#ساكنة_الجحيم 4
وصلت للصف الثالث سمر فصلوها من المدرسة بسبب
المشاكل اللي جانت تسويها وضربها للطلاب واخذ
غراضهم أهواية المديرة تعاطفت ويانا وحتى جتي
بنفسها لبيتنا حاولت ويا أمي تهتم بينا وبنظافتنا وتعقل
سمر بس غير المسبة والطرد محصلت شي من أمي لو
اصلا جانت تسمعها يمكن مو هي تصير وحدة ثانية
رغبتي قلت للمدرسة لان سمر رغم عيوبها جانت تحميني
تعلمت من معلمه الفنية شلون أسوي ليفة بالصوف رجعت
للبيت شوفته لأخواتي أمي شافتها خفت لاترميها بس
بالعكس مدحتني لاول مرة
تعرفين تسوين مثلها اذا تعرفين راح اجيبلج صوف وسوي حتى ابيعها الج وتشترين غراض وهدوم المدرسة بيها
جاوبتها اي اعرف خلتني لاليلي ليل ولا نهاري نهار كل
دقيقة تكعدني حتى اسوي تعبت من الشغلة وخايفة منها
ماكدر اكوللها ماعرف الطلبات كثرت عليه مجنت الحك
اروح للدوام تمرضت فهمتني ماخذتلي اجازة بقيت فترة
بالبيت لحد مافصلوني بغيابات بدون عذر طلعت امي
تكذب عليه رحت ويا أختي يم المديرة اشكد توسلت بيها
مقبلت ترجعني انهارت احلام المدرسة بدل اللعب اللي
بمثل عمري مكاني بصف اختي بالصالة هي تخيط واني
اسوي ليفة بيوم الدنيا جانت باردة كلش سمعنا اصوات
بالشارع ركضنا جانو جايبين ابوية شايلينه على بطانية
غايب عن الوعي من صوت صراخ خواتي فزيت واني
ماعرف شبي عبالي ميت جنت اضرب بنفسي مثلهم ودوه
للمستشفى رحت وياهم جلبت بعباية امي اصلا محست
بوجودي دخلوه للطوارئ بعد ساعات كالو يحتاج عملية
امي اهنا وكعت نفسها بنص الممر تبجي وتلطم راح
خيمتنا راح ابو جهالي شسوي بالجهال لوحدي العالم كلها
التمت علينا عمي عصب منها بس ولا دارتله بال اصلا
بقينا شهر بالمستشفى والناس رايحه جاية انترس بيتنا
من العصائر وعلب الحلويات والفواكه مجانت تلحك وين
تخبيها من عدنا اخر شي سوت قفل لباب المطبخ وخلت
المفتاح يمها حتى مندخل بكيفنا كل يوم يجونا ضيوف
أبويا ولا صار زين اول شي كالو عنده قولون بعدين
