بقلم ام البنات
ميس......لمينه كلشي ورتبت البيت وطلعنه عمتي سوت النه لفات بسياره اكلناهم وصلوني وراحو .......مشت الايام وبده الدوام وحسن كمل بناء وبدينه نجهز بالبيت اثاث وهاي السوالف الي نكدر عليه شويه شويه وزواجنه صار بنصف السنه وهسه موعد زواج مهند بدلت ورحت للصالون وطلعت كولش حلوه ودزيت صوره لحسن رجع خابرني
حسن......اووووف اوف يعني يصير هيج ليش الله محمد يقبلها
ميس......احنه صبرنه صبرنه مبقه شي حبي
تسريع الاحداث
حسن.....لكيت تخم كولش حلو بس غالي ادبر بالقصاد
ميس......حبيبي والله ميهمني كلشي اهم شي انت يمي
حسن.....واني احبج اريدلج الاحسن
ميس.....براحتك حبي ......سوينه النيشان ولبست بدله كصيره مكسمه ومخلعه على كولت ابو البوس حسونتي وحسن بيومها كاعد على اعصابه .......خلص النيشان واحنه بين فرحه وبين خوف لا تصير مشكله فترت الخطوبه ابويه وعمي ابد مشاوفو ذيج حسن جان كول ميجي يكعد يسولف وي ابويه شويه وبدت العلاقه بينهم تتحسن اكثر من قبل لان ابويه جان ضايجه منه بنضره هو ضحك عليه وجان خايف منه بس وي الوكت ابويه بده يحبه لان شاف تصرفاته واحترامه وخوفه عليه ....
كتسريع للاحداث
ميس......باجر الحنه واني بس اركض وحسن مشايفته صار اسبوعين لان هو ملتهي واني ملتهيه اكثر منه .....سوه حنه لاصدقائه بالحديقه مالتهم واني سويت حنه بسيطه ممصدكه احس نفسي طايره صفنت شويه معقوله تحقق حلمي معقوله راح اخذ الي احبه ممصدكه اليوم حنتي راح ازوج حسن ....بعد ما جنت اشوف كل ثنين يزوجون جنت ابجي على حظنه وانقهر كلش هسه تحقق الحلم الف الحمد الله والشكر ربي تممها عليه واسعدنه وابعد عنه كل هم وغم .....لليل اجوي يحنونه
حسن......اشتعلت صفحته تردين تموتيني شطالعه تره تعبت ما اكدر اصبر اكثر
ميس.......كوم روح اهلك راحو عيب
حسن......ماروح اذا ما احصل بوسه
ميس.....والله موتتني بالبوس منانه العالم
حسن......وشنو يعني انتي مرتي كومي لغرفتج واني الحكج
ميس.....لا عفيه انت صدك تحجي
حسن.....باعي هسه انتي مرتي لازم اسمعين كلمتي حجيت حجايه وحده متصير ثنين كومي كدامي
ميس......اي كايمه......صفنت على روحي يا هاي شنو شو كمت صدك عزه بعينك خوفني.....شويه ولحكني
حسن......اموت عليج من اسمعين كلام
ميس.....مو عبالك خايفه منك بس احترمك
حسن...... واني كايلج خافي مني
ميس......لا كلت خاف ت....
