ابوها اتدخل وقال ليهو ي عثمان كلمتك الف مره اذا هي ماجات وقالت عايزاك انا محاوافق وهسي عليك الله لو عندي خاطر عندك خليها وتاني ماتمشي ليها ... حاضر ياعمي عشان خاطرك بس حاعدي عليها مرتين ف الاسبوع ماكمان لاذم اطمن عليها ..سلام 😏 طلع من البيت ويسرا قالت لاابوها ياابوي ياخ انت ليه بتسكت ليوو كده حايتمادا معاي اكتر واكتر 😑 ..... يسرا انا بعمل كده لمصلحتك انتي عارفة عثمان ده ممكن عادي جدا يعمل اي شئ غشان يخليكي ماتقري وانتي عارفة ايدو طايله ومعارفو كلهم عصابات وتجار مخدرات و ناس ماشين شمال ومابخافو الله انتي بس اصبري يابتي لحدي ماتتخرجي سايسيهو عشان ماتخسري 😔.... حاضر ي ابوي 😭😢... في اليوم التاني ال #عادل في بيتهم اتصلت عليهو ((شهد)) شهد زميلة عادل في الجامعة بتحبو شديد بس ماصرحت ليهو بحبها بنت جميله من اسره غنية و اهلها واهل عادل معارف من زمان .... جات داخله علي عادل اللي كان بلعب بليستيشن اول ماشافها اووووو شهودتي ياخ😍😍 مشتاق ليك سلم عليها بالحضن ابتسمت واتمنت بس انو عادل يكون بحبها كانت طويله زي عارضات الازيا ولونها فااااتح شديد وشعرها اشقر كانت برضو مغرورة وفي الجامعة مابتصاحب الا البنات الفي نفس وضعها الاجتماعي )) سلمت شهد علي عادل وقعدت ف الارض جنب عادل ومسكت يد البليستيشن التانبة ودار الحوار التالي بينهم
_ عدولي حااغلبك انا 😝😝
_تغلبي منو ياماما انتي ماعارفة عادل في البليستيشن مافي زول بغلبو 😅😅
_طيب نشوف ... بالمناسبة خالتو وين البيت فاضي ماشايفه زول
_ ماما مشت لناس خالتي من الصباح والظريغه انو ساقت عربيتي قالت عربيتها فيها مشكله عشان كده كسلت اني امشي الجامعة .....
_طيب عاين كارم وايمن وعلي في الجامعة وقالو طالعين هسي الساعه 12 قوم اخد حمامك وارح نمشي الجامعة مع بعض ناخدهم ونطلع
_ عادل رقد غي الارض وقال ليها لاااااا ياشهد كنت عارفك حاتقولي كده ياخ مانفسي امشي الجامعة اوووووف 😢😢 ....
_ يلا يلا عليك الله بعدين انت ناسي عيد ميلادي قرب وعايزه اكلم اصحابنا ونجهز مع بعض
طلعو ومشو الجامعة اول ماعادل و شهد داخلين ع الجامعة لاقي يسرا و رشا في وشو
عادل عاين ليسرا وغمز ليها 😉😉نظام شوفيني ده انا الزعلتك امس يسرا كشرت وشها 😠 قالت لرشا شوفتيهو عمل لي شنو الغياظ ده 😠😠😠.... قالت ليها اي شوفتا هههههه غياظ بس دمو خفيف 😅😅
ياخ دمو خفيف شنو ماشايفاهو داخل زي البطل في الافلام الهنديه 😂😂 ودي منو المزه 😍 المعاهو دي .... هههههههه دي اسمها شهد تقريبا كده بحبو بعض لانها لاصقه فيهو زي مفتاح الكهربا ف الحيطه 😅😅..... احسن زاتها تشبهو لكن الشعر مالو منكش ماتلمو وطرحه ماف ليه قال ..... يابت مالينا دعوه بيهم اصلا هم يشبهو بعض 😅😅 .... ع قولك ...
شهد وعادل قعدو في الكراسي الفي الكافتيرا بره واصلا الجو كان خريفي وفي غيوم و الجو جميل عادل اتصل بعلي وكارم وايمن واتلاقو كلهم شهد قالت ليهم الليله الجو حلو رايكم شنو نتصور كارم الكاميرا بتاعتك معاك ،،،،، ايوه معاي .... طيب يلا نتصور وقامو واتصورو كلهم مع بعض والمشكلة انو في اي صورة بجيبو شهد بتعاين لعادل وطبعا من غير قصد 😅 قالت ليهو تعال صورني براي لكن ماهنا تعال هناك الحته دي جميله ومافيها ناس كارم وشهد مشو يتصورو عادل ولع سجارة ورفع رجلو في التربيزه علي قال ليهو غارف ي عادل شهد دي بتحبك ... قال ليهو عارف 😄يعني دي حاجه حاتفوت علي ... وطيب انت رايك شنو ??! ... ياود انت اهبل شهد دي زي اختي احنا تقريبا متربين مع بعض ماينفع احبها ولاتخبني بعدين اصلا ماف مشاعر حب مني ليها مش هي ولاهي ولاغيرها انت مش عارف فهمي للحب شنو ?? وعارف كمان انا علاقاتي كلها عابرة ..... طبعا عارف عادل الذي لايؤمن بالحب 😅😂😂..... ايمن قال لي علي هو مابؤمن بالحب بس بؤمن ب البنات 😂😂 ... في اللحظه دي جات مارة يسرا و رشا ماشين علي القاعه قعد يعاين ليها شديد علي لاحظ ليهو قال ليهو ... ششششش عادل المزه عجبتك ولاشنو 😅 في الحقيقه هي تعجب ماشالله القوام تحفه 😍😍..... عادل قال ليهو تعجبني شنو دي انا لي يومين بتشاكل معاها واصلا شاميها 😒😒 ((عادل كان بعاين ليسرا بعيون كلها زعل وحقد كانو عيونو بتطلع شرار))
يتبع....
