ميس....عمتي فتحت الموضوع وي ابويه وحسن وي ابوه الدنيا نكلبت علينه ورفض من الطرفين ثنينه تاذينه وتعبنه بس رغم كلشي نبقه مصرين على حبنه بقت علاقتنه قويه اني وياه ومصرين على موقفنه ميهزنه شي
مره اغمه عليه بالقاعه مريضه بنسائيه اخذتني صديقتي نور وطلعتني اجرلتلي تكسي وصلتني للبيت ما احجيلكم الي صار والي سواه حسن هو عصبي ويغار كولش الدنيا كلبها عليه
حسن...رحت اشوف ميس مشتاقلها كالو هاي ثاني محاضره تضربها اليوم اني تخبلت وين راحت هاي الدم صعد براسي تخبلت ادك عليها مجاوبني ادز مسجات مجاوب
ميس.....بس وصلت للبيت سبحت ونمت تلفوني مسويته صامت كعدت لكيت 35مكالمه ومسجات كوووومه اني ركضت غسلت وجهي واجيت ادك عليه وياريت ممخابره شسوه صياح وعياط
حسن....وين جنتي وانتي بكيفج تتصرفين شلون اطلعين بدون متكولين بكيفج تفترين بالسوك وشوف وين رايحه
ميس.....هذا كله هو ميدري بيه متخربطه ومريضه .....حسن بس افهمني
حسن.....شفهم افهم اتخمين وتفترين بكيفج
ميس......حسن اسمعني شكولك
حسن.....شتكولين شتبرررين
ميس.....متت من الخوف بس صياح وعصبي ....حسن تالي وياك اسمعني
حسن.....شنو اني كرن كدامج ممعتبرتني ممحسبه حساب الي ابد مو بعينج بكيفج اصعدين تكسيات
ميس....ادري بي عصبي بس مو لهاي الدرجه نقهرت حيل من حجيه كمت ابجي وسديت التلفون بوجها وهو بقه يدك واني ما اجاوبه اخر شي دزيتله مسج حجيتله كل الي صار وكتله اذا مصدك روح اسأل البنات وغلقة جهازي
وثاني يوم مداومت هم جنت تعبانه وهم مردت اشوفه لكيته مسجات على الفايبر والفيس يعاتبني بيها ليش مدزيتي عليه ليش مكتيلي اني اخذج ويعتذر مني اني مجاوبته لان كولش نقهرت منه
حسن....ادك عليها مجاوب وتقره الرسائل متحجي ويايه ادري غلطت بس اني دا اتعرض لضغوط ابويه احاول وياه ومشاكل البيت من وره عنادهم ونبي اجيت لكيتها ماخذه تكسي ورايحه فار دمي فقدت اعصابي وياها للضهر دكيت عليها مجاوبت دزيتلها رساله اذا مجاوبين هسه اجيج لبيتكم والله العظيم اسويها
ميس....يمه هذا مخبل يسويها رجع دك عليه فتحت بس محجيت كلشي وياه بقيت ساكته
حسن.....الو الو ميس ليش محجيتلي الي صار
ميس.....حيل نهضمت وكمت ابجي
حسن....تخبلت من سمعتها تبجي ....وج ميس والله مو بيدي دمي فار سمعت ضاربه المحاضارات والبنات كالو صاعده بتكسي تخبلت مدري شصار بيه
ميس.....حسن شنو انت ماعدك ثقه بيه اذا ماعدك كول حتى من هسه كل واحد بطريق اهم شي الثقه عدي تشك بيه شنو سامع شي شايف شي عليه هيج تصرف ويايه هذا الحجي اشهك وابجي
حسن....روحي انتي لا سامع شي ولا شايف شي اشك بنفسي وما اشك بيج بس والله فقدت اصرفت بدون ما افكر لا ازعلين عليه
ميس.....حسن خليني ارتاح تعبانه موتتني يوميه مطلعلك سالفه تعبت اعصابي والله موتنني بغيرتك
حسن....براحتج....سدته منها ادري بنفسي غلط بس خليها على راحتها ما اخابر بلكي باجر اداوم واشوفها
ميس....ثاني يوم داومت عادي خلصنه اول محاضره وطلعنه وي مطلعت خابرني حسن وين انتي كتله حروح للكافتريه كال جاي
حسن....لحكتها للكافتريه كاعده وي صديقاتها اشرتلها تعاي كعدنه على ميز وحدنه ....شلون صرتي
ميس...الحمد الله
حسن....ادري بيج بعدج زعلانه وكلبج شايل عليه عذريني بس هاي اول مره بعلاقتنه اسوين شي بدون علمي وبالاخص هاي المره طالعه بدون متكليلي تدرين الوضع مو زين وكلشي يخوف جان كتيلي اني اوصلج للباب
