حسن....روحي طلعت شفتها تضحك وي الولد مدري شصار بيه محسيت على نفسي ال واكف واصيح عليه ....
موكلتي حروح خلصت محاضرات شعدج واكفه هنا
ميس....اني كمت ابجي من الفشله بس الطلاب الي ويايه صاحو بيه اني كتلهم ابن عمي حتى لايفتهمون غلط عفتهم ورحت
حسن.....عافتني وراحت حسيت على نفسي شسويت اني اوووو شلون هيج افقد واعيط بيها فشلتها بس شسويلها متحس موتتني وتضحك وي الولد فار دمي ركض وراها ميس ميس اووكفي بس احجي وياج ميس بس سمعيني صرت عصبي عطت بيها اووكفي
ميس....من الخوف وكفت نداريت عليه شتريد حسن موفشلتني كدامهم
حسن...تعاي اني اوصلج
ميس...لا ماريد عدي خط اروح وياه
حسن....ميس لاتعاندين عدي حجي وياج كعدي هنانه هسه اجي ...رحت جبت عصير وماي ....غسلي وجهج
ميس...غسلت وجهي هديت شويه وخابرت البنات كتلهم روحو اجه اخويه عليه
حسن.....تعاي صعدي
ميس.....صعدت وهاي اول مره اصعد وياه وما اباوع بوجها ابد ضايجه منه على الموقف الي خلاني بي
حسن....هديتي ؟؟
ميس....هزيت راسي اي وما اباوع عليه وجهي على الشباك دايرته
حسن... من احجي وياج جاوبي...
ميس.....اي
حسن.....شعدج اضحكين وي الولد
ميس...اني مضاحكه هم والبنات يسولفون ويضحكون يشاقون بينهم اني ابتسمت شصار قابل نكلبت الدنيا
حسن...تسأليني شصار وج نار شبت بيه من شفتج اضحكين وياهم ادري شنو انتي ماعدج احساس صار فوك السنه محسيتي بيه احبج واغاار عليج
ميس....كال احبج ممصدكه مدري اضحك مدري افرح مدري ابجي طارت روحي
حسن....اوووف واخيراً طلعت مني بقيت ساكت شويه انداريت عليها ميس احبج والله واغار عليج من كلشي الي بدر مني بدون قصد بس فقدت والله مو بيدي
ميس.....بقيت ساكته ودموع بعيني
حسن....انتي شنو
ميس....شنو شنو ؟؟؟؟
حسن....تحبيني؟؟؟؟
ميس.....ابتسمت ونزلت دموعي من اول مره شفتك بيها
حسن.....الحمد والشكر مي بارد نزل على كلبي
ميس...بقينه علاقه اني وحسن بجامعه كلهم يعرفون بي ابن عمي ومخطوبين اني كولش اغار عليه حتى بالفيس اذا وحده تعلق او اسوي لايك ادقق واسأل منو هاي يكول بنات خالتي احب عقله وثكله مو زعطوط سوالفه ثكيله واخلاقه كولش عاليه حباب بشكل مو من نوع يتحارش بالبنات ماعده سوالف مكسره واثقه منه بس من حبي اله اغار مو بيدي
حسن....التهينه بدراسه واني اخر سنه وعمتي سماهر احجيلها كلشي وميس هم تحجيلها تدري بينه وبحبنه بس مابيدها شي اسوي التهيت بدارسه بس ماكو شي يلهيني عن ميس
ميس.....قربت نهاية السنه واني مقهوره لان راح يتخرج ويعوفني
حسن......ميوستي شوفي شجبت
ميس......شنو؟!
حسن........هاي حلقات الي والج تبقه عدنه لحد ما الله يهدي اهلنه
ميس.........حسن تجنن كولش حلوه
حسن..... باجر حفلة التخرج تحسبين حسابج تجين ويايه
ميس.....عفت المحاضرات ومن الصبح بقيت وي حسن تونست كولش وعرفني على البنات الي وياه كلهم حبابات ويدرون بينه مخطوبين بقينه لحد ساعه3 حسن اني حروح تاخرت كولش
حسن....انتضري اني اوصلج
ميس....اوكي صعدنه بسياره وبقينه نضحك على المواقف الي صارت بينه اليوم
حسن.....تضحك روحي اطير وي ضحكتها وخدودها لزمت ايدها حييييل احبج ميوسه حيل احبج بستها من ايدها
ميس.....بقه كل شويه يبوس ايدي واحسه فرحان ....شو شال التلفون وخابر عمه سماهر
حسن.....حسيت بعدني مشبعان من شوفتها خابرت عمتي ها عمه شلونج مهند شلونه
سماهر.....هله بحسون حبيبي شلونك
حسن.....عدج غده اني وميس
ميس.....يمعود اهلي كل شويه يخابرون عليه تاخرت تره
حسن.....هسه اخلي عمتي تخابرهم ....عمه خابري بيت عمي كليلهم ميس يمج عود انتي مخابرتها ومشتاقتلها
سماهر.....اني مشتاقتلها لو انت ابو الدكايك شناوي عليه
حسن.....هههههههه ناوي اتغده من ايدج الحلوه
ميس....هلو عمه شلونج
ساهر....حبيبتي مشتاقتلج
حسن....لعد وين مهند
سماهر.....راح يصلح سيارته عاطله