حسن.....بس تلغي واني صبر ماعدي لزمتها وبستها...اموت عليج
ميس......حسن كافي روح منى العالم عيب
حسن......اي رايح ...طلعت ورجعت اريد بعد بوسه
ميس.....يمعود دروح عيب العالم
حسن.....دا اكولج تعاي......حظنته وبستها ورجعت خليت راسها على صدري مبقه شي حبيبي مبقه شي بس كم ساعه وتجين يمي صدك ما اصدك شوكت تجين يمي وما افكر بالوكت لايخلص وترحين تجين يمي بعد تبقين كدام عيني اطب واطلع اشوفج كدامي ااااااه تعبت حيل
ميس......اموت عليك ياروحي هانت مبقه شي اصبر باجر واجي يمك ومحد يكدر ياخذني
حسن.....يالله حبي طلعي للناس واني رايح لان تعبت وباجر ورايه جهد يراد راحه😈
ميس.....بدت الخباثه مالتك....تره ابطل
حسن.....اكو وحده تبطل اموتها
ميس.......راح حبيبي وطلعت يم اهلي خلصت الحنه والكل راح واني سبحت وكعدت اراسل حسن لحد 2ونص غفينه ثنينه من التعب
يوم العرس
ميس.....الحذاء فرح لاتنسينه والبركع
فرح.....وج ميت مره سالتيني خليتهم والله منسيت شي
سماهر......روحي عمه واذا ناسيه شي اني اجيبه
ميس......اوكي باي .....صباح الخير حبي
حسن.....صباح النور حياتي شبيج مخبوصه
ميس.....مابيه بس خايف لاناسيه شي
حسن.....لانخافين
ميس.....نزلنه للصالون اختارينه تسريحه ومكياج والبدله اجنن اختاره حسن على ذوقه واني هاي االفتره شويه سمنانه جسمي وشكلي احله رجع الدم بوجهي
فرح.....ميس هذا تلفونج حسن يدك
ميس....اي ...الو ها حبي...ليش تعبت نفسك جان دزيت فرح نور
حسن.....لا حبي عادي بس خلي يطلعون
ميس.....فرح طلعي لحسن جايب غده النه
فرح......اي والله وكته متت جوع
حسن......حبي تغدي مو متاكلين ونبي جيت اتغده اجيتي بالي لاتتخربطين
ميس....لا اكل والله
حسن.....شكد بعد الكم تره القاعه مفروض 5 تبدي الحفله
ميس....مبقه شي شغلت ساعه
حسن.....اوكي كملي وخابري
ميس.....كملنه وخابرت حسن اجانه لابس قاط يجنن طالع من فدوه رحتله وهو شافني بقه صافن نزل من السياره وصعدني وبس يباوع ميكدر يحجي البنات ويانه ....
رحنه اخذنه صور حتى لا وي الهوسه وحدنه رحنه وكل صوره نطكه يشاورني مرتي لو احبج لو يباوع عليه يكلي شيخلصج مني اليوم واني اضحك عليه وعلى سوالفه .....
بطريق دنرجع خابره مهند
مهند.....ولك شو تاخرت وينك
حسن.....جنه ناخذ صوره هسه ارجعها لبيتهم واجي
مهند......ها سهله عبالي اخذتها وطلعت كبل للفندق ادري بيك ما تلزم روحك
حسن......ههههههه اجيت اسويها وربك .....زين اكلك ميصير ابقه انتضركم يمهم وانتو تجون
مهند.....انت مخبل المن نزف لعد ابوك
حسن.....اي زفو ابويه على عمي وخلوهم يتمالخون ههههههه
مهند.....ولك اسكت خلي تعدي على خير
حسن.....اي وربك بلاعيمي طكت احجي وي امي واوصيها تهدي ابويه كون ميحجي حجايه .....يالله روح هسه شويه وجاي
ميس.......كملنه ورجعني للبيت وراح هو حتى يجي وي اهله
سماهر......كللللوووووووش يم فدوه صلوات على النبي
ميس.....عمه وين بابا
سماهر.....ابوج اليوم يتعارك حتى وي روحه ودمعته بعينه وكاعد بالغرفه امج كالت حروحله حتى يبدل عيب حيجون الناس
ميس.....خابرني حسن يكول جوي بطريق....
