ساكنه الجحيم1
المقدمه
السلام عليكم متابعات ومتابعيني الأعزاء نشرت قبل فترة طويلة هالقصة وبارت واحد وتوقفت بسبب ظروف وعدم وصولي للبطلة اللي راح تعرفون حياتها من خلال الاحداث وأنتقدتوني بالخاص ليش متكملين حبيت اوضح شغلة وحدة قبل لا نبدي بيها القصة خطرة بيها مواضيع قتل وأشياء اخرى ماريد اذكرها حتى متضيع متعة المتابعة عدكم واحب أذكركم كل الأحداث والتفاصيل اللي راح تقروها كلها حقيقية مابيها ولو واحد بالمية من خيالي القصة مثيرة شوية وياريت الأعمار الصغيرة يتعضون منها ومن أحداثها
المضمون
القصة عن فتاة ولدت ببيئة شعبية وبعائلة كثيرة العدد حالتهم المادية تحت الصفر وزمام الامور بأيد أمهم اللي ماكو رحمة او رئفة بكلبها وخصوصا على البنات مناير تصير قربان لخطأ ارتكبها أخوها الجبير وتصير بدل الدم ( فصلية) احداثها صايرة بالمنطقة الشمالية من العراق وبفترة التسعينات ولحد يومنا هذا اما المناطق بالتحديد والاسماء مراح نذكرها لأسباب امنية
التأخير كان بسبب البطلة مو مني بحيث كتبتها مرتين ومسحتها رجعت ضفت احداث بعد مالتقيت بالبطلة شخصيا واخذت منها المعلومات الكاملة وعرضت حياتي للخطر بسبب هالشي لكن حبيت اقدم شي بسيط عن معاناة المرأة المكسورة والعايشة بخوف ورعب اتمنى اكدر اوصل فكرة القصة بالشكل المطلوب واتمنى منكم تدعمون القصة ومتخجلوني اسأل الله لكم دوام الصحة والعافية تحياتي لكم .