عادل واهلو بعد ماوصلو المطار اتصلت شهد علي كارم وعلي وايمن واحد واحد فهمتهم انو هم رجعو وانو ممنوع واحد فيهم يجيب سيره يسرا او زواجو منها وانو دي نصيحه الدكتور وصلو البيت وجو اصحاب عادل يسلمو عليهو وطبعا هو ماعرفهم بس اي واحد حكي ليهو عن علاقتو معاهو بدت كيف .. قال لسارة وشهد خلوني معاهم شوية وجيبو لينا حاجه ناكلها ونشربها 😊😊.... طلعو قام كارم وقعد جنب عادل قال ليهو تعال ازكرك بينا شويه شوية الكاميرا دي فيها صورنا مع بعض 😍 وبقو يمررو في الصور ويورهو وهو يقول لبهم الصور جميله شديد 😍😍 علي كده احنا كنا اصحاب شديد طب ماكان عندنا صحبات ولاشنو 😂😂😂 ..... طول عمرك تحب الجكس ي عادل وأثناء مابشوفو في الصور فجأه تظهر صورة يسرا وعادل مع بعض😱😱😱😱😱 عادل قام قعد من الرقده الكان راقده قال ليهو دي منو ??? كارم طبعا اتلخبط شديد وماعرف يعمل شنو ولونو اتخطف علي وايمن متفاجئين 😨😨😨 قام طوالي علي رد ليهو دي زميلتنا كانت في الجامعه كارم قاطعو قال ليهو خلينا نشوف باقي الصور عادل قال ليهو دقيقه بس البنت دي الظاهر عليها طيبه من وشها طيب هي مادام صحبتنا شديد كده ليه ماجات معاكم 😊.... علي رد عليهو لانو هي هسي مسافرة مع اهلها في الخليج .... اها طيب والله يلا ورينا باقي الصور ((علي طبعا في اللحظه دي حتي اتنفس 😪😪))
اخدو ونستهم وطلعو قاله ليهو حانجييك بكرة .. قال ليهم لاذم تجوني انا مابعرف غيركم بس قبل ماتطلعو عايز اسألكم البنت الاسمهلا شهد دي هل فعلا نحن في علاقه مع بعض انا وهي قصدي ??! كارم كان هايرد قاطعو علي قال ليهو ايوه انت وشهد كنتو بتحبو بعض شديد وكنتو حاتتزوجو لو م الحادث حصل 🖐🏽😔... طبعا كارم عاين لي علي 😨.... علي قال لعادل انت ماكلمتك شهد بعلاقتكم .... رد عليهو عادل وكان باين عليهو انو جايط ومافاهم ايوه كلمتني ي علي لكن ماقاعد احس بشي تجاها او يعني دي الحاجه الوحيده الماحسس بيها مع انو كل شئ اتقال انا مصدقو بس احساسي جنبها مافيهو احساس حب يمكن ده من اثر الحادث ماعارف والله 😪😪.... علي قال ليهو ايوه ايوه بكون من اثر الحادث انت هسي خليك مع شهد لانو هي بتحبك شديد وشوية شويه حاتتعود عليها يلا نخليك ترتاح شوية قبل مانمشي خلينا ناخد سلفي ظريف عشان تتزكرنا بيهو 😍😍😍... طيب يلاناخدو تحت ف الشارع 😍😍 الجو ظريف تحت
بعد طلعو اتصورو وودعهم وطلع عادل فوق بعد ماناس كارم وصلو العربيه كارم اتشاكل مع علي قال ليهو انت جنيت كيف تقول لعادل انو كان مرتبط بشهد 😡 انت عارف الكلام ده معناهو شنو ???! رد عليهو علي ايوه معناهو حاينسا يسرا جدجد ويبدا يحب شهد من جديد وبعدين يمكن ربنا بدي فرصة تانيه لشهد حانقيف قصاد حكم ربنا وبعدين شهد صحبتنا ياخ 😡😡😡😡 كارم اتكلم مع ايمن قال ليهو شنو انت ماعندك راي ماتشاركنا 😡 ..... شوفز انا الموضوع ده طلعوني منو خاااااالص ديل اهلو وادري بمصلحتو ..
كارم قال ليهم شفتو اهو انا بسببكم نسيت اكلم عادل بزواجي 😡 اتصل كارم لعادل قال ليهو معليش ياعادل انا زواجي يوم الجمعه في صالة **** مع الونسة نسيت اكلمك لاذم تجي طيب .... بس انا مابعرف ااشوارع انت عارف حاكلم شهد تجيني 😊😊...
شهد لسه بتهتم بعادل جات وجابت ليهو اكل وقعدت جنبو وقالت ليهو حااكلك بيدي عادل مسك يددها قال ليها لالا ماعايز اكل انا عايز اطلع اتفسح اشم هوا اما مخنوق .... طيب حاجهز واخليك تجهز ونطلع نتفسح واوديك اي مكان انت عايزه طيب ... طيب 😍 علي فكرة انتي طيبه شديد ياشهد .... يمكن عشان بحبك 😊😊.... عادل ابتسم ابتسامه خفيفه ونذل راسه تحت كانو بهرب من الكلام .....
))طلعو مع بعض ومشو بكل الشوارع وعادل قضي يوم حلو شديد ولما كانو راجعين قالت ليهو شهد انا حاوقف جنب الجامعة برة طيب عندي حاجه اشيلها ونرجع البيت ،،، دي جامعتنا 😍😍😍... ايوه جامعتنا الكنت انت بتدرس فيها .... وفعلا وقفو جنب الجامعة نذلت شهد وقالت ليهو خليك واقف هنا ماتتحرك طيب عشان ماتضيع لوحدك قال ليها طيب 😊😊... بعد نذلت تحت عادل زهج من العربية قام نذل تحت وولع سجاره وبقي يعاين في المكان واتمشي شويه في اللحظه دي جات رشا صخبة يسرا كانت داخلة للجامعة اول ماشافته طبعا اتخلعت 😱😱😱😱😱 قالت في نفسها عادل 😳😳😳معقولة 😳😳😳 ... جات جارية وقفت جنبو قالت لبهو عادل ??!
اتلفت عاين ليها قال ليها اهلا طبعا وشو كلو تساؤلات ?!!! قالت ليهو اهلا شنو عادل انت ماعرفتني انا رشا ، رشا صحبة يسرا ..... رشا منو ويسرا منو 😨..... عادل يعني انت كويس عارف يسرا لما تعرف حاتكون مبسوطة شديد 😍😍😍😍انا حاجري اكلمها ((جرت رشا عشان تكلم يسرا )) عادل استغرب طبعا وطلع ركب العربية جات شهد وقالت ليهو ماااكون اتاخرت عليك 😍قال لبها لالا ياخ ماتاخرتي معقوله
يتبع....