ميس....اني مجنت بوعيي وصار عدي اغماء وحاره البنات غسلولي وطلعت بسرعه منتبهت لكلشي وصدقتي اخذتلي تكسي اذا متصدك انتضره هسه حصيح البنات واسمع منهم
حسن....جريتها من ايدها كعدتها.....اكعدي وبلا خبالج كعدي وسدي الموضوع بعد كافي لاتلحين
ميس.....بقيت ساكته وهو يباوع عليه
حسن....لج مشتاقلج بكد رحمة الله يا الشالعه كلبي
ميس.....ههههههه بهاي المناسبه اعزمني على كص وعصير
حسن.....اوووووو كومي وروحي لصديقاتج بس خصاره
ميس.....اي رايحه
حسن.....شبيج مصدكين كعدي اشاقه
ميس.....ممتحمله شقه
حسن.....مدام بعدج شويه زعلانه وشايله بكلبج فد مره خليني اكتها الج
ميس.....شكو
حسن.....ماكو اضيك من هاي التنور الابستها انعل دينارج اذا لبستيها بعد
ميس.....كول ماريد اعزمج
حسن.....اي مو اني ميس حتى اغلس كايم وهاي التنوره متنلبس بعد 😒
ميس.....والله موتني بغيرته اكثر مشاكلنه من وره غيرته بس ارجع واكول الصدك حبيته من غيرته وشخصيته احب حتى عيوبه
حسن......ها حبيبي وين صافنه
ميس.....صافنه بخبالك
حسن......اكولج ترحين لبيت عمتي اليوم😉
ميس.....لا ما روح من انت هناك بعد كافي الي صار هذيج المره
حسن......سكتي ولج كل ما اذكر مدري شيصير بيه ...اووووف ربي شوكت تفرجها علينه
ميس.....اني تعبانه بس اجيت علمودك والله
حسن......فدوه اروح لهاي الخدود الله يخلي مودج يارب.....عدج محاضرات
ميس.....اي عدي بعد محاضره
حسن......يالله اني هم عدي محاضره خلي نكوم ونشاوف من نطلع تبقه على التلفون واذا ردتي شي خابريني
ميس.........اكدر ما اخابرك على الي سويته؟! بعد حتى من اعطس اخابرك
حسن..... عود تضرب بساميره 😑
ميس......رحت محاضرتي وهو هم راح بالمحاضره وكل شويه دازلي رساله مشتاقلج لو غزل لو يضحكني كملنه محاضره وطلعت بقه ينتضرني وصلني للخط
حسن......حسبي حسابج باجر نتغده عد عمتي😉
ميس...من ارجع اخابرك روح هسه
رجعت خابرته حسن فدوه بعد ما اروح شفت هذيج المره شصار واستحي من عمتي عيب
حسن......عمتج متنتبه تدرين بيها بعدين لازم تفهمين شغله اني اخاف عليج اكثر من روحي مستحيل اذيج بس مشتاقلج نكعد نسولف بداعتي روحي ويايه
ميس.....الله كريم ...ثاني يوم خلصنه دوام ورحنه بيت عمتي وجان مصطفى ابنها بالبيت تغدينه وشربنه جاي وحسن يحوص
سماهر......حسن كام يحوص يحب يكعد وي ميس وحدهم خطيه هم يحب يسولف وياها ....والله هذوله الثنين موتيني قهر شلون راح احلها وياهم ......مهند ماما جيبلي هذا الدوه خلص ولازم اشربه وره الغده
مهند.....ماما ماكو صيدليه مفتحه
حسن......اكو صيدلية الشفاء بس بعيده
مهند.....ماشي دليني اروح عليه بس مو اجي الكيك رايح
حسن......لا وين اروح
مهند.........اوكي ناخذلنه داس دومنه
حسن...... امك راح تتخربط روح
ميس.......عزلت المطبخ طلع مهند وحسن وعمتي كاعدين بصاله دا اعزل الستكانات محسيت ال حسن حضني حيل من وره ....عزززه وخر لاتجي عمتي
حسن........اش اش عمتي نامت دفنت راسي بركبتها اشم ااافيش يا ريحتج شوكت اصيرين مرتي حلالي من احضنج ومن ابوسج براحتي مخايف لا من حرام ولا من غلط ولا من بشر
ميس.......نداريت عليه ولزمت ايده وعيونك كلشي ينحل بس اصبر شويه ....ما استاهل الصبر
