ردت ام يسرا لعثمان اسمع هنا ي عثمان انت عايز تشككني في بنتي .انا بنتي بثق فيها اكتر من نفسي ومن عمك زاتو وهسي لو سمحت اتفضل اطلع من بيتي 😡بررررره 👈🏻..... بتطرديني ي خاله ماشي انا حاطلع بره بس عندي كلام مع عمي لما يجي .(طلع عثمان و بقت يسرا حاضنو امها وتبكي امها نضفت لبها الجرح الفي فمها لقت مجروحه جرحه صغيرة لانو عثمان لابس خاتم في يدو شكلو جرحها جابت اللصقه بتاعت الجروح الصغيرة ديك عملتها ليها وقالت ليها خشي ارتاحي و انا ابوكي لما يجي حاتفاهم معاهو انتي بس ماتزعلي داخله عليكي امتحانات )) دخلت يسرا جوه الغرفه وشالت موبايلها اتصلت علي رشا حكت ليها كل الحاصل وقعدت تبكي رشا هدتها وقالت ليها رووقي بس لحدي مانتلاقي بكرة وتحكي لي كل شئ ))
في اليوم البعدو الصباح مشت يسرا الجامعة لقت ورقه مكتوب عليها ((علي الطالبه يسرا محمد احمد والطالب عادل الشريف ميرغني مقابلة مدير الجامعة فورا ومن يتخلف عن الحضور سوف تكون هناك عواقب)) خافت يسرا شديد 😰😰دخلت لرشا جوه القاعه والمحاضرة لسه مابدت رشا قالت ليها ده شنو الفي فمك ده ي يسرا 😱... خليني هسي المدير عايزنا انا وعادل وانا خايفة يفصلوني من الجامعة ابوي حايموت فيها ... لالايابت ياخ ماتخافي مستحيل يفصلوك كده امشي ادخللي ليهو في المكتب انا حانتظرك بره !! دخلت يسرا للمدير ويدينها كانو برجفو .. اثناء ماهي واقفه دخل عادل وبقي يعاين ليها .... المدير قال ليهم
)) ممكن افهم الحصل امس هنا ده شنو ... مشاكل في الشارع وضرب وكمان سلاح وسكين حد فيكم يفهمني ... يسرا ردت عادل ماعندو زنب الزنب زنبي انا الحاصل كلو انو ... (قاطعه عادل )) لا يامدير الزنب زنبي اصلا ،، حصلت مشاده كلامية بيني وبين الزول ... المدير قاطعهم قال ليهم (( انا عارف الرواية الحقيقيه ماعايز اعرف شئ كل العايزكم تعرفو دي جامعه محترمة ودي مشاكلكم الشخصيه ماتحلوها لي هنا 😠 يسرا انتي متين دخلتي الجامعة عشان تعملي مشاكل بين ولدين اصلا متين اتعرفتي علي اولاد عشان تسببي بينهم مشكلة ،، انتي عارفه انا قابلت امك قبل كده وانتي عارفة انو انتي دارسه بمنحه دراسيه ودرجتك كانت +المنحه هم الخلوك تدرسي طب يعنئ مشكله تانيه زي دي حاتنهي حياتك الدراسيه معانا وكده حاتكونس استفذتي اخر فرصك ... هاك اتفضلي الورقة دي فيها انزار اول ليكي وزي م انتي عارفه جامعتنا هنا انزار اول فصل نهائي 😡🖐🏽. اتمني الحصل ده تاني مايتكرر مفهوم .. ((يسرا هنا حست بالاهانه من المدير شديد ماقدرت تحبس دموعها وشالت الورقه و وقعت عليها .. المدير قال لعادل .. خد الورقه وامضي انت كمان وده بمثابة انذار ليك كمان وقع عادل بعدها المدير قال ليهم اتفضلو اطلعو بره)) طلعت بسرا من مكتب المدير وهي بتبكي وماشه بسرعة ورشا لاحقاها ورا وهي بتسأل فيها ... لحقهم عادل ووقف قدام يسرا وقال ليها .. انا اسف يايسرا انا عارف انا السبب .... ((بس يسرا هاجت وكوركت فيهو )) ايووووه انت السبب انت اصلا مالك اتدخلت انا طلبت منك مساعدة .. بتدخل ليه اصلا انا بعرفك من وين 😠😠 بسببك حاترفد من الجامعة ... عادل قال ليها اسف بزعل ومشي .
