ساكنة الجحيم 7
ألأيام تمر بس الأحوال يوم عن يوم تسوء خلصنا من سالفة الهجرة والبيت ماكو المنطقة حولنا لغيرها دخلنا بمرحلة الحصار الأقتصادي الحياة انكلبت رأسا على عقب الناس صار همها شلون يحصلون لقمه يطعمون جهالهم بيها حتى اللي عنده ميشارك احد يخاف ميحصل غيرها اذا خلصت الاسواق صار بيها شحد مواد ماكو حتى ملابس كلش قليلة جنت اتابع اقاربنا وجوارينا شلون حالتهم تغيرت اما بالنسبة ألنا يمكن احنا العائلة الوحيدة متأثرنا لان أمي شوفتنا الحصار من نعومه اظافرنا زاد عدنا مشكلة الخبز اللي هي اساس أكلنا الطحين خربان مينعمل بيها خبز جنت ادور على شغل بكل مكان حتى لو فراشة جنت راضية علمود احصل ادوية لابوية اللي زاد عليه المرض والتعب خصوصا اخوي اللي بعد المرحوم تزوج وطلع بيت وحده وانقطع علاقته بينا والرابع صار بي صرع ميسيطر على نفسه من تجيه الحالة يعزل نفسه ايام بالبيت ينحرج ودينا للدكتور اني ونزيهة من ورا امي ماعنده علاج قدمت على معمل الببسي اللي يشتغل بيها نجاة جنت انتظر يوم بيوم تطلع أسمي وارتاح يصير عندي راتب حتى لو قليل لان شغل كلش قليل حتى للي عدهم شهادة نزيهة رجعت تخيط صارت تبدع بالموديلات بس الزبايين قليلين ويكسرون اهواية من الفلوس بعد ماتسلمهم يطلعون الف عيب بي الناس تغيرت الغش والخداع صار شي عادي كل يوم انام اخاف اصحى ابوية يروح من بين ايدنا اشكد حاولنا اني وسمر ونزيهة ناخذه للدكتور على حساب شاكر مقبل فضل الموت على شوفته واخذ فلوس من عنده كل يوم يدعي عليه صار عنده 5 بنات يموت ويصير عنده ولد جان مسمي نفسه ابو علي يم جماعته أخباره السيئة توصلنا مثل البرق خصوصا علاقاته بالنسوان كل هالشي أثر على صحه أبويه سمر بدت تشتغل ويا جماعة تروح للزرع مكان يبعد عنا ساعتين تطلع من ساعه 5 الفجر ترجع ساعه 8 بالليل أمي مقبلت بالبداية اروح وياها بحجه تخاف عليه واني مو مثل سمر خافت لايصير بيا شي معروف اهناك موجودين اصحاب المزارع يستغلون العاملات بديت اساعد نزيهة من تسوي تطريز اني أشتغل بالخرز باحد الليالي اللي جنت اعتبرها سودة بحياتي وهي مو سودة بالعكس زارونا مرت عمي ونجاة فتحتلهم الباب ورحبت بيهم نجاة سلم ودخل مرت عمي لزمتني وكالتلي تمنيتج انتي بدل سمر بس الله يرحم اللي جان السبب ساعتها مفتهمت شنو تقصد كعدنا وياهم امي اشرتلنا ندخل للغرفة خافت لانضايفهم بشي سمعتهم جايين يطلبون سمر رسمي باوعتلها كأنه مو مهم يمها راحت نامت اني وكفت من الصدمه نزيهة تهز بيها وتكومها تسألها اني عقلي واذني برا الغرفة منتظرة اسمع هلاهل وينتهي هالكابوس والتردد متحملت رحت دخلت بفراشي وسديت اذاني تمنيت اني طرشه وناقصة عقل ماافتهم شي حلمت بكوابيس طول الليل جنت بحضنه اضحك دخلت بدوامه وضباب اسود فتحت عيوني جسمي معرق شوية واختنك كأنه الغيمة او الضباب الاسود بعدها موجودة بالغرفة مو حلم غسلت وجهي أكثر من مرة سمعت اهلي على صينية الفطور وهمه يحجون رافضين فكرة الخطوبة لحد مايكون نفسه ويجهز طلبات امي وسمر اللي محد يكدر عليها يعني كسرو بخاطره صحت بوجه سمر اذا متردي لاتلعبين عليه عيب عليج مستغلته أبشع استغلال انفجرت بوجه امي همينه جان جوابها
