رشا جات جارية لي يسرا الكانت قاعده وماسكه موبايله بتشوف في صورتها هي وعادل والسيلفي الاخدوهو بالذفاف يوم العرس جات جارية يايسرا يايسرا محاتصدقي يايسرا ((جات مسكتها من يدها وبتجر فيها عشان تقومها )) يابت في شنو ايدي براحه وجعتيني 😨😨 ..... سيبيني من ايدك عارفة برة في منو عادل يايسرا عادل 😍😍😍😍😍.... عادل منو 😳انتي يابت مجنونه ولاشنو ....اي مجنونه قصدي اي عادل راجلك اووف اقصد عادل حبيبك تعالي.... رشا ماتكوني بتهزري ده ماموضوع هزار ..... يابت انتي هبلة يعني حاكون مجنونه انا ارح بعينك وشوفيهو ..... طلعت يسرا مع رشا ولما وصلو بره مالقو زول 😔😔رجعت يسرا وهي زعلانه ورشا بتحلف ليها انها شافت عادل ... رشا انتي لما شفتيهو اتكلم معاكي ... يابت هو انا اصلا مااديتو فرصة يتكلم معاي يادوبك فتح خشمو وجيتك جاريه .... يمكن شبهتيهو عارفاك مجنونه انا يلا يلل نحضر اللكشر الزمن زاتو اتاخر وحانلقي الدكتور دخل .... يانهار اسو، اللكشر شغال لبهو 10دقيقه وقامت جاريه خلت يسرا واقفة ... يسرا كانت مخلوعه من رشا 😨ابتسمت 😅 ومشت وراها
شهد قالت لعادل عرس كارم بكره ولاذم نمشي حارجعك البيت تجهز حالك وبكره نمشي سوا طيب .... طيب كويس ... مسكتو من يدو وقالت ليهو انا بحبك شديد ي عادل وصدقني العمر كلو حاكون جنبك 😍😍😍😍.... عادل ابتسم بس ماردا عليها 😊😊 ... وصلو البيت نذلتو ومشت اول ماعادل دخل لاقتو ساره قالت ليهو عايزاك في موضوع ضروري ي عادل ..... انشاءالله خير ياسارة .... لالا خير اتطمن 😊😊 دخلتو جوه غرفتها وقفلت الباب .....
طبعا ياعادل انت عارف انو قبل الحادث بايام كانت مفروض تكون خطوبتك علي شهد وبعديها حصل الحادث وسافرنا وعدينا السنه الكنا فيها بامريكا وطول السنه دي انت شفت تعامل شهد معاك كان كيف وده كلو عشان هي بتحبك وعايزاك وحده غيرها كانت مشت وسابت ، مفروض تكافئه علي اهتمامها بيك وافضل مكافئة ليها انك تكمل موضوع الخطوبه الماتم زمان والبنت لسة بتحبك وعايزاك اها رايك شنو ???😊 ..... يا ساره شهد بنت ممتازه شديد وطيبه وانا كمان حاسس انها بتحبني شديد بس صدقيني انا ماحاسس بااي شعور تجاها يعني ولاحتي القلليل حاسس انو في شئ غلط هسي او كان في شئ غلط في علاقتنا قبل الحادث ... ماعارف بس الموضوع انو انا ماحاسس اني عايزه اكون معاها انا بالجد محتار وماعارف اعمل شنو 😔😔........ لالا ي دولا مالاذم تحتار شهد لو سمعت كلام زي ده منك ممكن تنهار وتحصل ليها حاجه انت عشان الحادث حاسس انك مابتحبها مامشكلة اعمل الخطوبه واتعرف عليها من جديد وحبها من جديد صدقني محاتلقي احسن منها تحبك وتخاف عليك وتحترمك .... حاضر ياسارة انتي بس خلي مووضوع كارم بتاع عرسو ده يخلص ونشوف موضوع الخطوبه ده بعديها اوكي ماما .... اوكي ي دولا بس اكيد انت حاتوافق 😘😘😍
