يسرا خبطت في الزول وغصب عنها لانها كانت مركزه مع عثمان وبس الولد اتشاكل معاها لانو كان ماسك سجاره في ايدو ومع الخبطه السجارة حرقت الولد في قميصو وبقى يكورك😱 ... عمياااانه انتي مابتشوفي صح 😡😡😡 يعني ماهو فهميني كيف واحد بمشي قدام ويكون بعاين وراهو غبيه انتي صح
يسرا خافت شديد لانو من شكل الولد انو النوع المغرور داك من طريقه كلامو وتعابير وشو ولانها خافت بقت تتكلم براحه وتعتزر منو ... انا اسفه جدا بعتزر بالجد والله ماقاصده بس ماكنت منتبهه ...
عاين ليها ومشي ومارد عليها يسرا بقت تكلم نفسها .... يااااربي ده شنو اليوم البادي من اولو كده 😔😔😔اصلا ي عثمان انا من اصبطح بيك يومي كلو بقلب اووووووف يااا
الولد الخبطتو يسرا مشي زهجان للكافتيريا بتاعت الجامعه اصحابو كانو قاعدين هناك جرا الكرسي وقعد وبقي يسب ويشتم ويتكلم مع نفسو ((غبيه متخلفه حماره😡)) واحد من اصحابو لاحظ ليهو سألو _مالك ياعادل في شنو جايط كده وعامل وشك زي اخر الشهر كده روق شوية .....
عادل: ياخ دي وحده ثقيله متخلفه خبطتني وهي ماشه وحرقت لي القميص بالسجارة
_ ياخ ياعادل ده ماموضوع بصرخو فيهو كده وبزهجو فيهو
#عادل اكتر شخصية مشهوره في الجامعة وتحت كده بيقولو ابوهو عندو اسهم فيها شاب طويل حلبي وسيم جدا جدا من اغني اغنياء شباب الجامعة وضعو المادي ممتاز كان بمتاز بأنو ضخم يعني طول علي عضلات فتقريبا ماكان في حد بقدر يسألو 😅😅 كل بنات الجامعة جاريين وراهو واي وحده بتحلم انو يكون فارس احلامها عمرو 24سنة بس مشكلتو انو مغرووووور جد ونسونجي ومدلع اخر دلع ))
عادل بقي يتكلم مع اصحابو اسمعني ياعلي يلا نطلع من ام الجامعة دي زهجتني خلاص نمشي شقتي نريح شوية ونلعب كشتينه وبالمره لو في مزز 😅😅 واهم شئ اشتري قميص عشان ارجع بيهو لانو البنت السوقيه دي كرهتني ليهو ماتتخيلو القميص ده انا بحبو كيف
(( اصحاب عادل كلهم نفس المستوي اولاد اغنيا ونفس صفات عادل اصحابو علي وايمن وكارم )) طلعو من الجامعه ومشو لعند شقة عادل ((عادل شقتو دي غير بيتهم ماف حد عارفة عاملا لنفسو واصحابو بس ))
#يسرا دخلت اول محاضره ليها وكانت مبسوطه شديد اتعرفت علي بنت شكلها طيبه وبنت جدعه وظاهر من لبسها انو حالتها الماديه قريبه لحالة يسرا ،، يسرا بقت مخلوعه وبتعاين في المجتمع الغريب ده 😨😨 بنات لابسات بناطلين وفاكين شعورهم لبسهم شاذ واولاد قاعدين مع بنات ويهزرو مع بعض ويضحكو وعربات داخلة وعربات طالعة اشكال غريبه هي اول مره تشوفها في حياتها ،،، صحبتها الجديده قالت ليها اهلين انا اسمي #رشا 😊 ،،،، اهلين رشا انا اسمي #يسرا
رشا: هلا بيك يسرا حاسه بيك مندهشه ومستغربه 😅انتي الليلة اول يوم ليك صح ??!
يسرا: ايوه عرفتي كيف
رشا: عرفت لانو انا كنت زيك اول يوم وكنت بفكر انو انا في حلم ولافي علم حياه متغيره تماما وفوق توقعاتي بس الاسبوع الفات ده قدرت اتأقلم و مااندهش 😅 عموما انا حاديك نصيحه مايغرك كل الشئ الحاصل قدامك ده الجامعة دي عبارة عن مسرح كبير ونص الهنا ديل ماعايشين واقعهم والنص التاني هم فعلا ده واقعهم ودي حياتهم الزي والزييك مفروض يكونو في النص بين الاتنين عشان مايتصدم 😊😊 عموما انا مبسوطة بيكي شديد ولو احتجتي اي شئ انا جنبك وماتخافي من شئ
يسرا: ياااه يارشا ماتتخيلي انا كتت خايفه كيف ومن اول يوم قلت ما ح القي لي صحبه تكون في نفس وضعي وكنت بسال في نفسي كيف حاتأقلم والليله اصلا اليوم بدا معاي بداية ماحلوه الصباح وانا جاية خبطت في واحد من الشباب الظاهر عليهو من النوع داك الشايف نفسو 😏😏 خبطو وحرقتو في قميصوو 😅😅...
رشا: انتي جاده يايسرا 🙊🙊 طبعا الشباب الهنا ديل مابخلو حقهم غايتو انشاءالله يكون نساك ،، يلا نفطر برة
رجعت يسرا البيت وكانت مبسوطه جدا وحكت لاابوها وامها كل تفاصيل اليوم ،، وفي صباح اليوم التاني مش الجامعة ولاقت رشا حضرو المحاضره الاولي خلصت الساعه 12 وطلعو عشان يفطرو كانت واقفه وماسكه كاسه العصير بيدها ورشا واقفة جنبها منتظره الفطور يطلع ... بس شافت نفس الشاب الخبطتو امس جاي عليها 😱😱😱بقت تلفت في رشا
يارشا يارشا .... 😰😰
يتبع....
