#ساكنة_الجحيم
الكاتبة chra kirkuki
الجزء16
بعد ماانقتل أخويه وهربت فوزية أختي ظل سلام وأخويا المريض بالصرع بلا بيت سلام جبته يمي والثاني أخذه شاكر حاولت اجيبه يمي مقبل سويتها حجه حتى شوية تخاف خوخه منهم وتستحي على روحها ولو ميفيد وياها شي وقابيل معجبه الوضع بالبداية بعدين استسلم وسكت ايام مرت واني اعرف بسوالفهم وعلاقتهم الوسخه كلما افكر بحل اوصل لطريق مسدود اواجها واحجي عليها وكيحه وميفيد وياها خفت تحرض قابيل ويتضررون جهالي طول الليل ظليت ماانام اراقب قابيل وعيني على الباب اخلي مفتوح على النص حسيت وضع سلام مو تمام دايما منعزل ويبجي كلت ويا نفسي اكيد علمود جان متعلق بمحمد من كثر همومي مسألته وهي كل ماتشوف سلام تتأفف وتروح تخابر قابيل تشتكي منه واني اسوي نفسي مو منتبهه لحد مافد يوم جنت اغسل هدوم الجهال سدت باب الحمام عليه ودخلت تريد مني اساعدهم هي وقابيل وانه ضايجه من حياتها ويا نجاة كمت واني ايديا كله صابون وهاتك ضرب وين ماتوجعج خوخه مقصرت بضرب وعض لعبت بيها لعب طلعت وهي تهددني رديت عليها فتحي حلكج واني احجي لنجاة كل شي شالت بناتها وراحت يم أمها اسبوع ارتاحيت منها وقابيل مجان موجود رايح يسرق اكيد كالعادة متعود يختفي ويرجع بسيارة جديدة تمنيت اشوف نجاة لوحدي واحجيله ينتبه على مرته بس مجان يرجع للبيت قررت اروح لبيت امه حتى اشوف وضعهم ويا خوخه واخليهم يرجعوها تعيش وياهم وصلت لبيتهم ترددت وضاعت مني الكلام شلون ابدي وبيا عين اشتكي من زوجه أخوهم وامهم مريضة بالفراش على اخر ايامها واصلا وجودي يمهم يفتح دفاتر قديمه وأوجاع ذكريات ماريد يذكروني بيها بالبداية مرحبو بي جانو باردين شوية شوية دخلنا بمواضيع حسيتهم ضايجين من خوخه وامها واصلا ميحجون وياها هي مقاطعتهم سكتت مكدرت احجي شي ودعتهم رجعت للبيت شاكر يمنا انشغلت اسوي عشاسألته على مازن وينه معرفوه مكانه جاوبني لا طلبت منه يدور عليه حتى نسلمه للشرطة صرفني وكعد ويا سلام يتبسبس من راح سلام دموعه جانت تنزل دخل بالفراش كومته غصب السالفة مو صغيرة ميبجي من نفسه خليته بحضني واني اطبطب عليه وهو يحجي لي
يردوني اتزوج مرت محمد شلون أكدر اسويها صعب كلش محمد مو بس اخويه جان كلشي بحياتي
حسيت الدم وكف براسي هاي بلوة جديدة من بلاوي شاكر ماكدر أوعده اوكف وياه ضد شاكر اني وياه كدامه لاحول ولا قوة حاولت اواسي حسيت نفسي اختنك مو كفاهم دم محمد راح هدر هالنوب ابنه ومرته ناويين عليهم طلبت منه يخابر سما وافتهم منها لان اني ماعندي تليفون حجيتلها جاوبتني ببرود لاتتدخلين ماعليج يكفيج اللي بيج يعني يعرفون بالسالفة وساكتين كلت أجرب ويا سمر هم جانت تحب محمد أكيد متقبل سلام ياخذ وحدة أكبر منها ب 5 سنوات بحجه يحمي ابن أخونا ميدخل عقلي هالسالفة من خابرتها خبرتني جاية باجر لبيتنا حتى نتفاهم فرحت كلت اكيد مو موافقة ومتسكت سديت منها سمعت اصوات ضحك تتقرب منا فتحت باب الغرفة شفت خوخه ويا بناتها نجاة مراضيها ومرجعها شجابها ياربي مو وكتها ارتاحيت منها هالفترة باوعتلي بشماته مفتهمت شنو تقصد سديت باب الغرفة بوجههم ردت نجاة يحس أكو بيني وبين مرته شي حتى يسألني وأنبهه الصبح رحت اجيب خبز رجعت شفته كدام الباب باوعلي بعتب سلمت عليه جاوبني
