نصيب

الجزء 05

شهد و كارم رجعو من جلسه التصوير بتاعتهم وشهد قاات ليهم نهائي ده ماجو قعده في الجامعة يلا نطلع ..... طلعو مع بعض .....

عدي السمستر الاول يسرا ورشا ناجحين بامتياز 😍😍😍 ونزلو السمستر التاني طوالي ماكان عندهم اجازه بين السمسترين ... خلصت المحاضرة وطلعت مع رشا ماشين ع المكتبه بس شافت ورقه مكتوبه انو عيد ميلاد شهد بعد يومين في بيتهم وانها عازمه كل الجامعة عاينت يسرا لشهد معقوله شهد دي عازمه كل الجامعة مره وحده بيتهم حايشيهم كيف 😅😅

..... يابت سمعت انهم عندهم مزرعه كبيره بتعمل فيها اعيادها طوالي كل سنه اسمعيني ي يسرا رايك شنو نمشي 😍😍😍.... يابت نمشي شنو انتي جنيتي .... ليه ياخ ي يسرا خلينا نغير جو ياخ وتشوف اماكن جديده مازهجتي من الجامعة دي 😠... اي يارشا زهجت بس ده مامعناهو نمشي حفلات زي دي بعدين البنت اصلا مابنعرفها .... ياستي هي عازمه كل الجامعة يعني هي بتعرفهم كلهم خلينا نمشي ياخ 😊بليييييييو اموت ليك ده اول طلب مني عليك الله

خلاص خليني اشوف امي وابوي يمكن مايوافقو .... يمكن ??! هم اكيد محايوافقو انتي قولي انك جايه تقري معاي .... لو قلت كده حالقي عثمان في وشي وحايقول الا يجيبني 😔. انتي عارفه لاذم اخدو بالهداوه ده مجنون ... اي خليهو يجيبك ومن بيتنا نطلع انا اصلا ابوي مسافر وامي بقدر احنكا طيب ..... غايتو ي رشا انا مامطمنه بس خلاص طيب نشوف (( اتحركو وموبايل يسرا وقع منها عادل كان قريب منهم قال ليها )) سسسسسس يامزه 😉تلفونك وقع 😄.... يسرا اتلفتت ليهو 😏😏 رفعت جوالها واتقدمو ماشين ع المكتبه قالت لرشا انا الولد ده لو عرفت مشكلتو معاي شنو ياخ 😏😏 ..... انسيك منو يايسرا هو اصلا بحب يبرمج بالناس 😄😅مع لنو انا شايفاهو مززز وعسل وكل شئ بس بحب يعاندك يمكن بحبك 🙊🙊🙊.... حب شنو ي مجنونه انتي 😒بقوليك بكرهني اتلهي يلا ندخل المكتبه اصلا الشيتات اتردمت 😭😭😭😭والمد تيرم حايقولو قريب هسي

بعد رجعت يسرا البيت كلمت ابوها وامها انها بعد يومين عايزه تمشي تقرا مع رشا في البيت اصلا هم كلهم بعرفو رشا وافقو وبعد يومين لبست يسرا فستان جابتو ليها امها هدية نجاحها ماكان فستان ع الموضه ولاكده بالعكس حاجة بسيطه وهي بطبيعتها مابتحب المكياج بس كانت اجمل وحده ممكن تشوفها بالفستان وبس جات طالعه لقت عثمان واقف جنب الباب قالت ليهو انت هنا 😏عرفتنس كيف طالعه ..... عرفت من عمي لانو سبحان الله كنت الليله ناوي ابيت معاكم واعرف بالصدفة انك طالعه 😏😏..... لانو عارفه حالقاك في وشي هسي ممكن هسي نتحرك عشان اتاخرتا ..... اسمعي حاكون عندك الساعه 10مساء هسي الساعه 5 ده زمن كفاية انك تخلصي تيشاتك دي .... تيشاتي 😳😳قصدك شيتاتي 😂😂😂😂😂😂 واول مره تضحك يسرا في وش عثمان وهو زاتو بقي يضحك ضحكه عويره كده 😅😅 وصلت بيت ناس رشا ونزلت لقت رشا جاهزة نزلو مع بعض ووصلو للعنوان بتاع حفلة عيد ميلاد شهد ... اول ماوصلو كانت في موسيقي هادئة شغاله وكان في كمية من الناس واصحاب شهد وعادل والبنات طبعا كانو لابسين احلي لبس

وكوافيرات ومكياج وشعر ،،، يسرا قالت لرشا هسي حانعمل شنو شوفي الناس ديل كل مجموعه مع بعض ...... يسرا احنا مالنا ومال مجموعاتهم خلينا نتفرج شوفي البنات لابسين كيف 😍😍 قسما بالله انا البس كده امي تطردني من البيت 😂😂 يلا ماعلينا خلينا نشوف ركن نقعد فيهو من غير ازعاج .... بعد شوية رشا شافت البوفية المفتوح 😍 يلا يايسرا يلا ناكل هناك في بوفيه مفتوح ،،،،،، البنت المفجوعه دي 😅😂😂 انا ماعايزه اكل امشي انتي انا خليني هنا مشت رشا وخلت يسرا بتتفرج في الحوالينا وهنا شغالو اغاني صاخبه والناس بقت ترقص عادل ظهر فجأه وبالصدفه بس وقف ورا يسرا وماكان منتبهة انو وهو واقف دايس علي فستان يسرا برجلو ....يسرا حبت تتحرك واول مااتحرك حست في حاجه شاداها قبلت وقربت تقع عادل حسا انو في حاجة تقيله ماسكه فيهو التفتو لبعض في نفس الوقت وقربت يسرا تقع لولا عادل مسكها ... عاينت ليهو 😨😳😨😨😨 وهو عاين ليها ... حكاية بتاعت كم ثانية هم بنفس الوضع لحدي مايسرا وقغت وفكتو وقالت ليهو شكرا 😏😏

قال ليها طبعا لاذم تشكريني لولاي كنتي حاتقعي 😊 .... ماهو انت السبب لانك واقف ع فستاني 😠😠..... لا انتي السبب لما تحبي تقيفي اقيفي في مكان مناسب اي واحد فيهم ادي التاني النظره دي ومشي 😏😏......

انتهت الحفله ورجعت يسرا ورشا البيت وعثمان جا ليسرا ووداها البيت

عادل بقي المشهد ده معلق معاهو بعد الحفله عندهم انتهت بقي سرحان ويتزكر في الموقف لما شهد بتتكلم معاهو ماردا عليها .... عادل ياعادل خبطتو في كتفو انا بتكلم معاك ... انتبه وقال ليها ايوه ي شهد كنت شارد شوية .... شوية شنو قول كتير 😅😅 اها رايك شنو في الحفله والفستان دو جابتو لي ماما من لندن لعيد الميلاد هديتي .... رد عليها وهو مامركز ايوه ايوه جميله الحفلة شديد ....زعلت انو ماانتبه لباقي كلامها قالت ليهو طب والفستان ☹😔.... كلهم حلوات ي شهد 😊😊 انا حاستأذنكم شباب حارجع البيت .... رد عليهو كارم ليه ي عادل ماحتكمل معانا باقي السهرة.... لا والله تعبان ومرهق نتلاقي بكرة انشاءالله يلا باي .....

يسرا وصلت البيت وهي في نفس حالة عادل وماقادره تنوم كل ماتتقلب بتشوف وشو قدامها بقت تكلم نفسها ... معقوله بتحبيهو 😳😳..... لالالالا مستحيل طبعا انتي هبله

يتبع.....