدين احجي عدي شغل هسه
حسن....ماشي اتغده وانام ساعه واجي
سماهر.....ردت اكله وهو كدامي لان ادري بي مقهور من ميس ومقهور عليها لازم اشرحله الي مرت بي حتى يقدر ...سديت التلفون من حسن ورحت لاخويه كتله راح اخذ ميس تعبانه ونفسيتها شويه تتغير ومهند مموجود طالع للحله
الاب.....روحو بس خاف تتخربط خابريني
سماهر.....لاتخاف ماعليها شي هسه حتى اكل اخليها تاكل
ميس.....كعدتني فرح
فرح.....كومي ميس عمتي تريد تكول غسلي وتعاي
ميس....اتجيت على فرح ونزلت دوخه براسي موتتني
سماهر.....سبحي وبدلي وامشي ويايه
ميس.....وين
سماهر.....لبيتي غيري جو مدام مهند مموجود
ميس.....مالي خلك عمه
سماهر.....فروحه جيبيلي ماي بارد....لج حسن راح يجي اريد تجين ويايه
ميس.....ما اجي اكيد ميريد يشوفني
سماهر.....عوفي هذا الخريط وكومي سبحي لانتاخر اريد نوصل قبل
ميس.....عمه ماروح احس حيل مابيه ما اكدر والله
سماهر.....دبقي لعد واني احجي وياه ...رايح اني مع السلامه
ميس.....دخلت سبحت وطلعت تمددت يم امي بصاله احس نفسي جسمي بايد كولش
(بيت سماهر)
حسن...شلونج عمه
سماهر....حبيبي شلون
حسن....عايش ....شنو الاخبار
سماهر كول شخبار ميس وفضها لو خشمك اليابس ميساعدك
حسن......لا عادي قابل شنو
سماهر....حسن ميس كولش معاجبتني
حسن......شلون
سماهر.......لا اكل لا شرب بس نوم وتتجطل مالها خلك كولش وضعفاانه حيل وجها اصفر تكسر الخاطر وكل شويه تتخربط
حسن..... صدك تحجين.....لعد اهلها وين اخوج وينه لو بس يعرف يرفض ويوكف بطريقنه ويريد يزوجها
سماهر......جوي الخطابه وابوها دز عليها نزلت الناس كاعده وهيه دموعها تجري لحد موكعت وتخربطت كدامهم
حسن.....اي خلي يرتاح اخوج خلللللي يرتاح راح يموتنه ثنينه ......والله والله والله ميس متصير لغيري لو اعرف اموتها واموت نفسي .......الي يريده شنو متكليلي شنو اليريده ....
سماهر.....يريدك اصونها
حسن......واني شمسويلها جاي اموتها
سماهر......وبيتها وحد
حسن......عمه لاتخبليني لعد المن اني دا ابني وموت نفسي بشغل
سماهر......ويكول اذا ياذيها موته على ايدي
حسن......ليش هو منو الي ماذيها.....دقيقه عمه شتحجين انتي.....يعني عمي وافق
سماهر......اي وافق
حسن.......صدك تحجين يعني وافق وافق يعنيي اخطبها بعد اصير مرتي
سماهر......اي اصير مرتك وافق بس شرطه بيت وحد وتجون جنكم غربه ميريد صلح
حسن.....عمه صدك تحجين لو تشاقين
سماهر.....والله صدك احجي وحجي وي ابوك ودزو خبر حتى نحدد موعد خطبه ونفضها موتوني وخلصتو كلبي سويتو بيه ضغط
حسن......حظنت عمتي وج عمه صدك تحجين ميس اصير مرتي والله ما اصدك بحلم اني ......احجيلي ميس شسوت
