يارشا شوفي منو الجاي علينا 😰😰 (التفتت ليها رشا والوقت ده عادل كان قرب من يسرا وخبطها وكشح فيها العصير وعمل فيها ماشايفه طبعا يسرا زعلت وفتحت عيونها واتخلعت 😡😡😱))
عادل: اوووو سوري ماكنت شايفك
😡.... يسرا: نعم ??!! لا انت كنت شايفني وقاصد تعمل كدة اصلا كنت جاي من هناك وشايفني
،،،، . عادل: الله ياخ مالك يابت احسن اختي شري قلت ليك ماشايفك 😏😏
رشا مسكت يسرا من يدها نظام اسكتي خلاص ....
مشي عادل وكان بعاين ليها باستفزاز 😌😅 بعد مامشي
رشا قالت ليسرا: انتي مجنونه صح كنتي عايزه تتشاكلي مع عادل 😨😨
يسرا: اتشاكل معاهو شنو اصلا هو قاصد ده الحكيت ليك عنو امس 😡
رشا: انتي جاده يعني الخبطيهو امس ده عادل
يسرا: ايوه ده هو نفسو انتي بتعرفيهو
رشا: طبعا بعرفو هو ده منو مابعرفو 😏😏 ده ياستي من اغني الشباب في الجامعة مفتري كده ومغرور وعاجباهو نفسو والجامعة حقت ابوهو شريك فيها ب 50% يعني بعمل العايزه هو بدرس هندسه سنه رابعة
ابعدي منو يايسرا ده بتاع مشاكل ياخ وشرير . ماتحتكي بيهو
يسرا: انا اصلا ما احتكيت بيهو لكن شكلو مانسى الموقف بتاع امس
رشا: يلا ياستي خلينا نمشي الاستراحه نتصرف في قميصك الاتملي عصير وخلص قروشنا ده 😅😂😂....
مشو الاستراحه وقعدو شويه لحدي مانضفو القميص خلصو باقي محاضراتهم وبقو طالعين من الجامعة بس وصلت باب الجامعة شافت عثمان واقف برة
عثمان: من قبيل منتظرك تخلصي عشان ارجعك البيت 😊
رشا براحة وشوشت ليسرا: يسرا ده منو كمان 👀👀 انتي ناسك بقو كتيرين يختي 😅
يسرا: هي ياهبلة انتي ده عثمان ود عمي 😨😢 ثقيل ياخ وجنو مشاكل ح تشوفي هسي ح يعمل فيني شنو 😭
عثمان اتقدم قدام جنب يسرا وقال ليها والله تمام عملنا لينا صحبات جداد 😍 دي منو ??!
يسرا: انت مالك ومالها ياعثمان وبعدين ياخ انا كلمتك 20مره ياخ ماكل شويه تنط لي في الجامعة الناس حاتقول علي شنو انا بعد ده حاكلم ابوي 😡😡
عثمان بقي يصرخ كمان بترفعي صوتك علي 😡 وفي الشارع وقدام صحبتك طيب اركبي قدامي وحسابك بعدين لما اصل لاابوكي ((جراها من يدها وفتح باب العربية ركبها وقفل الباب ومشي ركب بهناك وقفل الباب وطلع بسرعه ))
رشا طبعا واقفة ومخلوعه 😳😳😳😳 طلعت وركبت المواصلات ومشت ......
وصلت يسرا البيت ونزلت دخلت لاابوها وهي بتبكي😭😭 ياابوي ياخ ما ممكن عثمان كل يوم جايني ف الجامعه ياخ وهسي الليله احرجني مع صحبتي وجراني ركبني معاهو غصب عني امسكو مني ياخ كرهني حياتي والله
جا داخل عثمان وراها وبتكلم انتي يا يسرا بترفضي ود عمك يجي يرجعك 😠 انا كلمتك ماعندنا بنات يركبو مواصلات براهم بعدين انتي فاكره عمي ح يمسكني منك دي مسألة عرض وشرف 😡......
يسرا: عرض شنو وشرف شنو الدخل الشرف شنو في الجامعة ي متخلف 😡😒 بعدين عرض شنو البخليك يومي تنط لي ف الجامعة لكن اقول عليك شنو انا جاهل ايش عرفك بالجامعة وبالاصول والاحترام ....
عثمان: الجاهل ده انتي ح تتزوجيهو والتعليم ده انتي عارفة انا لو عايزة امنعك منو بمنعك 😡😡😡😡
يتبع...