سماهر.....هله بيهم ماعدنه شي
ميس.....كاعده وسمعت صوت المزيقه يمه كلبي راح يطلع من مكانه صفنت على نفسي شداسوي اني وين رايحه يمه راح اعوف بيت اهلي....يا هاي شبيه دا احجي اني هذا حسن حبيبي الي نشلع كلبي علموده ....بس ليش هاي الرجفه الي بيه ليش هذا الخوف .....صارت هوسه ودخلو كلهم اجه حسن كعد بصفي
حسن.....يالله حبي كومي
ميس......رحنه للقاعه وجانت الحفله كولش حلوه حسن معزم جماعته لان سوالهم حنه بالبيت وتدرون بغيرته مرتد احد غريب بس عوائلنه وصديقاتي بابا مقبل يجي بس زفوني ودخل للبيت سوده عليه شكد بجه تونسنه كولش الحفله جانت كولش حلوه والاحله جان حبنه الي توجنها بزواج والوعد الي بقينه عليه
حسن.....زفونه للغرفه وجلبو يمعودين طلعو محد يسمعني لزمت مهند لك طلعهم لا افشلكم والله
مهند.....اسويها
حسن.....فدوه لكلبك ابو الغيره مو ازوجة بت خالك وفيت وياها واني حباب سويلي خدمه واخذهم وطلع
مهند.....اااي طالع ....يالله ياجماعه العرسان تعبو خلوهم يرتاحون....يالله مع السلامه
ميس.....حسن صاح عمتي باسها من راسها وايدها وتشكر منها على كلشي سوته لنه
ميس....سدو الباب واني كمت اطكطك
حسن......شبيج حبي على كيفج ما لازملج السيف
ميس....لا عادي مابيه شي
حسن.....خلي نتوضه ونصلي
ميس......ماشي .....مسحت المكياج وبدلت وصليت وراها دخلت اسبح وحسن خابر جابوله العشه
حسن....يالله حبي فضيها تاخرتي متت من الجوع راح اوكع
ميس....طلعت لبست سيت كيبور ابيض بدون روب
حسن......اي خبليني بعد اني عايز
ميس.....بس خلي نتعشه جوعانه
حسن.....اي حبي تعاي نتعشه بس قبلها اريد بوسه
ميس.....اويلي عليك كون تشبع بوس
حسن.....ليش هو ينشبع منه لو ينشبع منج
ميس.....تعشينه وكعدنه نسولف ....ولك والله ممصدكه واخيراً ازوجنه
حسن.....عفيه اخاف لاتحجين هيج استحي
ميس.....ههههههههههه اموتك اليوم شراح يخلصك مني
حسن.....ميوستي مو كافي تره صبر مبقه عدي تعاي
ميس.....رجعت الرجفه والخوفه
حسن......باعي مو عبالج اسوين هيج اعوفج لا والله كافي صبرت هواي ......
ميس....... حسن اسمعني
حسن......... اش اش😘😘😘😘😘😘😘😘عيب بعد نطلع ونعوف العرسان وحدهم
ميس.....تقربلي حسن وتم زواجنه الحمد الله وميحتاج اكولكم شسوه ابو البوس ...
حسن.....عشت وي ميوستي احله ايامي واخيراً اخذت الي احبها تفهمني ولو تجيها ساعات مخبله بس احبها حتى بخبالها
ميس......حسن كولش حباب ومدللني علاقتنه كولش حلوه بس هو شويه عصبي والغيره الزايده عده شويه تعكر علينه
صار عدنه ولد وبنيه كيان ومريم والوضع بين الاهل تحسن شويه كامو بالمناسبات يكعدون سوه ويسولفون سوه حتى الفرحه صارت احله كمنه واحد يروح للثاني وابويه وعمي العلاقه تحسنت بينهم وكامو يكعدون ىيسولفون واذا واحد ينمرض الثاني يركضله واهل حسن بيت عمي زينين ويايه ماعدي شي وياهم واهلي يحبون حسن من دلاله الي وابويه كولش يحب حسن صار هو المفضل عده بعد مجان رافض وجوده بينه
عمتي لحد هسه علاقتنه قويه بيها ونستنه وطبتنه والطلعه وي مهند ومرته
🌷🌷🌷🌷🌷🌷🌷🌷🌷🌷النهايه
قالو الاقارب عقارب وقال النبي (لايدخل الجنه قاطع صلت الرحم)
صلت الرحم اطول العمر وازيد الرزق وتطرح البركه ومع الاسف كثرت المشاكل وبعد المسافه بين الاهل والاخوه
الحجي ميخلص واذا نبقه نسمع حجي هذا وذاك راح نكطع علاقتنه وي الناس كلها ...الاخ ميتعوض والام والاب همه جنتنه ويابنات العيال حتى لو جانو موزينين كوني انتي زينه وكسبيهم باخلاقج ولاتكطعين الصله بينكم واشيلين اثمهم هذوله صارو اهلج والي متقبلينه على اهلج لاتقبلي عليهم عيشي وياهم على الحلوه والمره وجرعي الكلام الجارح ونسي وذكري الشغلات الحلوه وعيشي عليها وربي اطفالج على الحنيه وصلت الرحم الي ازرعينه هسه تحصدينه من تكبرين ميس وحسن بحبهم كدرو يسوون الي مسوو الكبار ورجعو العلاقات واصلو صلت الرحم والله وفقهم بحياتهم واطفالهم على الي سووه