حسن......اصبر عمري كله بس اصيرين مرتي تعاي احضنج
ميس.......حضني حييييل واني هم حظنته حسن احبك لاخر نفس بيه
حسن........احبج واموتج بيج ياروح حسن
ميس........ضايجه لان راح تتخرج وتعوفني
حسن......وعيونج كل شويه اجيج ونشاوف هنانه وندعي ونكول عسى ولعل الله يهديهم وتفرج علينه
ميس.......يارب الله يسمع منك
حسن.......وعيونج هاي المدوختني ما ازوج غيرج لو اعرف اموت
ميس.....كامت دموعي تنزل
حسن.......شبيج حبيبي ليش تبجين
ميس........حسن تعبت احنه شنو ذنبنه هم بينهم احنه شكو حسن اني احبك واخاف لا هذا الحب ينهدم بسبب خلافهم
حسن.......مردت كلبي وحسيت بعيوني دمعت لزمتها وبستها من شفافها حييل اريد ابرد ناري بيهن
ميس.......باسني حيل وطول اخرشي دفعته اريد اجر نفس اباوع عليه كله يرجف وعيونه مره على عيني ومره على شفافي
حسن.......دفعتني واني احس اريد ابوسها بعد مشبعان منها بنفس الوكت احاول امنع نفسي بس مجاي اكدر دفعتها حيل على الثلاجه وبستها وحضنتها حييل لحد محسيتها انتهت
ميس...حباب كافي وخر
حسن......تعاي كعدي هنانه ....اباوع عليه شكلها يموت وهيه ذايبه .....اطيتها ماي وكعدت على الكرسي انتجيت وذبيت راسي ليوره.......والله تعبت ياربي افرجها مو بيعده عدك
ميس......حسن اليوم عمتي هم كالت راح تحجي وي ابويه
حسن......اني هم راح احجي وي ابويه بعد ميفيد ادز عمي اريد اشوف لشوكت هذا عنادهم
ميس.....طبعاً الموضوع نرفض من الطرفين ابويه وعمي ونقهرنه كولش بس كلنه فتره تفوته ونرجع نفتح الموضوع التهين بالمتحانات النهائيه
حسن.....ميوسه امشي نروح لبيت عمه اليوم اخر يوم امتحانات ومهند طالع بشغل
ميس....اوكي خابر عمتي
سماهر.....هله حبايبي شلونكم عمه
حسن ....تغدينه لا
سماهر.....يمه شعدي غيركم اغديكم هو اني ضايجه وحدي
ميس....مهند يتاخر....
سماهر.....اي ميجي اليوم يمكن
ميس.....خلي نحجيلكم على مهند شويه طبعاً مهند ابن عمتي شغله حمل ينقل بضاعه من المحافضات اكبر مني ومن علي حباب ورده مال الله اخلاقه كلش حلوه يحب بنيه جوارينهم وخطبها بس بعده ميزوج هسه ديكون نفسه هو سبع ومعتمد على نفسه بكلشي وعمتي فرحانه بي ماعدها غيره اكمل الكم شصار بهذا اليوم
حسن....عاشت ايدج عمه الاكل طيب
سماهر....الف عافيه اني اروح انام
حسن.....روحي عمه
سماهر.....حسن بعد عمتك اريدك عاقل
حسن....عمه صدك جذب شتدرين بيه روحي لايضل بالج
ميس....حسن يحجي ويه عمتي ويغمزلي
حسن....ميوستي سويلي كهوه
ميس....اي حبي صار كمت اسوي كهوه محسيت ال حسن حضني من وره ....عززه شدسوي وخر
حسن....شبيج مو عمتي وصتني اصير عاقل
ميس....وهيج عاقل
حسن.....اي عاقل
ميس.....ما احس ال الباب مال مطبخ نفتح نباوع مهند يباوع علينه ويخزر بينه اني ركضت يم عمتي متت من المستحه
حسن.....اكعد مهند احجي وياك
مهند....شتحجي ....حسن شنو هذا الخبال
حسن.....اني وميس بينه علاقه واحد يحب الثاني وبحكم المخطوبينه بس تعرف مشاكل ابهاتنه وقافلين ثنينهم ميقبلون يطونها الي ولا ابويه يقبل اخطبها
مهند....لعد شلون تبقون هيج
حسن.....والله ما ادري تعبنه ثنينه
مهند.....اني احاول احجي وي خالي عسى ولعل يسمع مني بس انت هم اضبطها لروحك شويه
حسن....ها اا اي اي هيج صارت صدفه
المهم اني راح احجي ويه ابويه
🌷🌷🌷🌷🌷🌷🌷🌷🌷🌷🌷
ولا يكعد راحه ابو البوسه شهرنه 😂😂😑
