#ساكنة_الجحيم
الكاتبةchra kirkuki
الجزء 12
من جبت ابني عبالي حياتي تتغير واعيش بأستقرار وقابيل يصير أدمي بس شفت العكس تهديدات وضرب زاد عليه اي شي ميعجبهم يهددوني بأبني أستقرينا بالمطبخ اني وياه لان اكثر وقتي بي وخصوصا من يكون هو موجود ميريد يسمع صوت الطفل يضوج مرات يضربه من يبجي واني من خوفي عليه اخذه بعيد عنه صرت حامل للمرة الثانية مقبل اطلع برا البيت شوية ارتاحيت من مشاوير السوك والزرع أختهم الصغيرة الملعونة طلعت تحب زوج أختها المرحومة وعدها علاقة ويا من سمعت من اقاربهم يريد يتقدم لوحدة ثانية ويتزوج أنشلت بالفراش تبجي وتلطم من القهر لحد ماقنعت امها تحجي ويا قابيل بليلة رجع جايبه ويا على الاساس معزوم معرف هاي خطة منهم اول ماراحو للغرفة سمعنا صوت طلقات اني لزمت ابني وختلت جوا الدرج سديت بأيدي اذانه حتى لايفز ويخاف بعد ساعة طلع يرجف ضحكت عليه عباله سهل يندك بهالحية معرف راح يوكع بيها كل ليلة بعد مااخلص شغلي وافرش حتى ننام اني وابني ابقى ساعات الاعبه واحجي وياه احسه يحب يسمعني تزوجت اخت قابيل وراحت أحلى اسبوع يمكن عشناه اني وابني من راحت قابيل راح بقيت ويا حماتي وحدي بيوم جنت كاعدة متألمه حسيت بوجع اخذت مني ابني وراحت اني خفت لاتروح تسوي بي شي وانحرم منه صيحت بكل صوتي وماكدر امشي رجعت بعد شوية وجايبة عجوزة جارتنا حتى تولدني محسيت بألم من خوفي على ابني ولا باوعت ولا سمعت شنو جبت كل همي ابني يرجعلي لزمت ايدها ردت ابوسه مقبلت راحت وجابته جانت مخليته يم جوارينه تغيرت معاملتها حتى مقبلت انام بالمطبخ ومن رجع قابيل شاف الطفلة جبت بنية رزلته وهددته تطرده من البيت اذا خلانا ننام بغير مكان رغم مجانت تحجي ويايه اهواية بس كلش جانت تهتم بالجهال وخصوصا ابني اللي تمرض فجأة مبقيت علاج شعبي وادوية مااستعملنا وياه لحد مابيوم من الايام مات وعافني وجع فراقه ذكرني بيوم وفاة أبوية انعزلت بغرفتي جنت بس ابجي متصورت يروح مني بسهولة اشكد الوجع صعب اسبوعين كأنما عايشة بغير دنيا لحد ما نعيمة فتحت عليه الباب وخلتني اشرب واكل غصب كعدت تحجيلي المها
هسة تحسين باللي حسيت بي لحظة ماشفت بنتي غركانة بدمها من كد ماجانت متألمه دفعت طفلها وهو ميت من بطنها تتخيلين شلون متظر شفت بعد مارحت للسوك اجيبلها غراض قبل ولادتها كل هذا علمود شاكر يبين للناس هو بطل مفكر بيا ولافكر بأحد شنو ذنبها عندك مشكلة حلها مع عمك مو تجي تقتل بنتي وهي حامل انتي طفل عمره سنة وهيجي صار بيج لعد اني أحن بناتي عليه راحت بغمضة عين عمري مراح أسامحه ولا اسامح امج لان من جابتج مشفت بعيونها ندم او حتى تكولي الله يصبرج اي كلمة تطيب خاطري جابتج كأنج شي وتريد تتخلص منها اني مو ظالمه بس اهلج خلوني أصير بهالشكل كومي على حيلج ودوسي على جرحج بعدج شابة راح تجيبين غيره
وهي تحجيلي اني حزنت عليها رغم اللي سوته بيا بس حقها ماتخيل منظر بنتها وهي ميته بهالشكل جاوبتها ياخلفه اجيبه قابيل ميريدني وحياتنا صعب سويا حتى ابني اللي راح راح ومجان عنده اثبات نسب ولا اني عندي شي يربطني بي غير الالم والحزن
