ساكنة الجحيم

الجحيم 4

ساكنة الجحيم 5

كبرت وكبرت احلامي ومن بينهم جان نجاة ابن عمي اللي

حبيته من كل كلبي أحلم بي ليل نهار نجاة متوسط

الطول ضعيف واسمراني من الشمس يشتغل ويا ابوه

عدهم سيارة بيك اب يجيبون مخضر من العلوة

ويوزعوها على المحلات عنده اخوات وهو وحيد اهله كل

فلوسهم جانت رايحه على علاج بنتهم الوسطانية مصابة

بشلل الدماغ رغم متحرك بس راسها عبالك جثة بس

يهتمون بيها كلش اهواية صايرة شي مقدس يمهم مبقو لا

دكتور ولا شيخ ولا مكان مقدس مودوها حتى تشفى

الناس متعجبة من اصرارهم على علاجها رغم يعرفون

كلش زين ماعدها علاج حبيت نجاة من حنانه على أهله

وخواته بالذات كلش مؤدب ومن يحجي ويا المقابل ابد

ميرفع عينه صاحب واجب الناس كلها تمدح بي عكس

اخواني اصلا ماكو مقارنة ومحد يصدك نجاة يصير ابن

عم شاكر فرق السما عن الارض عمي مات بقينا اسبوع

بالفاتحه جنت اشتغل ليل نهار ارجع لبيتنا راسا على

الفراش مقصرت بشي وكلش حزنت عليه خصوصا من

جنت اسمع ابويه وهو يبجي عليه بسبب وضعه مكدر

يحضر عزائه جان كلش حنون علينا دايما يجيبلنا شي

بيده لو من يعزم ابويه يأكد عليه جيب الجهال وياك كلش

زين يعرف امي واسلوبها افتقدنا وجوده وهو يطل كل

ليلة على ابويه ويشوف شيريد وشنو محتاج ويخلي مبلغ

جوا راسه حتى ميحس بعجزه ويكدر يصرف منه علينا

مجان يدري قبل لا رجله يخطي باب الشارع امي تاخذه

وتخلي بصدرها أخر يوم سووله مولد دخل للمطبخ

باوعلي كلبي انفطر على شكله مربي لحية ولابس اسود

وعيونه حمر من البجي تمنيت احضنه واخفف عنه من

شكرني على الايام اللي بقيت يمهم اساعدهم حسيت

رجليه بالسما من الفرحه ومن طلب مني اهتم بأخته

المعوقة وادير بالي عليها لان مخليها بغرفة خاصة

خايفين لا احد من الجهال يضربها او يأذيها كلش فرحت

أكيد يبادلني نفس المشاعر والا مجان طلب مني اهتم

بيها اعرف اشكد عزيزة على كلبه رجعنا للبيت شاكر جان