بعد العربية اتقلبت يسرا بقت واقفه مكانها متسمكره 😳😳😳😳😳مخلوعه ماقادره تتحرك من مكانها كل المعازيم طلعو برة وكانو بشوفو ف الحادث المروع ده
ام عادل بقت تصرخ وجرت علي مكان الحادث العربيه بتاعت عادل انتهت تماما وجو ناس المرور لانو الحادث كان قريب منهم لما طلعو عادل من تحت العربية كانت حالتو تعبانه شديد ،،، الناس كلها بقت تضرخ ومنهم يسرا جات عربية الاسعاف وجرت يسرا وام عادل وابوهو وخالتو ركبو في عربية الاسعاف عادل اتضرب ضربة قوية شديد في راسو وكان بنزف شديد وفاقد الوعي حضنتو يسرا بالزفاف لما لونو بقي احمر بقت تقول ليهو عادل خليك معاي ماتسيبني مش انت قلت لي انتي حياتي مابقدر افوت اخليك هسي ماتفوت تخليني عادل خليك معاي عشان خاطري 😭😭😭😭😭😭😭😭😭😭😭 .... امو كانت منهارة جدا وبتبكي وقربت يغمي عليها لحدي ماوصلو المستشفى دخلو عادل غرفة العناية المشدده ويسرا كانت ح تدخل معاهو الدكتور رفض ،، قالو الضربة قوية محتاج عمليه هسي في راسو ويمكن العمليه تنجح ويمكن لا ،،
اتلفتت ام عادل ليسرا وبقت تتكلم معاها 😡😡😡😡😡💔انتي السبب ،،، انتي القتلتي ولدي انا عارفه انو من ورا زواجك ح تحصل مصيبة حرقتي قلبي ياخ انتي بنت منحوسه ياخ وجات لزتها وكانت حاتضربها الا الممرضات مسكوها وقالو ليها كل شئ قدر والبنت دي وجعها هسي زي وجعك يمكن اكتر كفايه هسي هي زفافها الابيض ملطخ بدم حبيبها ماتزيدي عليكي وعليها الوجع ...
ام عادل بقت تصرخ بهيستيريا قالت ليهم خلوها تمشي من وشي عشان م ارتكب فيها جريمه 😡😡😡الممرضات اخدو يسرا ع غرفة تانيه ووحده من الممرضات وعدتها اول ماتجي اخبار عن عادل حاتكلمها وطلعو ....
يسرا بقت تبكي وتبكي وتبكي وتدعي انو ربنا يقومو بالسلامه ((ياااارب العالمين رجعو بالسلامه يارب عشان خاطر امو وعشان خاطر اهلو )) يسرا فضلت تصلي وتدعي ))
الحاصل مع عثمان في اللحظه دي ... سارة بتتكلم مع عثمان وبتصرخ فيهو اخووووووووي حايموت بسببك 😡😡😡😭😭😭😭😭😭مش دي كانت خطتك 😭😭😭😭😭😭😭😭😭😭😭😭😭مش قلت لي اعمل فيها خافك ونتصل عليهو عشان يلغي العرس اهو راح فيها ... انت شيطان ياخ ماممكن تكون بني ادم
عثمان: اسمعي هنا ي حلوه انا ماغصبتك علي شئ انا حكيت ليك بالخطه وانتي وافقتي انا ماضربتك ع ايدك 😒😒😒😡حاتقلي ادبك وكلمة زياده قسما بالله ادفنك محل ماانتي قاعده هنا 😡
سارة: غلطانه انا البسمع كلام متردد سجون زيك يعني واحد مجرم حايطلع منو شنو ياخ العن ابو اليوم الاتفقت فيهو معاك قالت كدو وطلعت
شهد طبعا قاعده مع ام عادل وبتهدي فيها وبتقول ليها يا خالتو معليش اهدي انا عارفة كل دا بسبب البنت دي عادل كل ماكلمتو يسيبها ماكان بقتنع لي ((بتصطاد في المويه العكره)) شوفتي ياخالتو هي السبب بعديها مننا خالص معقوله في يوم عرسو يحصل كده 😭😭😭ياحرام ياخ البنت دي منحوسه ووشها فقر ....
يسرا طلعت برة عشان تشوف عادل من شباك الغرفه شكلها كان بحنن بالزفاف والدم وووشها من الدموع والبكا لما ورم ... شهد اول ماشافتها من بعيد قالت ليها ارجعي خالتي لو شافتك مابحصل خير ام يسرا وابوها قالو لبها لازم تمشي معانا الببت ونجي بكره الدكتور قال عايز مرافق واحد وهو معاهو امو خلينا نطلع المستشفى كلها بتتفرج فينا يابتي 💔🖐🏽😔انا عارفك مجروحه بس يابتي وجودنا هسي مابفيد خلينا نمشي ....
يسرا: بس ياابوي ده عادل امشي كيف 😭🖐🏽💔
ابوها: هسي الساعه 2صباحا لازم تغيري ملابسك واوعدك بكره من 7 نكون هنا
اقنعها وطلعت معاهو وهم في الشارع لاقت ساره بره
سارة قالت ليسرا: قتلتيهو 😡😡تاني تمسحي حاجه اسمها عادل من راسك والله العظيم لو حاولتي تاني تقربي منو انا البيدي حاقتلك ،،،،،
ابو يسرا: انشاءالله يابتي ما حتشوفي وشنا تاني يلا يايسرا يلا يابتي ....
يسرا لانو كانت منهاره ماقدرت ترد علي ساره بس كانت بتعاين ليها ا والدموع نازله من ع خدها
يتبع....
