وجهااات النظر السااخرة

#ووجهه__ نظر (2)

#العيديه..!!

- كُل سنه وإنت طيب يا بابا

= وإنت طيب ياسيدي

- كُل سنه وانت طيب يا أحلي أب

= ياحبيبي وإنت طيب ، وإنت طيب

- بـابـا

= أيوه ؟

- كُل سنه وإنت طيب يا حاج

= ماخلاص يا أبن الصرمه عرفت إن كُل سنه وأنا زفت طيب

- بابا إنت عارف إن تذكرة السينما وصلت 70ج

= لأ .. مش مُهتم أعرف

- طب تعرف إن وجبة كنتاكي الـ3 قطع الِ كُنت باكلها مع صُحابي فِ العيد وصلت كام؟

= مش عاوز أعرف

- عارف يا بابا محمد سعيد صاحبي ؟

= آه

- آبوة وعدة بعيديه 1000ج

= عارف انت عمك إبراهيم صاحبي ؟

- اه ؛ أبو عبدالله

= لسه طارد ابنه من البيت عشان مش بيبطل طلبات .. عيل ابن كلب مابيحسش

- هو النهاردة ايه يا بابا ؟

= الجُمعه

- أيوه يعني اليوم دا بيمثل ايه ؟

= عيد عند ربنا .. كل جُمعه عيد عند ربنا

- طب والجُمعه دي بالتحديد عندنا إحنا ايه ؟

= 1 سبتمبر .. عيد ميلاد عمتك صفيه

- يا حاج ماتخلنيش اسب لصفيه و أولعلكوا فِ نفسي

= لو صوتك علي تاني، هطردك بره البيت زي عمك إبراهيم ما طرد إبنه

- طب وليه ماتعملش زي عمو سعيد أبو محمد صاحبي وتديني عيديه 1000ج

= يابني انا ممكن أديك 2000ج حالاً بس دة عيد لحمه ماتضحكش الناس علينا

- هات إنت بس 1500ج وانا مش هقول للناس ومحدش هيضحك علينا ولا حاجه

= بس ده عيد لحمه

- يعني إيه عيد لحمه ! أعملكوا ايه يعني !! عاوزني أخرج اتفسح مع صُحابي بكيس لحمه مثلاً ؟ ولا أروح للراجل بتاع السينما واقوله عاوز تذكره ميد نايت وخُد حتتين لحمه حمرا وواحده سمينه !

= انت بتروش يا مُحيي ؟

- ياحاج ماهو من غُلبي

= هات البنطلون من الأوضه وتعالي يا مُحيي

- أيوه كدة يا احسن آب فِ الدُنيا ربنا يخليك ليا ... خُد البنطلون اهو

= تعالي يا مُحيي

- إنت بتطلع الحزام من البنطلون ليه ياحاج ؟

= إنت مش عاوز عيديه ؟ أانا بقي هديك عيديه من الِ بتعلم ع الجسم

- مين قال إن عاوز عيديه !! دا عيد لحمه اساساً

= يعني إيه عيد لحمه !! اومال تخرج تتفسح مع صُحابك ازاي ؟

- بديل جاموسه .. هاخد الديل بتاع الجاموسه اتفسح بيه