#ساكنة_الجحيم10
تعالت صيحة الخذلان في مسامعي
وانتشرت في جميع مفاصلي
وتمدّد الصمت في مساحات حنجرتي وانزويت بعيداً
تتقاسمني أوراقي ومعاطس أقلامي وريشة وتري
والانكسار سيّد المشهد
وفي داخلي دمعة مكبلة منذ سنين
أسمعها في داخلي تتدحرج وتقف في مفترق أنفاسي ولاتخرج
الغرفة اللي رموني بيها ريحتها تكتل ماتصور غرفة بشر الحيطان الطين والباب مزروف اهواية كمت من مكاني تقربت من الباب اسمع اصوات نسوان برا يحجون على امي وهي تاخذ بخاطرهم كل اللي ببالي اني ليش اخذوني منها وخلوني وحدي باوعت لابسين أسود ومرت عمي بس تصيح وتغلط علينا تكول بس خلي يجي قابيل الا اخلي يطيح حضها سمعت اهواية اشياء ولا وحدة منها تخيلت تقصدني بيها دكيت الباب محد فتحلي الحوش مالتهم جبير توزعو كل وحدة راحت لمكان بعدو عن الغرفة تعبت من الوكفة كعدت بزاوية ولفيت عبايتي اللي نصه طارت بيد النسوان من دخلنا وضربونا تخيلت نرجع لبيتنا وألبس الفستان الابيض اللي عجبني وحجزنا اني ونجاة والتاج الكرستال اللي يخلون على الشعر من بعد مايطلعون الكدلة القاتلة والسبراي كمت اتخيل ليلة عرسي وشلون راح تتغير حياتي لحد ما فزيت على دخله رجال من فتح الباب كمت ماشوف شي من برا باوعت على وجهه أسمراني طوخ لحيته وشواربه مو مرتبة وشعره المكوم مبين مغاسله من زمان ولبسه الأسود لعبت نفسي منه حسيت برهبة وخوف باوعلي بنظرات كلش محلوة أريد احجي ماكدر كأنه خرست من الخوف سد الباب قوي وبدا يتقرب عيني على رجله من يقترب مني اعرف عدهم ابن واحد أسمه قابيل بس شكله ماذكره بهالقباحه كل مايقترب خطواته اسأل نفسي شيريد مني لحد ما حسيت بأيده وهي تكومني من أكتافي وكفني على حيلي بقى يباوع ويركز بيا اني غمضت افكر اشرد بس عرضه وطوله كدامي مخلوني اتشجع واسويها تقرب من وجهي
اخت الكلب شاكر لا اهلا ولامرحبا بيج انتي متسووين ظفر أختي شسوي بيج هسة ها جاوبي لايكون خرسه على حظي
بلعت ريقي جاوبته واني احس بألم من مسكته اكتافي شيل ايدك عيب عليك مكملت ضربني راشدي حسيت بطعم الدم على شفايفي وهو بعده يهز بيه ويجرني يمين شمال واني اوخره ماكدرله كل اللي كدرت عليه أصيح عوفني حرام تلزمني وخر
تعرفون الحرام ياقتله وانتي مثل اي حشرة ادوسها رجالكم هارب شاكر بس الزمه أذبحه بعد منو عندج تهدديني اخوانج التافهين لو المريض لو امج الساقطة لو ابوج يطلع من القبر
نجاة
منو
جاوبته نجاة مد أيده فتح حلكي يريد يطلع لساني
أسمه تنسي مفهوم اني مو شاكر الخروف فتحي عينج وسمعي زين انتي مالتي شي يخصني ولو اعتبره شي رخيص بس تجيبين اسم نجاة او غيره من اللي جنتي تعرفيهم أذبحج وهسة يالله خلي نتأكد اخت شاكر عار مثله لو لا ولو مبين من وجهج مطيحه حظج وحظ اللي خلفوج لا ليش تبجين بعد وكت بعدين ابجي لحد ماتموتين