عثمان قاعد بشرب في شيشة ومعاهو الاولاد الشغالين معاوو وطبعا بخططو في اشغالهم وبتكلم مع ناسو ... يااحمد البضاعه حاتصل متين ?? حاتصل الليله بس انا خايف لانو الشرطه منتشرة في المكان كلو ..... ماتخاف من الشرطه انا عندي ناس هناك والوضع مطمن انت بس صفي مخك وخليك مستعد لااي شئ .... ((ف اللحظة دي دخل واحد من رجالة ياعثمان جايب ليك خبر بس ممكن يزعلك )) عثمان قام فوق وقال ليهو في شنو 😠😡 .... عادل رجع ،، عادل منو ،،،، عادل الزمان الكان حايتزوج يسرا شكلك ياعثمان المره دي محاتخلص منو ..... عثمان قام فوق ومسك في الراجل خنقو 😠😡😡😡😱😱😱 وقال ليهو يسرا دي حقتي انا ولو تاني سمعتك بتقول كده عارف ممكم اعمل فيك شنو 😡😡😡😡😡
يوم العرس بتاع كارم جات شهد ولابسه اجمل ماعندها وطالعه جميله جدا جات واخدت عادل ومشو علي الصالة وصدفة بس الصالة بتاعت عرس كارم نفس الصالة الكان حايتزوج فيها عادل يسرا زمان اول مانذل عاين للصالة برة ووقف مساافه شهد قالت ليهو مالك ياعادل .... حاسس اني شفتا المكان قبل كده جواي طاقه كبيره جدا جدا تجاه المكان ده ..... طبعا شهد اتزكرت موضوع عرس يسرا وارتبكت قالت ليهو كلنا بجينا احساس انو شفنا المكان قبل اليوم بس بكون مجرد احساس .... اخدتو ودخلو الصالة طول الوقت جوه عادل كان بحاول يتزكر ولو اي شئ وحتي في الحفلة ماكان مركز شديد .... بعد طلعو من الحفله ورجع عشان يركب العربية مع شهد عينو وقعت علي مكان الحادث وبقي يتزكر حاجات مشوشه ولمة ناس كتار واصوات كتيره وصفارة عربية الاسعاف راسو وجعو شديد وبقي ماسك راسو شهد جات مسكتو قالت ليهو عادل مالك فيك شنو وكانت حاسه بخوف شديد ..... قال ليها انا تعبان يلا رجعيني ع البيت لو سمحتي.... حاضر يلا نرجع ... بعد وصل اابيت سارة سألت شهد قالت ليها عادل مالو قالت لبها حفلة كارم كانت في نفس الصالة الكان حايتزوج فيها عادل وهو شكلو بدا يتزكر 😨😨😨ياسارة انا خايفة شديد عادل لو اتزكر هايسيبني انا متاكده 😭😭😭
ماتخافي خلي الموضوع علي ... ويومين كاملت فضلت سارة تتكلم مع عادل في موضوع الخطوبه لحدي م اقتنع ووافق وجا يوم الخطوبه وعادل وافق بس عشان خاطر اختو بس هو ماكان حاسي بشي لشهد ... عثمان طبعا بقي مراقب بيت عادل وعرف بموضوع الخطوبه ... عملو الخطوبه في بيت ناس عادل وعزمو اهل شهد واهل عادل انصل عثمان لساره وقال لبها سارة معاك عثمان ... عثمان منو ???..... عثمان ود عم يسرا نسيتني عثمان والحادث 😏😏😏... عثمان بتتصل علي لشنو 😡😡😡😡 .... عايز اسألك سؤال صاح خطوبه عادل الليله ... ايوه الليلة حايرتاح منكم ومن بنت عمك الثثقيلة دي 😏😏 .... طيب ممكن ترسلي لي صوره من الخطوبه عشان اتاكد .... جدا ووصلتو الصورة .... تاني ي عثمان ماتتصل علي في رقمب هنا فاهم ولالا قغلت الخط ف وشو .... عثمان ابتسم وعاين للصورة وقال لنفسو ... كده يسرا حاترجع لي 😏😌
يتبع....