ميس.....تغدينه وي عمه سوالف وضحك
حسن...ميوستي جاي من ايدج
ميس....اني رحت سويته من رجعت سمعت حسن يحجي وي عمتي
حسن...عمه البنيه ديخطوبنها هواي حلوه وعليها العين لازم استعجل بموضوع الخطوبه واني هم راح اتخرج مبقالي شي واني هم احبها اريد اطب اطلع وياها اريد اخطبها رسمي حتى بعد براحتي طكت روحي تره
سماهر....انت تعرف الي بيها هذوله شيقنعم متكلي
حسن.....ابويه عليه وعمي عليج نحاول نعجل حتى لو بس نعقد وخلي تكمل كليه على كيفها
سماهر....عمك قافل كولش على الصلح هذيج المره بس فتحت الموضوع كب بوجهي واني سكتت خفت لايصعد ضغطه احاول لخاطركم شنو ذنبكم انتو
ميس.....اني دخلت همه سكتو شربنه جاي
سماهر.....اني بعد ما اتحمل نسطرت حروح اتمدد
ميس.....بقينه نسولف اني وحسن شويه
حسن.....ميوستي جيبي مخاديد ثنين خلي نتمدد تعبنه اليوم
ميس....اي صارت جبت مخده وحده تفضل
حسن.....شو بس وحده انتي متتمددين
ميس.....لا
حسن....ههههه بكيفج
ميس.....اباوع عليه تمدد وغمض عيونه واني بقيت اتمعن بملامحه وشكله
حسن.....شبيج اتباوعين عليه
ميس.....يمه وين شفتني انت مو نايم
حسن.....اني اشوفج بكلبي مو بعيوني
ميس...خجلت كولش ...فتح تك عين كلي
حسن.....عود صدك وين هديتي مال تخرج
ميس.....هههههه والله ناويه اجيبلك هديه من اطلع بس مصارت
حسن....لا لا ماريد هديه ماديه
ميس...لعد شتريد
حسن.....اريد هديه معنويه
ميس....هديه معنويه ويضحك افتهمت يريد بوسه....لا عيني ماديه تستفاد منها
حسن....ابد ما اقبل غير الهديه الي ترضيني ....بداعتي ميوستي بس بوسه وحده راح اموت عليها والله
ميس.....معقوله حسن يتوسل على شي ......حسن عمتي موجوده عيب
حسن....عمتج بسابع نومه حبابه دتعاي
ميس....حسن وكبريائه وشخصيته يتوسل مو طبعه مردته يتوسل حتى بيه احب رزانته وثكله.....اوكي بس بوسه وحده مو تطلع عينك
حسن....دتعاي مو شلعتي كلبي
ميس.....دنجت عليه بسته من خده عسريع وخرت شو هذا جرني
حسن.....جريتها عليه وكعت على صدري ....هاي متسمه بوسه شنو تقشمريني
ميس....جرني وحضني حييل وهو مغمض عيونه اني هم حضنته سحبني ونومني على ايده وجهي بوجه بقت عيونه بس تباوع حسيت بجسمي بي رجفه وحسيت بجسمه يرجف مد ايده على وجهي وبقه يتلمس بملامحي لحد موصل لشفافي بقه يتلمس بيها ونزل عليها يبوس بيها على كيف وبرقه انتي انتهيت مدري شصار بيه شويه وواني هم بسته هو تخبل من بسته صار غير شخص بسرعه نكلب فوكايه وكام يبوس بيه حيل وعنف ميدري منين يبوس من خدودي وشفتي ونزل على ركبتي اني اول مره اعيش هيج احساس ذبت انتهيت شو هذا راساً كام وعيونه دم وجه مينوصف
حسن......متت بيها وبعطرها وبحنانها ومن باستني مدري شصار بيه تخبلت عليها اريد اكلها كزكزت عليها يمكن حتى اذيتها احس اريدها صرت عنيف وياها ولحضه حسيت على نفسي دا افقد السيطره على روحي كمت بسرعه منها ......ميس بسرعه كومي من يمي
ميس......كمت بسرعه من يمه وابتعدت بقيت اباوع عليه شكله كولش تعبان
حسن....جيبيلي ماي
ميس......رحت اجيب ماي وغسلت وجهي اريد اصحه مدري شصار بيه وتقصدت اتاخر شويه لان حسيت بي راح يفقد السيطره على نفسه والصراحه اني هم خفت من نفسي لا ما اكدر امنعه
اخذت الماي ودخلت مستحيه منه ومن الي صار اخذ الماي شرب ماي ومسح وجها بالكلينس
حسن....اتنهدت حيل ....كتلها كعدي ليش واكفه
ميس....كعدت بدون ما احجي كلمه وحده
حسن....ميسه احنه شوكت نزوج اني اريدج يمي والي بعد ما اتحمل
ميس....شبيدي اني غير ابويه وابوك معاندين
حسن.....ميس اني حجيت وي عمتي تروح لا ابوج واني احجي وي عمي هيثم يروح لا ابويه كافي تعبت مو وضعيه هاي لشوكت نبقه هيج
ميس.....الله كريم كلشي ينحل بس لا اضوج وانت اليوم فرحان بتخرجك لاتخلي شي يخرب عليك
حسن.....اكو شي ثاني فرحني اكثر بس بالاخير دمرني هههههههههههههههههههههههه
