حسن.....يابه الله يخليك افهمني اني احب البنيه انتو اخوه بينكم احنه شنو ذنبنه
الاب....ذنبك ابني وذنبها بت حسين ....اختار اي وحده تريدها ازوجها الك واحسن عرس اسويلك الا بت عمك
حسن.....اي مو هيه قميص لو بنطرون اختار غيره ....دا اكولك احبها اريدها لو هيه لو ما ازوج
الاب.....طبك طوب لاتزوج ابقه هيج
حسن......يابه اني مو صغير تصرف ويايه هيج اني ابنك ومفروض تفرح والي صار بينكم صار من سنين طويله وانتو اخوه حتى حرام قطع صلت الرحم
الاب.....اي مو اني اصغر جهالك جاي تعلمني الحلال والحرام
حسن....حشاك يابه بس اريدك تفتهمني حتى اعتبرها غريبه واخطبها الي حالها حال غيرها
الاب.....هاي بت حسين لو اخر وحده بدنيا ما اخطبها هاي العايزه اروح ادك باب واطلب بنته ...باع اكولك كلمه ومن الاخير احجيها الك لووتموت لو اخر يوم بعمرك بت حسين متصير الك
حسن......واني اكلك حجايه وحده لاخر يوم بعمري ميس متصير لغيري ولو اخر يوم بعمري ازوجها رضيتو او رفضتو ......عفت ابويه يصيح ويعيط وطلعت من البيت بقيت افتر بشارع تالي خابرتني عمتي
سماهر.....حسن انت وينك امك بالها يمك
حسن....عمه والله طكت روحي والله بزعت شنو ذنبنه احنه لو كاتلي واحد هم مو هيج جزاتي
سماهر.....سوده عليه عمه شبيدي عليكم والله كلبي محترك وروحي لايبه بس هم ثنينهم عنوديين ......تعال يمي حبيبي تعال لاتبقه بشارع
حسن.....خليني هسه مختنك من اريد اني اجي .....بقيت افتر من الصبح لساعه4العصر جانت يوم جمعه وعطله مشايف ميس صار هواي رجعت لبيت عمتي
سماهر....حبيبي تتغده
حسن.....لا عمه ما اشتهي بس اريد بندول راسي راح ينفجر
سماهر.....كول يالله ابني ربك يسهل مو بعيده عد ربك غسل وصلي وهيه تفرج
حسن.....ان شاءالله طلعت عمتي وخابرت على ميس
ميس.....ها حبي شلونك
حسن.....ميس تكدرين تجين لبيت عمتي
ميس.....ما اعتقد اكدر اجي
حسن.....مشتاقلج حيل
ميس....اني هم مشتاقتلك بس حتى مو دوام اكدر امر وابويه كاعد بالبيت....حسيت بصوته مختنك....حسن شبيك حبيبي صاير شي ..
حسن.....مكدرت اجاوبها اختنكت حيل ودموعي غدرت بيه
ميس....حبيبي لاتبجي والله احسك تبجي واني هم كمت اشهك وابجي من القهر شوكت تفرج علينه شنو ذنبنه والله تعبنه هو سمعني ابجي
حسن.....سمعتها تبجي ويايه ....كافي شبيج ما بيه شي بس شويه مختنك وضايج ردت اشوفج
ميس.....منو مضوجك
حسن....تعاركت وي ابويه
ميس....اكيد على موضوعنه
حسن.....ليش هو اكو غيره
ميس....حسن اخذها مني حجايه وداعتك وداعت كل دمعه نزلت منك ما اصير لغيرك لو اموت
حسن.....شكد انقهر واتعب حجايه منها تريحني وكل ما احسها باقيه على وعدها ويايه اصر اكثر على موقفي
ميس.....انت متغدي؟؟
حسن....ما اشتهي
ميس.....بداعتي اكل انت ضعفان هاي الفتره
حسن.....ماريد شي بس اريد انام راسي يوجعني
ميس.....دروح نام ومن تكعد خابرني
حسن....ماشي حبي لا اضوجين عادي
ميس.....انت لا اضوج صدكني تفرج ربك موجود ....سديته وكمت الوب اريد اشوفه شلون خابرت على عمتي
سماهر.....عمه ميوسه شلونج
ميس.....الحمد الله عمه شلون حسن هسه
سماهر....شرب بندول ونام حتى جاي مشرب
ميس....اي خابرني
سماهر.....اني لازم احجي وي ابوج حتى لو يصير عصبي الولد حيل تعب وانتي هم تعبتي
ميس.....كمت ابجي عمه حسن حيل تعبان اول مره يبجي
سماهر.....لو تجين تشوفينه احسن محتاجج كولش
ميس.....والله اتمنه بس دوام وماعدي
سماهر.....خليها عليه اخابر امج واكلها عدي تعزيله وتعبانه اخلي مهند يجي ياخذج
ميس.....شوفيهم بلكي يقنعون ....
وره نص ساعه
سماهر......خابرت امج باجر الصبح يجي ياخذج مهند
ميس.....بس لاتكولين ال حسن
سماهر.....براحتج يالله اروح اصلي المغرب واسوي العشه
ميس.....كمت حضرت هدومي ونزلت امي كلتلي عمتج تريدج باجر سويت نفسي ما ادري ساعدتها بالعشه كملت وصعدت لكيت حسن داك عليه 3مرات
حسن...وين جنتي تدرين بيه اضوج ادك مجاوبين
ميس....حسن غير انزل يم اهلي اساعد امي قابل شلون هيج انت اسويلي مشاكل
حسن....معليج بيه اني ضايج وصارت بوجهج
ميس.....تمون حبيبي ....تعشيت
حسن.....ما اكدر بس شربت جاي
ميس.....بداعتي اكلك لكمه
حسن.....انتي اكلتي
ميس.....ا ا اي
حسن.....جذابه من الاي مالتج
ميس....اذا انت متاكل ما اخلي لكمه بحلكي
حسن.....ام راس اليابس لاتتخربطين
ميس.....كوم جيب اكل واني هم حسوي لفه ناكل سوه والخط مفتوح
حسن.....اكوم لان شيخلصني من لسانج
ميس.....كمت سويت لفه وهو هم وكعدنه ناكل ونسولف وبقينه نسولف لساعه 4 لحد مغفينه والسماعات باذنه ...فزيت على تلفون عمتي ساعه7
شماهر....ميس حضري نفسج راح يجي مهند ياخذج لان عده شغل ضروري مستعجل
ميس.....اوكي ماشي....سديت ودخلت سبحت وبدلت يادوب لحكت 8الاثلث اجه مهند ورحت
مهند.....شلونج ميس
ميس.....الحمد الله انت شلونك عمتي
مهند....زينين بس انتي دتسالين على حسن مو علينه
ميس....شلونه
مهند......ما ادري عفته يحجي وياج ورحت لغرفتي .....بس هو كولش منهار البارحه
ميس.....والله تعبنه ثنينه ما اعرف تاليها شلون
مهند...ما اعرف خوالي ليش هيج ماعندين
ميس.....هذا حظنه غير .....
مهند....يالله نزلي امي نايمه هذا المفتاح اني رايح فوتي وقفلي الباب وراج
