يسرا 😍طالبه ممتازه جدا جابت درجه عالية في الثانوية خلتها تدخل المجال الي هي حاباهو بسهوله جدا ودرجتها الجابتها دخلتها الطب لانه هي من زمان ده حلمها انها تبقي دكتورة 😍 بنت بسيطه جدا انيقة وجميلة تتحب كده من اول نظره اي نعم هي كانت من النوع الخجول المابتكلم كتير بس كانت دمها خفيف شديد كانت متوسطة الطول لونها اسمر هادئ عندها عيون واسعة وجميله وانف مستقيم وكانت ممتلئة شويه يعني فيها كل مواصفات الانثي بطريقة اصح ... من اسرة ميسورة الحال ابوها تاجر صغير عندو دكان وممشين حالهم بدخل ابوهم عندها اخو واحد بس هم اتنين بنت وولد ...
ابويسرا: يايسرا تعالي يابتي 😇😇
يسرا:حاضر ي ابوي جاية ثواني بس .... جات داخلة عليهو وفي ايدها كباية قهوة
ابو يسرا: انتي يعني كنتي بتعملي في القهوة ياحليلك يايسرا تاني حاتدخلي الجامعة وافقدك وافقد قهوتك
يسرا: معقوله يا ابوي حتي لو مشيت الجامعة مابخلي قهوتك دي متي ماارجع من المحاضرات بعملها ليك 😍 انا عندي كم حاج ياحاج 😘😘....
في اللحظه دي دخلت ام يسرا ووقغت جنب الباب وختت يديها في نصها تقصد شنو يعني ياابو يسرا انا مالي مابعرف اعمل قهوة 😏😏(هنا ضحكت يسرا براحه وغطت خشمها بيدها😅🙊)
ابو يسرا: شوفتي الغيرة 🙊🙊 معقوله ي ام يسرا ياخ انتي الخير والبركه 😅😅
ضحكت ام يسرا وجات قعدت جنب زوجها ف السرير وبقو يعاينو ليسرا
يسرا: اهاااااا في شنووووو من تقعدو لي في سرير واحد كده وتعاينو لي بعرف انو في شئ وفي كلام كتير 😅😅 .
ابو يسرا: ايوه يابتي في
في انك داخله ع الجامعة وانتي لسه صغيره وبنخاف عليكي بس عايزين نوصيك شوية خلي بالك من قرايتك شديد واعرفي انو ده الهدف الخشيتي عشانو الجامعة ماتباري الصحبات والونسات والطلوعات وماتصاحبي ناس اعلي مننا انتي عارفة وضعنا كيف يعني لو صاحبتي ناس اغنياء نحن ما ح نقدر نخليكي تعيشي زيهم انتي هسي بقيتي كبيره وعارفة وضعنا كلووو
يسرا: معقولة ي ابوي مابتوصي انا بنتك انت علمتني كيف اتعامل وكيف اكون قنوعه
امها: كمان في حاجه يايسرا الاولاد الفي الجامعة الانتي داخلاها دي كلهم اولاد راحات واغنياء وماعندهم هم وقليلين ادب كمان اعملي حسابك وماتحتكي بااي ولد
يسرا: حاضر ي امي اتطمني علي
في اللحظه دي جا اخوها الصغير قال ليها يايسرا يعني انا متين حاكبر وادخل الجامعة 😔
يسرا: هههههههه اكيد ي حمووودي حاتكبر وتدخل الجامعة وتعرس كمان
اخوها: لالا مابعرس انا لسة صغير عرسي انتي 😝 قعدو يضحكو كلهم 😃😂😂 ،،،، الساعه 9 ونص مساء يسرا قالت لابوها وامها استأذنكم حانوم لانو بكره حاصحي بدري من 5ونص عارفين الزحمه بتاعت المواصلات كمان الجامعة بعيده 😊😊😊،، حاضر يابتي امشي تصبحي ع خير
في اللحظه دي دخل ود عمتها ليسرا اسمو عثمان (( عثمان شاب اكبر من يسرا ب 3سنه ماكمل تعليمو وقعد بسبب الظروف الاقتصادية السيئه زيو وزي كل الناس في المنطقه دي بس المشكله انو بعد ساب المدرسه زمان اتلم ليهو علي ناس كده بيقولو انهم كعبين وبتاجرو في المخدرات طالعه عليهم سمعه زي دي بس عثمان كان شرير وكل المنطقه بتخاف منو تعاملو بس ضرب مع الناس ومشاكل )) اول مادخل يسرا قالت قي نفسها اوووووووف ده الجابو شنو كمان هسي
عثمان: اوووووو الدكتوره سوسو اها شعورك كيف وبكره اول يوم ليك في الجامعة
يسرا: ماليك دخل انت بشعوري 😏 ومشت خلتو ودخلت الغرفه وقفلت الباب
جا عثمان سلم علي عمو ومرت عمو وقال ليهم شفتوها بتعاملني كيف 😠شفت ي عمي هسي لو كان عرستها لي مش كان احسن من القرايه والكلام الفارغ ده
ابو يسرا: لا القراية سلاح اي بنت لازم تقرا عشان تكون مستقبلها عايزه يعني تتزوج وتقعد ف البيت
عثمان: ااااي تقعد معززه مكرمه ولو قالت دايرة نجوم الليل بنزلها ليها .....
ام يسرا: اسمع هنا ي عثمان انا بنتي دي كان قالت عايزاك انا ما ح اوافق وانت عارف السبب لما تخلي شغلك ده وسمعتك تبقي نضيفه ممكن افكر ازوجك ليها
عثمان: يا خالتي ياخ دي اشاعات 😡😡😡يعني معقولة انا اتاجر في المخدرات
ام يسرا: شوف انا مابعرف مخدرات ولاغيرو بنتي اختاها احسم ليك
قام فوق عثمان وقال لعمو انا ماشي بس يسرا بنت عمي وكرامتها من كرامتي و وعرضها من عرضي حاكون معاها والبتعرض ليها مايلوم الا نفسو 😠🖐🏽
طلع عثمان ويسرا كانت راقده في السرير وزهجانه وبتقول ياالله حلني ياخ من الشخصيه دي 😭😔نامت وصحت الصباح اول ماطلعت برة لقت عثمان واقف ليها بره قال ليها اركبي اوصلك الجامعة في طريقي
يسرا: لا ماتوصلني براي بمشي 😡😡😡
عثمان: لا ما ح تمشي براك ماعندنا بنات يتحاومو براهم
يسرا: اتحااااوم ??!!! انا نازله جامعة وماشه ادرس ماماشه احوم
عثمان: مابهمني ماشه تعملي شنو البهمني انو انتي هسي ماتمشي براك وعارفه اني ما ح اخليك اركبي واكسبي زمنك 😠😠..... ركبت يسرا بس شكلها كان متضايق جدا وباين عليها طول الطريق م اتكلمت نزلت وقفلت الباب من غير ماتودعو مشت دخلت من باب الجامعه وكانت ماشه لكن بتعاين علي بره بتشوف في عثمان مشى ولالا وبس ماحست بنفسها الا وهي اتخبطت بزول 🙊
يتبع....