رشا قالت ليها
بالغتي ي يسرا الولد كان بدافع عنك واخد انذار بسببك ماكان مفروض تحرجيهو كده .. بالغتي لكن ..... رشا 😡😡عليك الله اللحظه دي خليني انا المدير يقول لي متين جيتي عشان تتعرفي علي ولدين وتسببي مشاكل بينهم يعني هسي الجامعة كلها عارفة اني بتاعت اولاد😓 انا ماجيت الجامعة عشان اطلع كده يارشا وقعدت تبكي 😭😭😭 ... رشا هدتها وسكتتها وكملو باقي محاضراتهم .. عدي 3 اسبوع والوضع كما هو عليه عادل من يوم المشكله ماجا الجامعة
((عادل كان طول ال 3 اسابيع قاعد في شقتو وماطلع منها حتي مامشي بيتو وكل مره اصحابو يتصلو عليهو كان برفض قاعد في الشقة ((بسكر ويشرب في سجاير وكل مايسكر كان بشوف يسرا قدامو .. ومره شهد جات لقتو سكران قالت ليهو انت مالك الحاصل شنو شوف نفسك بقيت كيف وبعدين مابتجي الجامعة والامتحانات قربت ... قال ليها كلمتك الف مره قولا ليك بنذل الجامعة لما انا احب ماتعزبيني يايسرا !!!! قالت ليهو يسرا 😳 انا شهد يااعادل مايسرا اها انا كده فهمت يعني كل العامله ده عشان السوقيه دي اصلا انت ماعندك موضوع ماشايف الولد الجاها شكلها بنت ماتمام والا الولد ماكان بجبرها تركب معاهو اكيد عاملة عملة ولاحاجه ... عادل قال لشهد لو سمحتي اطلعي بره 😡 قالها بغضب وكان ماسك نفسو انو مايتهور ويزعلها اطلعي ياشهج عايز اقعد براي انا .. شهد شالت شنطتها ومفتاح عربيتها وطلعت و يسرا كانت كل ماتجي الجامعة وبينها وبين نفسي كانت مستنيه تشوفو الاسبوع الرابع جا والامتحانات باقي ليها اسبوع .. يسرا قاعده ف الكافتيريا قالت لرشا .. تفتكري عادل ليه ماقاعد يجي الجامعة ..قالت ليها يجي كيف بعد م احرجتيهو اليوم داك متزكره ... بس انا كنت متضايقه ي رشا
وماحاسة بنفسي 😓😭🖐🏽... ياستي الامتحانات باقي ليها 6يوم اكيد هاينذل بس اول ماينذل تصالحيهو طيب وتعنزري ليهو والله الولد ماغلط في حقك يايسرا ... طيب حااعتزر ليهو ي رشا بس هو ينذل 😔....
عثمان في اللحظه دي كان بيسلم بضاعه مخدرات وبنقو وكل انواع الممنوعات والشرطه اصلا كانت مراقبة عثمان من فتره وفي اليوم ده بالذات عثمان كان لامي العصابه بتاعتو وشغالين يوزعو في البضاعه حقتهم ،، داهمتهم الشرطه والقت القبض عليهم ..عثمان حاول قدر الامكان يهرب ماقدر في النهابة استسلم لما وصلو القسم اتصل علي المحامي بتاعو قال ليهو تعال لي .. المحامي بعد جا قال ليهو موقفك ضعيف جدا لانك مقبوض متلبس القضية دي ممكن تاخد فيها حكم علي الاقل 5سنه بس انا حاحاول احليها سنه واحده وده طبعا بعد ماارشيهم واديهم قروش ... عثمان مسك المحامي من رقبتو وقال ليهو سنه 😡😡 انت مجنون عايزني اتحبس سنه اتصرف انا مالاذم اقعد سنه اتصرف طلعني من هنا ...
يسرا طبعا فرحت شديد بالخبر ده 😍😍😍قالت لاامها اخيرا حارتاح منو عزبني ياخ الله لاوفقو يلا ي امي انا طالعه الجامعة .. الامتحانات باقي ليها يومين وجلسة الحكم بتاعت عثمان بعد اسبوع ... عادل نذل الجامعة ويسرا شافتو بس كان قاعد مع شهد وايمن .. يارشا امشي اعتزر ليهو هسي لكن هو مابراهو .. اصلا هو ماقاعد يقعد براهو امشي ... حاضر طيب
قامت يسرا ماشه علي ناس عادل
يتبع....
